له‌سه‌رهێل 87
شه‌ممه‌ 27 خه‌رمانان 2721
سازمانی خه‌باتی کوردستانی ئێران
بە جێگەی فەرشی سور،رۆحانی بدەن بە دادگای نێو نەتەوەیی

 

ویلایەت گرینگترین كۆڵەكەی رژیم ویاسای بنەرەتی وەڵاتی ئێمەیە.سوكایەتی بەو و روكنە،بێرێزی بە یاسای بنەڕەتیە.سوكایەتی بە یاسایە وبێرێزی بەبایەخەكانی شۆرشی ئیسلامیە!!(حسن رۆحانی-23ی پووشپەری 1376)ئەم قسانە بەشێك لە قسەكانی سەرۆك كۆماری نیزامێكە كە پێدەچێت لە ماوەكانی داهاتودا لە لایەن وەلی فەقێ‌ بۆ دوو چاوپێكەوتن بچێتە ئوروپا.رۆحانی لە كاتێكدا ئەم سەردانە دەست پێدەكات كە لەلایەن كۆمەڵگای نێونەتەوەیی ودامەزراوەكانی مافی مرۆڤ كەوتۆتە بەر رەخنەلەسەر ئەوەی كە تەنیا لە كاتی هاتنە سەركاری دەوڵەتی تەگبیروئومێد زیاتر لە 2000كەس بە پەتی سێدارەوە كراون.لە سەركوتی خەڵك  وڕقی وەلی فەقێ‌ لە ئازادی، خەڵكی ئێران لە راپەرینی ساڵی 1388 ریبەرەكەیان بە شێعاری مردن ونەمان خستە ژێر پرسیار،نەتەنیا لە ژمارەی ئێعدامەكانی خۆسەرانە وپلەی یەكەمی ئێعدام لە جیهان،بەڵكو بە چاكی دەتوانرێت لە پێشێل كردنی ماف وسەركوتی بەربڵاوی شەپۆلی نارەزایەتی خەڵك سەدان نمونە بهێنینەوە.راستیەكەی ئەوەیە كەهەر دوو باڵی حكومەتی،لەگەڵ تەواوی ناكۆكیە دەرونیەكان كە لەسەر بەشی زیاترە لە دەسەڵات،لە خاڵ وڕوانگەێكی ئیستراتیژیكی هاوبەشدان ئەویش سەركوت وتیرۆری شۆرش وئازادیخوازانی ئێرانە.قسە لە سەر جینایەت لە دژی مرۆڤ لە دەسەلاتی رژیمە كە لە كوشتن وزیندانی كردن وشكەنجە ترسی نیە وبۆ مانەوەی لە دەسەڵات تەنانەت بەزەیی بە خۆیەكانیشیدا نایەتەوە.بە چاوخشاندنێك بەسەر كارنامەی پڕ لەتاوانی ئاخوندان وبە تایبەت رۆحانی كە لە رۆژی یەكەمەوە نەخشی سەرەكی لە پێشێل كردنی مافی مرۆڤ وهەروەها ترۆریسم وبناژۆ خوازانەی لە دیكتاتۆری وەلایەتی فەقێ‌ بەرێوە بردوە،لە راستیدا یەكەم پرسیارە كەبەبیری هەرچاودێرێكی دەرەكی ونێوخۆیدا دێت ،دۆزینەوەی هۆكارو چرایێكە بۆ بانگهێشتی سەرۆك كۆماری شەڕو سێدارە.كردەوەیێك كە لەگەڵ جەوهەری مافی مرۆڤ یەك ناگرێتەوە وبە پێچەوانەیە.لە پێوەند بەنەخشی كلیلی رۆحانی لە دەورانی شەری ماڵوێرانگەری8ساڵەی نێوان ئێران وعێراق كەبووە هۆی كوژران وبرینداربوونی نێزیك بە میلیونێك مرۆڤ و تێچوی زیاتر لە 100میلیارد دۆلار،رۆحانی لێپرسراویەتی جۆراوجۆری لە ئەستۆ بووە كە دەتوانین ئاماژە بە لیپرسراویەتەكانی بكەین.ناوبراو لە ساڵی 1361تا 1367 ئەندام بووە لە شۆرای بەرزی خۆراگری وهاووكات جێگری فەرماندەی شەڕبووە وچەندین لیپرسراویەتی دیكەی لە ئەستۆ بووە.رۆحانی یەكێك لەو 3نەفەرە بوو كە بە نوێنەرایەتی رەفسەنجانی لە ووتوێژی نهێنی لە گەڵ مەك فارلین بەشداری دەكرد.رۆحانی لە نێوان ساڵەكانی 1367و 1368جێگری فەرماندەیی گشتی هێزە چەكدارەكانی پێسپێردرابوو.لە دووی كۆتایی شەڕ،رۆحانی هاوڕێ‌ لەگەڵ هێندێك لە فەرماندەكانی سوپا وئەرتەش، نیشانەی سەركەوتنی شەڕیان لە خورەمشارلە لایەن خامەنەیەوە پێبەخشرا.بەم پێیە كە زۆربەی پشتیوانانی مافی مرۆڤ ومرۆڤ دۆست و قۆربانیانی دەستی تیرۆر وبنەماڵەی زیندانیانی سیاسی وئەوانەی كە بە دەست رژیمەوە تاڵی رۆژگاریان چیشتوەلەگەڵ ئەوە نین كە جارێكی دیكە رۆحانی بگەرێتەوە بۆ كۆمەڵگای جیهانی وفەرشی سوری بۆ ڕاخەن،بەڵكوو لەگەڵ ئەوەن كە جێگەی راستەقینەی ناوبراو بەردەم دادگایێكی نێونەتەویە كەلیپرسینەوەی لێبكات بەتایبەت ڕشتنی خوێنی هەزاران زیندانی سیاسی لە سەر ساخ بكەنەوەو لە تۆڵەی خوێنی بە ناحەق ڕژاویان سزای توندی بدەن.بە چاوخشاندنێك بەسەر كارنامەی رۆحانی بە باشی ئەوە دەردەكەوێت كە ناوبراو چ رۆلێكی هەبووە لە سیاسەتی سەركوت وماڵوێرانی خەڵكی ئێران.بۆ وێنە دەتوانین ئاماژە بە نەخشی ناوبراو لە سەركوتی خوێناوی خوێندكاران بكەین. ناوبراو لە وتویژی خۆی لە 23ی پوشپەری 1378 گوتی ئەو خۆپیشان دەرانەی كە زیانیان گەیاندۆتە شتی گشتی ئەبێت وەك دژمنی نیزام موحاكمە بكرێن.درێژەی ئەم بارودۆخە بۆ نیزامی ئێمە جێگەی قبوڵ نیە.كەسانی شەڕانی وسەروە تاقمی موخالف وگۆشەگیركراوی كۆمەڵگا لەومەجالە كەڵ وەردەگرن.ئەو تاقمانە بە مانگ چاوەڕی مەجالی وادەكەن وپێیان وابوو ئەم خۆنیشاندانە مەجالێكی باشە بۆ ئەوان تا بتوانن بە ئامانجەكانیان بگەن.رۆداوی ناخۆش كە ڕوی دا ئەوە بوو كەئەوان سوكایەتیان كرد وهەلە كەیان قۆستەوە.

 لە لایێكی دیكەوە لە كێبەركێی هەڵبژاردن ،پاسدار رەحیمی سەفەوی دەستەراستی وەلی فەقێ‌ لە كاروباری سەركوت بە ددان پێدانی رۆڵی راستەوخۆی رۆحانی لە سەركوتی ڕابوونی خوێندكاران گوتی: من لەو بابەتەدا هەڵس وكەوتی توندم لەگەڵ وەزیری ناوخۆ كرد.لە دەبیرخانەی شۆرای بەرزی ئاسایشی نەتەوەیی كە بەرێوەبەرەكەی رۆحانی بوو كێشەیێك كەوتە نێوانمان ورۆحانی بە قازانجی سوپا دەنگی دا وگوتی دەبێت سوپا بێت بۆ تەواوكردنی ئاژاوە لە تاران.دوایی ئەم بابەتە كرایە راپۆرت ورۆحانی مۆڵەتی دابە هاتنە ناوەوەی بەسیج وسوپا ولە چەند سەعاتدا ئاژاوە تەواو بوو.لە ساڵی 1388 ناوبراو جیاوازلە ئەندام بوونی لە مەجلیسی خیبرەگان وەكوو نوێنەری تاران،سەرۆكایەتی ناوەندی لێكۆلینەوەی حكومەتیشی لە ئەستۆ بوو وبەم پێیە لە بریاردانی ئیستراتیژی بۆ سەركوتی موخالفان وهیرش بۆ سەر شوێنە خەوی خوێندكاران لە وەڵات نەخش و كونترۆلی تەواوی بووە. لە هەر روانگەیێكەوە لە نەخشی ناوبراو بروانین شوێنە دەستی لە سەركوت وبڵاوكردنەوەی ترسدا هەبووە.لە كۆتایدا دەبێت بڵێن كەرژیمی ئاخوندی بە ناردنی رۆحانی بۆ ئوروپا ئەویش لە سەرودەمی قەیرانی سوتاندنی باڵوێزخانەكان وبڕانی پێوەندی زیاتر لە 10 وەڵاتی ئیسلامی وعەرەبی،ئیستا لە لاوازترین پێگەی ناوچەیدا دەخولێتەوە.راستیەكەی ئەوەیە كە رۆحانی بەشێكی جیانەكراوە لە سیستمی ئاخوندیە كە لەسەر بنەمای پێشێل كردنی مافی مرۆڤ،ناردنەدەرەوەی بناژۆ خوازی وترۆریسم دامەزراوە.بەم پێیە كە هاوڕێەتی وچۆك دادان لە بەرانبەر دیكتاتۆری خوێنریژ كە نەتەنیا 78میلیون ئێرانی،بەڵكوو ناوچەی رۆژهەڵاتی ناوەراستی بە بارمتە گرتوە.بێشك لە قازانج وباشتر كردنی بۆحرانی مرۆیی لە ئێران وناوچەدا نیە،بەڵكوو ئیمتیازدانێكە بە خامەنەیی بۆ درێژەدان بە سیاسەتی ماڵ وێرانگەرانەی.

 
ڕێکه‌وت: 2016-01-29 16:10:03
به‌شی ( وتاری سیاسی )





دیمانه

سیاسی