له‌سه‌رهێل -1
چوارشه‌مه‌ 15 پووشپه‌ڕ 2722
سازمانی خه‌باتی کوردستانی ئێران
بەشداری كۆمیتەی نۆروێژی سازمانی خەبات لە مێزگردێكی تایبەت بە رۆژئاوای كوردستان

رۆژی شەممە 11ی بانەمەڕ بەرامبەر بە 30ی ئاوریلی 2016، كۆمیتەی نۆروێژی سازمانی خەباتی كوردستانی ئێران بەشداری مێزگردێكی سیاسی تایبەت بە كوردستانی سوریە كە لەلایەن ئەنجومەنی نیشتمانی كورد لە شاری سارپسبۆرگ بەرێوەچوو، كرد.

لە مێزگردەكەدا رەوشی ئەو بەشەی كوردستان بە وردی خرایە بەرباس و نوێنەری هێز و لایەنەكان لێكدانەوەی خۆیان لە سەر كرد. هەر لەو چوارچێوەدا نوێنەرانی سازمان كە پێكهاتبوون لە كاك عەلی و خاتوو ئارەزوو بەهرامی بۆچوونی سازمانی خەباتیان بۆ بەشداربووان روون كردەوە.

عەلی بەهرامی لە سەر مەسەلەی دیپلۆماسی كورد بەگشتی و دووركەوتنەوە لە وابەستەیی بە بەرەیەكی تایبەت و زلهێزەكان، گرینگی دان بە پرسە نەتەوەییەكان، وەلانانی كێشەكان و دروست كردنی برایەتی و تەبایی لە نێوان هەر دوو بەرەی ENKS و TEVDEM ، دۆستایەتی كردنی ئوپزسیۆنی دیموراتیكی سوریە و بەشداری لە شەری داعش و دوور كەوتنەوە لە هەر كێشە و شەڕێكی براكوژی، چارەسەر كردنی مەنتقیانەی ناوچە تەعریب كراوەكانی كوردستانی سوریە و چەندین مەسەلەی دیكەی تایبەت بەو بەشەی كوردستان خستەبەر باس و لێكدانەوەی لەسەر كرد.

لە كۆتایی دا كۆمیتەی سازمانی خەبات پەیام و نوقتە نەزەراتی خۆی بە نووسراو پێشكەش بە بەرێوەبەرانی ئەنجومەنی نیشتمانی كورد لە سوریە لقی نۆروێژ كرد.

 

صورة
ڕێکه‌وت: 2016-05-02 16:48:54
به‌شی ( چالاکیه‌کان )






  به‌شی : هه‌واڵی کوردستان   کات : 2022-07-06 08:15:48
به‌شی : هه‌واڵی ئێران
ڕێکه‌وت : 2022-07-02

به‌شی : هه‌واڵی ئێران
ڕێکه‌وت : 2022-06-30


سیاسی