له‌سه‌رهێل -1
چوارشه‌مه‌ 15 پووشپه‌ڕ 2722
سازمانی خه‌باتی کوردستانی ئێران
بەرێوەچوونی كۆبوونەوەی ساڵانەی ئەندامانی كۆمیتەی نۆروێژی سازمانی خەبات

رۆژی شەممە رێكەوتی 11ی بانەمەڕی 1395بەرامبەر بە 30ی ئاوریلی 2016 به‌ ئاماده‌ بوونی كاك بابه‌شێخ حوسه‌ینی به‌رێوه‌به‌ریی گشتی سازمان خەبات، كۆمیتەی نۆروێژ كۆبوونەوەی ساڵانەی خۆی بەرێوەبرد.

سەرەتای كۆبوونەوەكە بە دەقیقەیەك وەستان وەك رێزێك بۆ گیانی پاكی شەهیدانی سازمانی خەبات و تێكڕای شەهیدانی رێگەی رزگاری كورد و كوردستان دەستی پێ كرد. پاشان بەرێز كاك عەبدوڵای قادری بەرپرسی كۆمیتە وتەیەكی سەبارەت بە كار و چالاكی كۆمیتەی لە دوو ساڵی رابردوودا پێشكەش كرد و لایەنە بەهێز و لاوازەكانی كاروباری بۆ ئەندامانی كۆمیتە خستەڕوو.

كاك عەبدوڵا لە وتەكانیدا سپاس و پێزانینی بۆ هەوڵ و ماندووبوونی ئەندامانی كۆمیتە دەربڕی كە وێڕای سەختی و گرفتەكان بەوپەڕی توانا بۆ بەرپێشچوونی كار و باری كۆمیتەی ئەندامانی سازمان لە وەڵاتی نۆروێژ هەوڵیان داوە و ئەوەی بە هەست كردن بەبەرپرسیارەتی لە حاست خوێنی شەهیدان و رێبازە پیرۆزەكەیان، پێناسە كرد.

لە كۆتایی وتەكانیدا، كاك عەبدوڵا داوای لە بەرێز كاك بابەشێخ حسینی بەرێوەبەری گشتی سازمانی خەبات كرد كە پەیڤێك پێشكەش بە كۆبوونەوەكە بكات بۆ ئەوەی بەرچاو روونیەك بێ بۆ كاری كۆبوونەوە و هاندەر بێ بۆ زیاتر هەست بە بەرپرسایەتی كردنمان لە حاست كاروبارەكان.

كاك بابەشێخ وێڕای دەست خۆشی و ماندوونەبوونی لە ئەندامانی دڵسۆزی سازمانی خەبات، ئەوانی بە نمونەی مرۆڤی بەئەمەگ و دڵسۆزی بۆ رێبازی شەهیدان ناوبرد و ئەو كارە خۆبەخشانەی ئەندامانی سازمانی بە لەخۆبردوویی پێناسە كرد. كاك بابەشێخ هەروەها باسێكی تێروتەسەلی لەسەر مێژووی سازمانی خەبات و دەور و نەقشی ئەو تەشكیلاتە لە خەباتی رەوای گەلی كورد كردو داوای لە تێكڕای ئەندامانی كۆمیتە كرد كە رەفتاری شۆرشگێڕانەی شەهیدان بكەینە بەردی بناغەی كارو تێكۆشانمان.

لە بەشێكی وتەكانی دا كاك بابەشێخ ئیشارەی بە كاریگەری كاروچالاكی كۆمیتەكانی سازمانی خەبات لە سەر باقی ئورگانەكانی سازمان كرد داوای كرد كە ئەو چالاكیانە بەرفراوانتر و زیاتر بكرێ و لەو راستایەدا هەمووان دەبێ شانی بدەینە بەر.

بەرێزیان لە درێژەی ووتەكانی دا باسی لە دەور و نەقشی ژنان و لاوانی لە ریزەكانی سازمانی خەبات كرد و وتی ئێمە لە هەموو بەشەكاندا دەبێ رێز لە دەور و كاریگەری ژنان و لاوان بگرین و هاوكار بین بۆ ئەوەی ئەو دوو توێژە كاریگەرە زیاتر رەوڵ لە بەرەوپێشچوونی كارەكاندا بگێرن.

هەر لەو بارەوە ئیشارەی بەوە كرد كە لە كاتێكدا ئەم كۆبوونەوەیە بەرێوەدەچێ كە یادی پێنج ساڵەی دامەزرانی رێكخراوی لاوانی خەباتی كوردستانی ئێرانەو هەر بەو بۆنەوە پیرۆزبایی لە لاوانی ریزەكانی سازمانی خەبات و بەتایبەت لاوان نۆروێژ كرد و هیوای پیشكەوتن و سەركەوتنی بۆ خواستن.

لە كۆتایی ووتەكانی دا بەرێز بەرێوەبەری گشتی سازمانی خەبات داوای لە تێكڕای ئەندامانی بەرێزی كۆمیتەی نۆروێژ كرد كە لە راستای زیاتر خزمەت كردن بە رێبازی سازمانی خەبات و دۆزی رەوای نەتەوەكەمان زیاتر و باشتر بێنە مەیدان بۆ ئەوەی لە ئوروپا و بەتایبەت لە نۆروێژدا بتوانین زیاتر بزوتنەوە نەتەوەكەمان و بەرنامە رەواكانی بە كۆمەڵی ئەو وەڵاتانە بناسێنین و هانیان بدەین پشتیوان و هاوكارمان بن.

لە دوای وتەكانی كاك بابەشێخ حسینی كارو چالاكیەكانی كۆمیتە خرایە بەرباس و هەر كەس لە ئەندامان لە روانگەی خۆیانەوە قسەیان لە سەر كاروچالاكیه‌كانی رابردو كرد و هەر كام لەلایەن خۆیانەوە بەڵێنی بەردەوامی و چالاكی زیاتریان دا.

برگەی كۆتایی كۆبوونەوەكە تایبەت بوو بە هەڵبژاردنی و بەرپرس و ئه‌ندامانی به‌رێوه‌به‌ریی بەشەكانی كۆمیتەی نۆروێژی سازمانی خەبات.

كۆمیتەی نۆروێژی 

سازمانی خەباتی كوردستانی ئێران

12ی بانەمەڕی1395

1ی مای 2016

صورة

صورة

صورة

صورة
ڕێکه‌وت: 2016-05-02 16:59:58
به‌شی ( چالاکیه‌کان )






  به‌شی : هه‌واڵی کوردستان   کات : 2022-07-06 08:15:48
به‌شی : هه‌واڵی ئێران
ڕێکه‌وت : 2022-07-02

به‌شی : هه‌واڵی ئێران
ڕێکه‌وت : 2022-06-30


سیاسی