له‌سه‌رهێل 47
شه‌ممه‌ 27 خه‌رمانان 2721
سازمانی خه‌باتی کوردستانی ئێران
بیست و نۆهەمین ساڵیادى شیمیابارانى شارى سەردەشت

 

خەباتمێدیا: ئەمرۆ سالیادى بۆمبارانى شیمیایی سەردەشت لەلایەن هێزى ئاسمانى حکوومەتى دژە مرۆڤى پێشووى عێراقە. 7ى پووشپەرى 1366 ئەو رۆژەى کە 110 کەسی مەدەنى شەهید کران و لە سەرژمێرى 12000 کەسی ئەو کاتى شارى سەردەشت  8000 کەس کەوتنە بەر مەترسی هەڵمژینى گازى ژەهراویی و بریندار بوون. 

لە جەریانى شەر، خەڵکى مەدەنى هیچ شوینەوارێکیان لەسەر شەر نییە و هەر بەو هۆیەش نابێ ئاسەوارى شەر ئەوان بگرێتەوە و بە پێى یاساى داندراوى ساڵى 1874(کۆنفرانسی برۆکسێل) و ساڵەکانى 1899 و 1907 (کۆنفرانسی لاهە) وەڵاتانى نابی شوینى مانەوەى هاوەڵاتیانى مەدەنى بکەنە شوێنى شەر و پێکدادان. بەڵام بەهۆى پێشێلکردنى ئەو یاسایە هەمیشە خەڵکى مەدەنى دەکەونە بەر هێرشی دەۆلەتان و زیانمەند دەبن و لە رێکەوتى 7ى پووشپەریش لە ئاکامى شەرى هەر دوو دەوڵەتى جینایەتکارى بەعسی رووخاو و رژیمى ئاخوندى ئێستاى ئێران کارەساتى شیمیابارانى شارى سەردەشت خوڵقا.  

بومبارانى شیمیایی شارى سەردەشت ئاسەوارى یەکجار خەرابی لەدووى خوى بەجێهێشت و ئەوانەى ماون هێشتاش بەدەرد و ئازارەوە دژەین و بارودۆخیان زۆر خەراپە. 

لەپاش 29 ساڵ تێپەرین بەسەر ئەو رووداوە پانتایی خەماویی ئەو کارەساتە هەر ماوە و سەرەنج نەدان و ئیهمالکردنەکانى دەسەڵاتدارانى رژیمى ئاخوندیش ئیش و ئازارەکانى خەڵکى چەند بەرانبەر کردووە. 

بە پێى هێندێک بەراورد دوترێ کە هەتا 3 نەوەى داهاتوو ئەو شارە لە ژێر مەترسی پێس بوون دا دەمێنیتەوە و منداڵى نوقستان لە دایکان و باوکانى بەرکەوتووى گازى شیمیایی دێنە دونیا و بوونى چەند کەسێک لەژێر چاودێرى دەرمانى و پشتیوانى مەعنەوى و مەراسیماتى بچووک ناتوانێ ئاسوارى خەراپی ئەو هێرشە بەربلاو و کارەساتە لەبیر خەڵک بباتەوە و کاریگەرى هەبێ. 

 

بۆ ﺳەﺭﺩەﺷﺘﻢ ﺑۆ ﺳەﺭﺩەﺷﺘﯽ ﭘﺮ ﻟﻪ ﺷەهیدم)

هێمن

ﺑۆ ﺳەﺭﺩەﺷﺘﻢ ﺑۆ ﺳەﺭﺩەﺷﺘﻢ ﺷﺎﺭﯼ ﺯەﺭدەﺸﺖ ﻭڵاتی خۆر

ﺑۆ ﺷﺎﺭﻩ ﺷێوە ﮐۆﺗﺮەﮐەﯼ پەڕ ﺧﻮێناوی ﺑﻪ زوڵم و زۆر

ﺑۆ ﺑەهﺎﺭﻩ ﺳەﺭﺳەﻭﺯەﮐەﯼ ﺳﻮوﺭ ﺑﻪ خوێنی پیر و لاوت

ﺑۆ ﺩﺍﯾﮑﯽ هەﺯﺍﺭﺍﻥ ﮐۆﺭﭘەﯼ ﻟﻪ ناو باوەشدا خنکاوت

ﺷەﻭﻧﻣﯽ ﺳەﺮ هەﺮ ﮔﻮڵێکت فرمێسکی دایکانی منە

ﺩەﺳﺘﻪ ﺯﺍمدارە ﺯﺍمدارە ، ﺯﺍمداری دەستی دوژمنە

ﻟﻪ ﺑﺎﻭەﺷﯽ ﺧﺎﮐﯽ ﺗۆﺩﺍ هەﺯﺍﺭﺍﻥ چاو تێیدا خەوتوون

ئاﺭﺍﻡ ئاﺭﺍﻡ ﭘﯿﺮۆﺯ ﭘﯿﺮۆﺯ، تێکەڵ بە خۆڵ و خاک و پەردوون

ﻟﻪ ﺑﻦ ﮐێلی هەﺮ ﮔۆڕێکت ﺩﻭو چاو وەکوو گوڵی بەیبوون

ﺳﯿﺲ ﺑﻪ ﺩﺳﺘﯽ ﺷەختە ﺳەرما نەرم نەرم لە خەو راچوون

ﻟﻪ هەﺮ بست ﺧﺎﮐﯽ پیرۆزت تنۆک تنۆک خوێن رژاوە

ﻟﻪ ﺳەﺮ هەﺭ ﭘەﻧﺠەﺭەﯼ ماڵێک گوڵدان و گوڵێک خنکاوە

ﮔﯿﺎﻧﯽ هەر شەهیدێکت بۆتە ئەستێرەیەک لە ئاسمان

ﺷەوانە پڕشەنگ پڕشەنگ پیرۆز دەکەن دەورووبەرمان

ﺋێمەی ﮐﻮﺭﺩ ﺑڕﯾﺎﺭﻣﺎﻥ ﺩﺍﻭﻩ ، ﺗﺎ ﻟە لەﺸﻤﺎندا ﺧﻮێن ماوە

ﻟﻪ ﻧﯿﻮ ﭼﺎﻭﺍﻧﯽ هﺮ کێوێک ، ﻟﻪ ﺳەﺮ ﺩەﺭﻭﺍﺯەﯼ هەر ماڵێک

ﻟﻪ ﻟﻮتکەی بەرزی هەر شاخێک ﻟﻪ هەر نزار و قەدپاڵێک

ﻟﻪ ﺳەﺭ ﺷﺎ ﭘەﻟﮑﯽ هەﺭ ﮔوڵێک ، ﻟﻪ نیو دڵی هەر منداڵێک

هەﻣﻮو ﺭۆﮊێک ، هەﻣﻮو ﻣﺎنگێک ، هەﻣﻮو ﺳﺎڵێک ...

ﺑﻪ خەتێکی سووری خوێنین وەک چیرۆک بۆ دیرۆک نووسن

ئێمە کوردین خۆڕاگرین ئێمە فێرین بۆ ژیان بمرین

 
ڕێکه‌وت: 2016-06-27 17:35:26
به‌شی ( وتاری کۆمه‌ڵایه‌تی )





دیمانه

سیاسی