له‌سه‌رهێل 134
یه‌کشه‌ممه‌ 4 ره‌زبه‌ر 2721
سازمانی خه‌باتی کوردستانی ئێران
رەوتی بەرەو پاشچوونی رژێمی ویلایەتی فەقیە!

...بەڵكوو گلە و شكایەتی ئەو ئاخوندە لە بڵاو كردنەوەی ئەو ئامارانەیە. لەوە دەرچین كە ئەو ئامارانە مشتێكە لە خەرمان كە بەهۆی كێشە و شەڕی نێوان تاقمە دەسەڵاتدارەكاندا ئیشارەی پێ دەكرێ. لە هەموی سەیرتر ئەوەیە ئاخوند ناتقی نووری خەیاڵی ئولگو بونی رژێمی لە سەردایە!

ئەو ئاخوندە جینایەتكارە بەردەوام دەبێ و لە بەشێك لە قسەكانی دا، ئیعتراف بە زوڵم و زۆر لە دادگاكان دەكاو دەڵێ: رۆژێك كەسێك لە دەفتەری پێداچوونەوە هاتە لام و وتی من هیچ چاوەروانیەكم لێت نیە تەنیا دەمەوێ داوا لە دادگا بكەن كە بەشێوەی دادپەروەرانە پەروەندەكەم لێك بداتەوە. بۆدەبێ خەڵك گیانیان بلەرزێ و بەو باوەڕە بگەن كە هەموو ئەو شتانە خراپن؟ خەڵك وادەلێن، دەڵێن ئەوانە بەو شێوەن.

بەڵێ لە مێژە خەڵك بە چەوتی و گەندەڵی رژێمی ویلایەتی فەقیەیان زانیوە كێردیان بە ئێسك گەیشتووە. گەندەڵیەكی قوڵ و سیستەماتیك. بەڵام بە رای ئێوە ئاكامی ئەو گەندەڵیە چ بووە؟ ناتقی نووری بەو جۆرە وەڵام دەداتەوە: هەموومان ئەو پرسیارەمان لێ دەكرێ و دەبێ خەسار ناسی بكەین كە بۆچی دوای 37 ساڵ لە زۆربەی مەسەلەكاندا بۆ دواوە چووینەتەوە؟ 

ئەو قسەی ناتقی نووری بێ وەڵام نەمایەوە، دوو رۆژی پێنەچوو ئاخوند لاریجانی هاتە پێش و ووتی: هەندێ جار چاوەروانیەكان لە جێی خۆیدا نیە. بۆچوونێكی لاوازە. ئاقایەكی پلەبەرز دەڵێ كە هاتوونەتە دەفتەرەكەم و پێ یان ووتووم كە هیچ چاوەروانیەكم نیە تەنیا ئەوەی كە بە دادگوستەری بڵەی كە لە پەروەندەكەم دا دادپەروەر بن. هەروەها ئەو ئاقایە كە قسەكە دەگێرێتەوە دەڵێ بۆ دەبێ خەڵك لەشی بكەوێتە لەرزە. سەیر، بۆچوونی چۆنە. بەداخەوە بۆ ئەو لێكدانەوە بێ حسێب و كتێبە. ئێمە هەندێ جار هەڵە دەكەین لە كارەكانمادا. كەسانێك كە لە نیعمەتی ئینقلاب دەستكەوتی زۆریان بووە ئێستا دەوری ئۆپزسیۆن دەگێڕن. هەموو خاڵە باشەكان دەخەنە ژێرپرسیارەوە. ئومێدەكانی خەڵك نا ئومێد دەكەن ئاخر بۆچی؟

راستی مەسەلەكە ئەوەیە كە لەلایەك ئاخوند ناتقی نووری ئیعتراف بەوە دەكا كە رژێمی ویلایەتی فەقیە توانای چارەسەری دیاردە كۆمەڵایەتیەكانی نیە و لەو بارەوە دۆشداماوە و لەلایەكی دیكەوە ئاخوند لاریجانی دەڵێ تۆ كە لەو هەموو نیعمەتەی نیزام خاوەن بەش بووی قسە مەكە با خەڵك نا ئومید نەبن. نا ئومێدی خەڵك لە نیزام ووشەیەكە كە لەم دوایانەدا دەسەڵاتداران زۆری بە كار دەبەن، كە بە مانای پێ گرتنی نارەزایەتی و راپەرینە. هەرچەند خەڵك و لاوانی ئێران هیچ كات ئومێدیان بەو سیستەمە نەبەستووە. ئەوان لە دەست رژێم دواكەوتوو و جینایەتكار هەڵدێن و هەوڵ بۆ رووخانی دەدەن. خاڵی هاوبەشی نیگەرانیەكانی ئەو دوو ئاخوندەش هەر لەو بارەوەیە.
ڕێکه‌وت: 2016-07-02 13:30:30
به‌شی ( وتاری سیاسی )





دیمانه

سیاسی