له‌سه‌رهێل -1
چوارشه‌مه‌ 15 پووشپه‌ڕ 2722
سازمانی خه‌باتی کوردستانی ئێران
بەشداری بەرێوەبەری گشتی سازمانی خەبات ی كوردستان لە كۆبوونەوەی بەرینی ئۆپۆزسیۆنی ئێرانی لە پاریس

 رۆژی 19ی پووشپەری 1395 لە پاریسی پێتەختی فەرانسە كۆبوونەوەێكی بەرفراوانی ئۆپۆزسیۆنی ئێران بەرێوەچوو كە وێرای بەشداری ژمارەیێكی بەرفراوانی كەسایەتی و سیاسەتمەداری جیهانی لە زۆربەی وەلاتانی جیهان و نزیك بە 100 هەزار كەس حەشیمەت لە زۆربەی وەڵاتانی جیهان بەرێز كاك بابەشێخ حسێنی بەرێوەبەری گشتی سازمانی خەبات ی كوردستان لەسەر بانگهێشتی فەرمی سازمانی موجاهیدینی خەڵقی ئێران بەشداری لەو كۆبوونەوەیەدا كرد. بەرێز كاك بابەشێخ حسێنی بەرێوەبەری گشتی سازمانی خەبات ی كوردستانی ئێران یەكێك لە ووتاربێژانی ئەو كۆبوونەوە بەرفراوانە بوو. بەرێز حسێنی لەوتارەكەیدا تیشكی خستە سەر چەندین پرسی گرینگی پێوەندیدار بە خەباتی رزگاریخوازانە دژی رژیمی ئاخوندی و سیاسەتی دانووستانی وەلاتانی رۆژئاوایی و پێدانی ئیمتیازی یەك لەدوای یەك بەو رژیمەی مەحكووم كرد. بەرێزیان وێرای ئاماژە بە جینایەتەكانی رژیمی دەسەڵاداری ئێران سیاسەتی درۆ و فرت و فێلی ئاخوندانی بیر هێنایەوە و لەسەر هەوڵەكانی رژیم بۆ كرینی كەل و پەلی پێوەندیدار بە بردنە پێشەوەی بەرنامەی ناوكەیی سەرەرای ئەوەی كە بەلێنی راگرتنی بەرنامەكانی داوە هەڵوەستەی كرد. بەرێز كاك بابه شیخ وێرای ناردنی سلاو بۆ پێشمەرگەكانی سازمانی خەبات و هەروەها پێشمەرگەكانی ناوخۆی كوردستان ئاماژەی بە قارەمانەتی و فیداكاریی هێزی پێشمەرگە لە مەیدانەكانی جەنگ دژی رژیمی ئاخوندی كرد و خوێنی شەهید رەحمان پووركەریمی كادری بە باوەری سازمان كە لە ناوچەی بۆكان شەهید كرا و هەروەها شەهیدانی ئەمدواییەی هێزەكانی كوردستانی بە دەستمایەی بردنە پێشەوەی خێراتری خەباتی رەوای گەلەكەمان زانی. بەرێز سكرتێری گشتی سازمانی خەبات ی كوردستانی ئێران لە بەشێكی تری ووتارەكەی دا لەسەر نەگۆرینی دەسەڵاتدارانی ئێران پێداگری كردەوە و تەنیا چارەسەری بە رووخان و لەناوچوونی ئەو رژیمە دیكتاتۆرە بە خەباتی نەپساوە و یەكگرتووانەی گەلانی ئێران زانی. دەقی ووتەكانی بەرێز كاك بابەشێخ حسێنی بەرێوەبەری گشتی سازمانی خەبات ی كوردستان دواتر بڵاو دەكرێتەوە. 

جێگەی باسە بەشێك لە ئەندامان و لایەنگران و بەرپرسانی كومیتەكانی دەرەوەی سازمانی خەبات بە سەرپەرشتی بەرێز كاك جەلال خوشكەلام ئەندامی كومیتەی ناوەندی و بەرپرسی كومیتەی ئورووپا لەو كۆبوونەوە بەرفراوانە دا بە لۆگوی سازمانی خەبات و ئاڵای كوردستان بەشدارییان كرد.

ئەو كۆبوونەوەیە وەك نەریتێكی ساڵانە لە لایەن شۆرای میللی موقاومەتی ئێران بە بۆنەی دەسپێكی كاری ئەرتەشی ئازادیبەخشی ئێران لە 30 جۆزەردان رێكدەخرێ‌ و دەكرێتە دەرفەتێك بۆ بەرەوپێش بردنی خەبات دژی دیكتاتۆری ئاخوندی . جێگەی باسە خاتوومەریەمی رەجەوی سەرۆك كۆماری هەڵبژێردراوی شۆرای میللی موقاومەت لە سەرتای كۆبوونەوەكە ووتارێكی پێش كەش بە ئامادەبووانی كۆبوونەوەكە كرد.

صورة
ڕێکه‌وت: 2016-07-11 16:58:07
به‌شی ( چالاکیه‌کان )






  به‌شی : هه‌واڵی کوردستان   کات : 2022-07-06 08:15:48
به‌شی : هه‌واڵی ئێران
ڕێکه‌وت : 2022-07-02

به‌شی : هه‌واڵی ئێران
ڕێکه‌وت : 2022-06-30


سیاسی