له‌سه‌رهێل 84
یه‌کشه‌ممه‌ 4 ره‌زبه‌ر 2721
سازمانی خه‌باتی کوردستانی ئێران
سوپای پاسدارانی رژێم تۆرێكی بەربڵاوی قاچاخی مەوادی هۆشبەر لە جیهان!

 لە هەواڵەكاندا باس لە شێوەی نوێی قاچاخی مەوادی هۆشبەر بۆ ئوروپا لەلایەن سوپای پاسدارانی رژێمی ئێران كرا، كە ویستوویانە بە كەڵك وەرگرتن لە قتوی دۆشاوی تەوماتە (روب) بارێكی 200 كیلۆگرامی هێرۆئین بگەیێنێتە ئوروپا، كە لەلایەن خاڵی پشكنینی نێوان توركیە / بولغارستان دەستی بەسەردا گیراو كە نرخی ئەو بارە هێرۆئینە 9 ملوێن یۆرۆ بووە. كە قەرار بووە بیگەێننە وەڵاتی هۆلەند.

لە ئێستادا ئەوە بۆ هەموو كەس روونە كە ئورگانە سەربازی و ئینلاعاتی و دیپلۆماتیكەكانی رژێم و لە سەرویانەوە سوپای پاسداران و هێزی تیرۆریستی قودس نەك تەنیا دوری سەرەكیان هەیە لە بڵاوكردنەوەی مەوادی هۆشبەر لە ناوخۆی وەڵات، بەڵكوو شەبەكەی بەربڵاوی نێونەتەوەییان دامەزراندووە بۆ ناردنی ئەو مەوادانە بۆ وەڵاتانی دیكە و وەدەست هێنانی داهاتێكی زۆر و زەوەند.

لە راستیدا پێشوونەی چالاكی سوپا و هێزی تیرۆریستی قودس بۆ تەجارەت بە مەوادی هۆشبەر دەگەرێتەوە بۆ كاتی شەری 8 ساڵە. لە ماوەی شەڕی 8 ساڵەدا بۆ دابین كردنی سەرچاوەی مادی بۆ كرینی چەك و كەل و پەلی سەربازی رژێم بە كەڵك وەرگرتن لە هەلی زەوینیو دەریایی و هەوایی مەوادی هۆشبەری بۆ وەلاتانی دیكە بەشێوەی قاچاخ هەناردە كرد.

ماڵپەری فارسی رادوێی نێودەوڵەتی فەرانسە، 17ی نوامبری 2011 لە بارەی قاچاخی مەوادی هۆشبەر لەلایەن سوپای پاسداران، رایگەیاند: 

سوپای پاسداران بۆ كاری قاچاخ لە ئیمكاناتی تایبەت كە پێكدێ لە شیركەتەكانی كەشتیرانی و قرۆكەوانی كەڵك وەردگرێ و لەو چوارچێوەدا دەسەڵاتێكی بێ سنووری هەیە.

لەدوای شەڕی هەشت ساڵەش رژێمی خومەینی بۆ بەردەوام بوون لە سیاسەتە دژە مرۆییەكانی و بۆ دابین كردنی خەرجی بەرنامەی ناوكەیی پێویستی بە پەرەپێدانی كرین و فرۆشتنی ئەو مەوادە بوو.

پێش هەڵدانەوەی بەڵگەكان پێویستە ئیشارە بە راپۆرتێكی دەفتەری نوێنەرایەتی رێكخراوی نەتەوە یەكگرتووەكان سەبارەت بە بەربەرەكانێی مەوادی هۆشبەر و سیاسەتەكانی رژێمی ئێران لەو بارەوە بكەین بۆ ئەوەی مەسەلەكە باشتر روون بێتەوە بۆمان.

راپۆرتی نوێنەرایەتی رێكخراوی نەتەوەیەكگرتووەكان سەبارەت بە بەربەرەكانێ‌ ی مەوادی هۆشبەر، ئەو راستیەمان پێ دەڵێ كە نزیك بە 40 لەسەدی ئەو مەوادەی هاوردەی ئێران دەكرێ لە ناوخۆدا دابەش دەكرێ و بەكار دەهێنرێ، بەڵام 60 لەسەدەكەی دیكە هەناردەی وەڵاتانی عێراق، توركیە، و ئازەربایجان و لە ئاكامدا بۆ ئوروپا دەكرێ.

بە پێی لێكدانەوەی رێكخراوی نەتەوە یەكگرتووەكان رۆژانە 10 تۆن مەوادی هۆشبەر هاوردەی ئێران دەكرێ، 4 تۆن لە ناوخۆدا بەكار دەهێندرێ و 6 تۆنی دیكە هەناردە دەكرێ.

ئێستا ئەو پرسیارە دێتە ئاراوە كە بەراستی دەرچوونی ئەو رێژە لە مەوادی موخەدیر لە بازگە جۆراوجۆرەكانی پشكنین كاری كێیە؟

پێكەوە چاوێك لە گۆشەیەك لەو بەڵگانەی ئاشكرا كراون بكەین:

رێكەوتی 1ی مارسی 2012 (17ی رەشەمەی 90) وەزارەتی خەزێنەداری ئەمریكا پاسدار غوڵامرەزا باغەبانی لە هێزی ترۆریستی قودسی خستە لیستی قاچاخچەكانی تایبەت بە مەوادی هۆشبەر.

لەو پێوەندەدا رۆژنامەی تایمزی لەندەن 27ی خەزەڵوەری 1390 نووسی: قاچاخی مەوادی هۆشبەر ساڵانە ملیاردها دولار داهاتی بۆ سوپای پاسداران دەبێ. رێكخراوی زانیاری ئەمریكا توانیویەتی 2 كەس لە فەرماندە پلە بەرزەكانی سوپا كە راستەخۆ كار قاچاخی مەوادی هۆشبەر دەكەن ئاشكرا بكا. یەكێكیان عەبدوڵا عێراقی فەرماندەی سوپا لە تارانە كە لەەگەڵ تاقمە تاوانبارەكانی ئوروپای روژهەڵات پێوەندی هەیە، ئەوی دیكەشیان موحسین رەفیقدۆستە كە پێشتر فەرماندەی سوپای پاسداران بووەو پێوەندیەكی تایبەتی لەگەڵ رێكخراوە تاوانبارەكاندا هەیە.

ئەو تاقمە لە رێگەی شیركەتی گواستنەوەی كەل و پەلی سەربە موحسینی رەفیقدۆستە بە چەندین بەلەم (قایەق) وە 2 فرۆكە مەوادەكان لە بەستەی بچووكدا دەنێرن بۆ ئالبانی، رۆمانی و بولغارستان. ئەو بارانە بەشێوەی نهێنی لە نێو ماشینی بارهەڵگری شیركەتەكانی ئالبانی و رۆمانی جێ سازی دەكرێن و بۆ ئوروپای رۆژئاوا دەنێردرێن. جوێ لەوە، شیركەتێكی گواستنەوەی سەربە رژێم لە رێگەی 300 ئوتوبوسەوە باری مەوادی هۆشبەر لە ئێرانەوە دەگەێننە ئوروپا. ئەو شیركەتە لەژێر دەستی پاسدار عەبدوڵا عێراقیدا كاردەكا.

هەروەها پۆلیسی ئینتەرپۆل دەستی بەسەر 4 بەلەمی سوپای پاسداراندا گرتووە كە باری گەورەی مەوادی هۆشبەریان پێ بووە كە لە هەوڵی گەیاندنی بوون بۆ ئوسترالیا و زەلاندی نەو. 

دووهەم: لە مانگی رەزبەری 1390 كاتێ‌ وەزارەتی دادی ئەمریكا و پۆلیسی فیدراڵ (ئیف.بی.ئای) پەردەیان لەسەر بەرنامەی ترۆری سەفیری عەرەبستان لە ئەمریكا لادا، یەكێكی دیكە لە رێگەكانی پێوەندی سوپای قودس لەگەڵ تاقمە نێودەوڵەتیەكانی مەوادی هۆشبەر ئاشكرا بوو.  بەرپرسانی ئەمریكایی بڵاویان كردەوە كە هێزی ترۆریستی قودس لەریگەی تاقمەكانی قاچاخی مەوادی هۆشبەر لە مكزیك بە دانی ملوێنێك و پێنجسەد هەزار دولار هەوڵی دانانی بۆمبیان لە رستۆرانێك لە واشینگتۆن داوە بۆ ئەوەی سەفیری عەرەبستان لەو وەڵاتە ترۆر بكەن.

سێهەم: ساڵی 1373 شەبەكەیەكی گەورەی سوپای پاسدارانی رژێم لە ئاڵمان ئاشكرا بوو كە ریسواییەكی زۆری بە دوادا هات و دەركەوت كە رژێم بەو داهاتەی لە قلچاخی مەوادی هۆشبەر وەدەستی دێنێ هەوڵی كرینی كەل و پەڵی ناوكەیی بۆ بەدەستهێنانی بۆمبی ناوكەیی دەدا.

ئەو شەبەكە كاتێ‌ ئاشكرا بوو كە پۆلیسی نهێنی ئاڵمان وەك كریاری مەوادی هۆشبەر لەگەڵ دەست و پێوەندەكانی سوپا لەو وەڵاتە پێوەندیان دروست كرد.

یەكێك لە بەرێوەبەرانی ئەو شەبەكە جێگری پێشووی وەزیری نەوتی رژێم بە ناوی حەبیب ئیلاهی بوو.

دەزگای زانیاری ئاڵمان یەكێكی كەسێكی دیكەی ئەو شەبەكەی بە ناوی مەهدی كاشانی ئاشكرا كرد و باڵوێزخانەی رژێم لە بۆنی بە ناوەندی كار و چالاكیەكانی ئەو شەبەكە ناساند.

ئەو شەبەكە لە رێگەی كرینی فرۆكەخانەیەك لە شاری هارتنهلمی ئاڵمان ترانزیتی مەوادی هۆشبەری دەكرد.

دەوری سوپا لە ترانزیتی مەوادی هۆشبەر لە وەڵاتانی ناوچەكە و جیهان:

عێراق: بەپێی راپۆرتەكان لە پێش هێرشی ئەمریكا هاوپەیمانانی بۆ سەر عێراق لە ساڵی 2003دا، هیچ كام لە جۆرەكانی مەوادی هۆشبەر لەو وەڵاتەدا بوونی نەبووە بەڵام تەلەفزیۆنی (الشرقیە) 19ی خەزەڵوەری 1387 لە ارپۆرتێكدا بڵاوی كردەوە كە لە ساڵی 2003وە هێنانی مەوادی هۆشبەر بۆ عێراق بەشێوەیەكی بێ پێشوونە سەهل و ئاسان بووە.

ئەو تەلەفزیۆنە هەر وەها بە پشت بەستن بە راپۆرتی هەیئەتی نێودەوڵەتی بۆ چاودێری مەوادی هۆشبەر كە ناوەندەكەی لە ویەنە، بەڵاوی كردەوە كە عێراق بۆتە ترانزیتی هێرۆئین. ئەو زانیارانەی لە بەردەستدایە ئەوە روون دەكاتەوە كە سنووری عێراق و ئێران، دەروازەی هاوردەكردنی مەوادی هۆشبەر بۆ وەڵاتانی كەنداو، توركیە و بولغارستانە.

هەروەها یەكێك اە راوێژكارەكانی وەزیری ناوخۆی عێراق ئاشكرای كرد: رژێمی ئێران سەرچاوەی سەرەكی ناردنی مەوادی هۆشبەرە بۆ عێراق. (ئەلزەمان 12ی سەرماوەزی 1387)

بەحرەین: سەرگورد موبارەك عەبدوڵا بەرێوەبەری بەرنگاربوونەوەی مەوادی هۆشبەر لە 19ی بانەمەڕی 1389 گووتی: رژێمی ئێران كار ئاسانی بۆ قاچاخچیەكانی مەوادی هۆشبەر دەكا. ناوبراو هەروەها گووتی تەنیا بەحرەین لەو ساڵەدا 6 ئێرانی گرتووە كە 100 كیلۆگران حەشیشیان هێناوەتە ئەو وەڵاتەوە. ئەو كەسانە گووتوویانە كە بەرپرسەكانیان لە ئێران بۆ قاچاخی مەوادی هۆشبەر ئیمتیازیان دەدەنێ.

كوەیت: رۆژنامەی كوەیتی ئەلقبس رۆژی 11ی بانەمەڕی 1389 لە زمان بەرپرسانی رێكخراوی دژە جاسوسی ئەو وەڵاتە نووسی: ئەندامانی شەبەكەیەكی جاسووسی كە سەر بە سوپای پاسداران بوون لە 9 مانگ لەوە پێشەوە دەستیان بە كاركردبوو، ئاشكرا بوون، هەروەها ژمارەیەكی زۆر لە ئەندامانیان لە وەزارەتی بەرگری و ناخۆی كوەیت دۆزرانەوەو بەدوای چەند كەسی دیكەی عەرەب و غەیرە عەرەب دا دەگەرێن كە پێوەندیان بەو شەبەكەوە هەبووە.

ئەو كەسانەی دەست بەسەركراون دیانیان بەوەدا ناوە كە پێوەندیان بە پلەدارێكی سەربازی لە سەفارەتی رژێم لە كوەیتەوە هەبووە. ئەو شەبەكەیە پێكهاتووە لە كەسانی ئێرانی، سووری، یەمەنی و كوەیتی.

عەرەبستان: رێكەوتی 22ی رەزبەری 1387 سێزدە ماسیگری ئێرانی بە تۆمەتی قاچاخی مەوادی هۆشبەر لە سەنعا دادگایی كران. ماوەیەك پێش ئەوەش دوازدە ماسیگری دیكە هەر بەو تۆمەتە دادگایی كرابوون. مەوادەكەیان بە بەلەمی ماسیگیری لە ئێرانەوە بۆ یەمەن گواستبۆوە تا لە رێگەی یەمەن لە بازارەكانی عەرەبستان و وەڵاتانی دیكەی كەنداودا بیانفرۆشن. بەپێی گوتەی بەرپرسانی یەمەن لە ماوەی 9 مانگدا 27 جۆری مەواد دەستی بەسەردا گیراوە. لە سەرماوەزی 1387یشدا لە بەلەمێكی دیكەی ئێرانیدا رێژەیەكی زۆری حەشیش دەستی بەسەردا گیرا. رژێمی ئێران بەندەری ئەلمهرە لە رۆژهەڵاتی كەناراوەكانی یەمەنی كردۆتە یەكێك لە بنكەكانی هەناردەكردنی مەوادی هۆشبەر بۆ وەڵاتانی دەوڵەمەندی عەرەب.

ئەوە لە كاتێكدایە كە هاتوچۆی بچووكترین بەلەم لە ئاوەكانی ئێران لەلایەن هێزی دەریایی سوپاوە كونترۆڵ دەكرێ و بەبێ ئاگاداری و فەرمانی ئەوان كەس توانای ناردنی مەوادی هۆشبەری بۆ وەڵاتانی ناوچەكە نیە.

ئەفغانستان: ناوەندی هەواڵنێری "سبون" لە ئەفغانستان لە راپۆرتێكدا رێكەوتی 24/05/2011 لە ژێرناوی "دیاردەی چارەسەر نەكراوی مەوادی هۆشبەر لە ئەفغانستان" دەنووسێ: لە راستیدا رێژەی كشتوكاڵی خەشخاش لە 8000 هیكتار لە ساڵی 2001 بۆ 123000 هیكتار لە ساڵی 2010 پەرەی سەندوە.

لە درێژەدا دەنووسێ: ئێران سیاسیەتێكی گرتۆتە پێش كە هانی كشتوكاڵی زیاتری خەشخاش دەداو پشتیوانی لێ دەكا و لە ئاكامدا هێزەكانی سوپا بەشێوەی تایبەت مەوادی هۆشبەر بۆ ئێران دەگوازنەوە و دوایی بۆ بازارەكانی جیهانی هەناردە دەكەن.

رۆژی 16ی رەشەمەی 1387 ژنراڵ دەیوید مەككیرنان فەرماندەی ئەمریكایی هێزە نێودەوڵەتیەكان لە ئەفغانستان گوتی: رژێمی ئێران هەروا پشتیوانی لە تاقمی ترۆریستی تالیبان دەكات. ئەو رژێمە لە باری بارهێنان و دارایی پشتیوانی لەو هێزانە دەكاو دەستی لە قاچاخی مەوادی هۆشبەردا هەیە.

نیجریە: رێكەوتی 28ی خەزەڵوەری 1389 بەرپرسانی دەوڵەتی نیجریە رایانگەیاند 130 كیلۆگرەم هێرۆئینیان گرتووە كە لە ئێرانەوە بۆ ئەو وەڵاتە نێردراوە كە بۆ ئوروپا بگوازرێتەوە. جوێ لەوە لە سەرەتای خەزەڵوەری 1389 هێزە ئەمنیەكانی نیجریە هەواڵی راگرتنی 13 بارهەڵگریان بڵاوكردەوە كە چەك و چۆڵی نایاساییان تێدا بووە و لە ئێرانەوە هێنراون.

هێزە ئەمنیەتیەكانی نیجریە لە پێوەند بەو بارهەڵگرانە چەندین ئێرانیان دەست بەسەر كردوە بەناوەكانی عەزیم ئاقاجانی و سەید ئەحمەد تەهماسوبی كە هێزەكانی سوپای قودسی سوپای پاسدارانیان بە بەرپرسی هەناردەكردنی مەوادی هۆشبەر و چەك و چۆڵ بۆ نیجریە داناوە.

ئازەربایجان: شەبەكەی ئێن تی وی توركیە چالاكی شەبەكەی قاچاخی سوپا لە ئازەربایجانی ئاشكرا كرد:

لە راپۆرتی شەبەكەی ئێن تی وی توركیە، هەواڵی 25 ئەندامی شەبەكەیەكی قاچاخی مەوادی هۆشبەر لە ئازەربایجان ئیشارەی داوە كە 8 كەسیان لە كارمەندانی سەفارەتی رژێم لە باكۆ بوون. ئەوان دیانیان بەوەدا ناوە كە سوپای پاسداران خەریكی كاری خەراپەیە لەو وەڵاتە.

لەو چوارچێوەدا رژێمی ئێران داوای دانەوەی ئەو گیراوانەی لە ئازەربایجان كردبوو بۆ ئەوەی بە توندی سزایان بدات بەڵام لەدوا دانەوەیان لەلایەن حكومەتی ئازەربایجان، دوای ماوەیەك هەر ئەو كەسانە بەهۆی قاچاخی مەوادی هۆشبەر لە ئازەربایجان گیرانەوە. لەو پێوەندەدا هەماهەنگی سوپاس قودس و باڵوێزخانەكانی رژێم بۆ قاچاخی مەوادی هۆشبەر بۆ وەڵاتانی جیهان و بەتایبەت ئوروپا ئاشكرا بووە.
ڕێکه‌وت: 2016-07-14 18:55:32
به‌شی ( وتاری سیاسی )





دیمانه

سیاسی