له‌سه‌رهێل 74
شه‌ممه‌ 27 خه‌رمانان 2721
سازمانی خه‌باتی کوردستانی ئێران
جەماوەری زیان دیتوو لە رژێمی ئێران!

 عەلی لاریجانی سەرۆكی مەجلیسی رژێم لە دیدارێكدا لەگەڵ مۆرەكانی رژێم لە راگەیاندنی قومدا گووتی: 18 ملوێن كەس لە ئێران خەسارە كۆمەڵایەتیەكان داوێنێ گرتوون.

بەرێوەبەری گشتی راوێژ و هاوكاری بەرێوەبەرایەتی كاروباری كۆمەلایەتی هێزە سەركوتگەرەكانی ئینتزامی رژێم 14ی گەلاوێژی 1395، رایگەیاند: خەسارە كۆمەلایەتیەكان لە ئێراندا روو لە زیادبوونە و دەبێ بۆ كونترۆڵ و چارەسەركردنیان هەنگاوی بەپەلە هەڵگیرێ. (هەواڵدەری تەنسیم 14ی گەلاوێژ)

سەرۆكی مەجلیسی رژێم لە درێژەی قسەكانیدا لە قوم هەژاری و بێكاری بە یەكێك لە هۆكانی ئەو دیاردە و خەسارە كۆمەلایەتیانە زانی!

كاتێ سەرۆك مەجلیسی رژێم هەژاری و بێكاری بە یەكێك لە هۆكاری سەرهەڵدانی دیاردە و خەسارە كۆمەلایەتیەكان دەزانێ‌، كەوایە هۆی دیكەش لە بوونی هەژاری و بێكاریدا هەیە.

راستیەكەی ئەوەیە كە ریشەی تەواوی خەسارە كۆمەلایەتیەكان لە ماوەی دەسەڵاتداریی ئاخوندان لە ئێران، سیاسەت و كرداری رژێمە لە دزی و زەوت كردنی داهاتی خەڵكی ئێران، بێكاری، راوەستانی پیشەسازی و هەڵاوسان و پەسەندنی هەژاری و جێگرتنی رێ!ژەیەكی زۆری خەڵكی ئێران لە ژێر هێڵی هەژاری.

بەو پێیە سیستەمی سیاسی گەندەڵ و دزە كە دەبێتە هۆی سەرهەڵدانی دیاردە و خەسارە كۆمەلایەتیەكان و پەرەسەندنیان.

ئەوە سیستەمی ویلایەتی فەقیهە كە لە ماوەی 38 ساڵی تەمەنی نگریسیدا بۆتە هۆی پەرەگرتنی دیاردە كۆمەلایەتیەكانی وەك بەرزبوونەوەی تەڵاق، كەنارنشینی، هۆلك نشین، كارتۆن خەو، پەرەسەندنی ئیعتیاد، منداڵانی كار و باقی خەسارەكانە كە داوێنی خەڵكی ئێرانی گرتووە.

كۆمەڵگە لە وەها هەلومەرجێكدایە كە بە پێی وتەی وەلی فەقیهی رژێم بۆتەهۆی لێكترازان لە باری ئابووری، سیاسی، كۆمەڵایەتی و فەرهەنگی لە كۆمەڵگادا.

پاسدار رەحمانی رەزڵی وەزیری ناخۆی حكومەتی ئاخوند رۆحانی لە راپۆرتێكدا لە مەجلیسی رژێم 17ی جۆزەردانی 1395 گووتی: جوگرافیای ئێران یەكێكە لە هۆكانی سەرهەڵدانی دیاردە كۆمەڵایەتیەكان بەشێوەیەك خۆی لە خۆیدا بۆتەهۆی دابەشكاری ناوچەیی لە وەڵاتدا كە ئەم بابەتە دەتوانێ‌ بێتە هۆی دابەشكاری كۆمەلایەتی. وەزیری ناوخۆی رژێم هەروەها رایگەیاند كە ساڵانە 600 هەزار ئێرانی زیندانی دەكرێن و ئێران لەگەڵ كێشەگەلێكی وەك كەنارنشینی 11 ملوێن كەس، بێكاری سێ ملوێن و نیو هاوڵاتی و ئیعتیادی یەك ملوێن و نیو دەست و پەنجە لێ دەدا.

ئەگەر چی وەزیری ناوخۆی رۆحانی مەجبور دەبێ دیان بە بەشێك لە كێشەكانی وەڵاتدا بنێ، بەڵام ئەوە سەیرە كاربەدەستێكی رژێم هەمو خەتاكان بخاتە سەر مەسەلەی جوگرافیای ئێران و هەول بدا كە تاوانەكانی رژێمەكەی لەو بارەوە پەردەپۆش بكات و هیچ بەرپرسایەتیەك نەخاتە ئەستۆی حكومەتەكەی خۆی.

لەگەڵ دیاننان بە گرفتەكان لەلایەن سەرۆكی مەجلیسی رژێم و وەزیری ناخۆی حكومەتی رۆحانی، نە تەنیا هیچ رێگەچارەیەكیان بۆ چارەسەری ئەو هەلومەرجە نیە بەڵگوو هەوڵ دەدەن سەرپۆشیان لەیەر دانێن.

جێگری ناوەندی كاروباری كۆمەڵایەتی وەزارەتی ناوخۆی رژێم لە ووتووێژ لەگەلچ كاناڵی دوو ئیشارەی بە نەبوونی بەرنامەی تەواو و گشتی بۆ رووبەروو بوونەوە لەگەڵ خەسارە كۆمەڵایەتیەكان، نەبوونی خوێندنەوەیەكی دروست بۆ دیاردە كۆمەڵایەتیەكان و بەرنامەی بەرەوپێش بردنی وەڵات، نەبوونی بەرێوەبەرێك كە بەدواداچوون بۆ مەسەلەكان بكا و كەمی سەرچاوەكان و بە فیرۆدانیان بە مەبەستی چارەسەری دیاردە كۆمەڵایەتیەكان لە وەڵاتدا.

ئەو كاربەدەستەی رژێم لەگەڵ ئەوەی ئیعتراف بەو هەل و مەرجە خراپەی دیاردە كۆمەلایەتیەكان تووشی خەڵكی ئێرانیان كردوە، ئیشارەی بە سانسوری ووتنی ئەو راستیانە كرد لەلایەن رژێمەوە و وتی: ئێمە رێگەمان نەداوە سەبارەت بە خەسارە كۆمەلایەتیەكان قسەیەك بكرێ بۆ ئەوەی نەوەكوو خەڵكی بزانن ئێمە چ كێشەگەلێكمان هەیە. ئەو سەرپۆش دانانە بۆتە هۆی ئەوەی كە زیندانەكانمان گەورەتر ببن و ناوەندەكان كۆكردنەوەی ژنانی سەرشەقام زیاد بكرێ. كار و باری كۆمەلایەتی لە سیاسەتەكانی ئێمەدا هەمیشە لە پەراوێزدا بووەو هەیە لەبەر ئەوەی كە كەس باوەری بەم مەسەلەیە نیە. هەندێك لە كۆمسیۆنی كۆمەڵایەتی مەجلیس باوەڕیان بەبوونی خەسارە كۆمەڵایەتیەكان نیە.

لەو ووتووێژەدا سەلمانی حەدادی سەرۆكی كۆمسیۆنی كۆمەلایەتی مەجلیسی رژێم دەڵێ: مەسەلەی دیاردە كۆمەلایەتیەكان بەداخەوە هەمیشە لە پەراوێزدا بووە. (هەواڵدەری دەنگ و رەنگی رژێم 8ی گەلاوێژی 1395) 

لەگەڵ ئەو دیانپێدانانەی كە دەوڵەتی رۆحانی هیچ كارێكی لەو بارەوە نەكردووە و هەوڵی سانسۆڕی دیاردەكانیشی داو، بەڵام با وای دانێین كە حكومەتەكی رۆحانی دیهەوێ كارێك بۆ چارەسەری ئەو دیاردانە بكات، بەلام هیچ رێگەچارەیەكی بەرچاو كارساز بۆ ئەو دیاردانە لە رژیچمی ئێران و حكومەتی رۆحانی بوونی نیە.

لەبەر ئەوەی ریشەی ئەو كێشانە سیستەمی ویلایەتی فەقیهە و بە كورتی كێشەیەكی سیاسیە، رێگەچارەش سیاسیە و ئەو رێگەچارەش تەنیا بە رووخان و لەناو چونی سیستەمی ویلایەتی فەقیه و دامەزرانی سیستەمێكی خەڵكی و دیموكراتیك مسۆگەر دەبێ.
ڕێکه‌وت: 2016-08-08 17:51:33
به‌شی ( وتاری کۆمه‌ڵایه‌تی )





دیمانه

سیاسی