له‌سه‌رهێل 133
یه‌کشه‌ممه‌ 4 ره‌زبه‌ر 2721
سازمانی خه‌باتی کوردستانی ئێران
بڵاوكردنەوەی قسەكانی مونتەزیری و پەیامەكانی!

 رۆژی 19ی گەلاوێژی 1395 لە هەنگاوێكی كەم وێنەدا، قسەكانی مونتەزیری لە كاتی كوشتاری جینایەتكارانەی زیندانیەكان لە ساڵی 1367، لەسەر ماڵپەری ناوبراو بڵاوكرایەوە.

لەگەڵ ئەوەی كە پێشتریش باس گەلێكی وا لە پێوەند بە كوشتاری زیندانیەكان، لە بیرەوەریەكانی ناوبراودا ئیشارەی پێ كراوە، بەڵام گرینگی ئەوجار لەوەدایە كە ئەو تۆمارە دەنگیە بەڵگەیە كە لەو تۆمارەدا زۆر خاڵی جێی سەرنج هەیە كە ئەو خاڵانە پێشتریش لە كتێب و بیرەوەریەكانی ناوبراودا باسی لێوەكراوەو ساڵی 89 تۆمارێكی دەنگی دیكەی مونتەزیری بڵاوكرایەوە.

بەڵام ئەوەی ئێستا رای گشتی گوێی لێ راگرتووە، ئەو تۆمارە دەنگیە بەڵگەیەكی مێژوویی وتووێژی مونتەزیریە لەگەڵ ئەندامانی هەیئەتی مەرگدا. بەڵگەیەك كە بخرێتەبەردەم هەر دادگایەك پێویستی بەهیچ باس و گفتگۆیەك نیەو دەیسەلمێنێ كە بكوژان و بەرێوەبەرانی فەرمانی كوشتار، چۆن باشترین رۆڵەكانی خەڵك دەستەدەستە و گروپ گروپ لە سێدارە داوە.  لە كاتێكدا ئەوانەی لەسێدارە دراون پێشتر لە دەزگای قەزایی رژێمدا بەناو دادگایی كراون و حوكمی زیندانیان بەسەردا سەپابوو، بەڵام هەروەك مونتەزیری لە تۆمارە دەنگیەكەدا ئیشارەی پێ داوە بەبێ هیچ چالاكیەكی نوێ لەقەنارە دراون.

بەڵام ئەوەی كە بۆچی ئەو تۆمارە دەنگیە لە دوای 28 ساڵ بڵاودەكرێتەوە خاڵێكی جێی سەرنجە. ئەحمەدی كوری مونتەزیری كە ئەو بەڵگەی بڵاوكردۆتەوە، روونكردەنەوەیەكی داوە كە بەجۆرێك بیرهێنەرەوەی شەڕ و كێشەی نێو دەسەڵاتە، لەلایەك دەگوترێ كە ئاخوند رازینی لەم دوایانەدا لەگەڵ دیفاع لە جینایەتی هاوینی 1367، ناراستەوخۆ ئیشارەگەڵێكی بە مونتەزیری داوەو وتوویەتی كە خومەینی لە راستای بەرێوەبردنی حوكمی شەرعدا گرینگی بە رای كەسانی ترسەنۆك نەداوە. بۆیە دەكرێ بڵەین ئەم كێشانە لە ساڵانی رابردووشدا هەبووە. 

بەڵام لە ئێستادا رژێم ئەوندە لە هەلومەرجێكی خراپدایە كە كار گەیشتۆتە ئەوەی بەڵگەی ئەوندە بەهێز لە دژی یەكتر بڵاو بكرێتەوە، و خۆیشی لە روونكردنەوەكەدا دەڵێ كە بینیمان تۆرە كۆمەلایەتیەكان شوێنێكی باشەو كەشەكەش لەبارە بۆیە ئەو هەنگاوەمان ناو  ئەو تۆمارە دەنگیەمان بڵاوكردەوە.

 بێ شك وەزعی لاواز و پر لە قەیران و كێشەی رژێم بۆ كوری مونتەزیری زیاتر هەست پێ كراوە، بەتایبەت لە دوای هەڵدانی جامی ژاری بەرجام لەلایەن خامنەییەوە، تا دێ وەزعی ناوخۆیان خراپتر و لاوازتر دەكاو ئەوەش كەشێكی لەبارە بۆ تەسویە حیسابات لەگەڵ یەكتری.

لە راستیدا ئەو بەڵگەیە زەربەیەكی دیكەیە لە تێكڕای پێكهاتەی رژێم و بەتایبەت سەردەمدارانی و دەتوانێ‌ بەرەورووی داهاتوویەكی مەترسیداریان بكاتەوە. كە هەر لەو بارەوە مۆرەیەكی تاقمی خامنەیی بەناوی مەهدی موحەمەدی كە ئەندامی تیمی وتووێژی ناوكەیی رژێمیش بووە دەڵێ: ئەو تۆمارە دەنگیە نوێ یەی شێخ حوسینعەلی مونتەزیری لە پشتیوانی لە موجاهیدینە بەمەبەستی سازكردنی فیتنەیەكی دیكەیە لە هەڵبژاردنەكانی 96دا. خوێندنەوەی دەسەڵاتدارانی رژێم بۆ فیتنە یانی راپەرین و تەقینەوەی كۆمەڵایەتی. لە كۆتایی دا هەر ئەو مۆرەی رژێم بەو جۆرە ترسی خۆی لە مەسەلەكە دەردەبڕێ و دەڵێ: هەر چیەك بێ بەرەوروو بوونەوەی گەورە نزیكە. ئەوەش پەیامی بەڵام كردنەوەی ئەو بەڵگە مێژوویەیە.
ڕێکه‌وت: 2016-08-12 20:48:51
به‌شی ( وتاری سیاسی )





دیمانه

سیاسی