له‌سه‌رهێل -1
چوارشه‌مه‌ 15 پووشپه‌ڕ 2722
سازمانی خه‌باتی کوردستانی ئێران
پەیامی رێكخراوی لاوانی خەبات بە بۆنەی رۆژی جیهانی لاوان

لاوانی ئازادیویستی كوردستان!

لاوانی شۆڕشگێڕ و زەحمەتكێشی ریزەكانی رێكخراوی لاوان و سازمانی خەبات!

ریكخراوی لاوانی خەباتی كوردستانی ئێران پیرۆزبایی گەرم پێشكەش بە گشت لاوە خوێن گەرمەكانی ریزی رێكخراوی لاوان و سازمانی خەبات دەكات بەبۆنەی رۆژی جیهانی لاوانەوە و هیواخوازین كە ئەو رۆژە ببێتە مایەی ئازادی و سەرفرازی و دەستەبەربوونی گشت مافە رەواكانی لاوانی كوردستان و ئێران و جیهان.

جێگەی باسە كە رێكخراوی نەتەوە یەكگرتووەكان لە ساڵی 1999 رۆژی 12 ی ئۆگوستی بە رۆژی جیهانی لاوان ناساند و هەموو ساڵێك لەو رۆژەدا بە چالاكی جۆراوجۆر یادی دەكرێتەوە و بەرز رادەگیرێت.

بە دڵنیایەوە لاوان هێزی كاریگەری هەموو كۆمەڵگایەكن و توانایەكی لەبن نەهاتووی هەموو وڵاتێكن، هەر بۆیە لە زۆربەی هەرە زۆری وڵاتانی جیهان هەوڵی پێگەیاندنی لاوان دەدرێت و تەواوی مافەكانیان دەستەبەردەكرێت و سوودی تەواو لە هێز و توانای لاوان وەردەگرن و بە داهاتوو و سەرخەر و پارێزەری وڵات دادەندرێن.

بەڵام بەداخەوە لە كوردستان و ئێران، رژێمی ئاخوندی هێز و توانای لاوان ژێر پێ دەخات و مافەكانیان پێشێڵ دەكات و تەنانەت ئەو هێز و توانا بێ كۆتایەی لاوان بۆ بەدی هێنانی مەرامە گڵاوەكانی خۆیان بەكاردەهێنن. هەروەها لەترسی راپەڕینی لاوانی خوێن گەرم و شۆرشگَێر و هەروەها بۆ هێشتنەوەی دەسەڵاتی خۆیان لە تەمەنێكی كەمی لاوییەتیەوە هەوڵی موعتادكردن و نەخۆشخستن و بێهێزكردنی لاوان دەدەن.

هەروەها ترساندن و شكەنجە و ئیعدام كردن چەند هۆكاریكی گڵاوی تری لەناوبردن و بێهێزكردنی لاوانن كە رژێمی ئاخوندی گرتوونیە بەر، هەر وەك لە چەند رۆژی رابردوودا بەدەیان لاوی كورد لە زیندانی رەجایی شار و زیندانەكانی تری ئێران بە تۆمەتی هەڵبەستراو و ناڕاست لە سێدارەدران.

جێگەی گومان نییە و پێویستە روون بێ بۆ هەموو تاكێكی كورد و بە تایبەتی چینی لاوان كە هەتا ئەو دەسەڵاتە لەسەر كار بمێنێ‌ ، ئەو دۆخە ناهەموارە بەردەوام دەبێ. تاكە رێگە بۆ چارەسەركردنی كیشەكانی لاوان و دابین كردنی مافەكانیان بە لەناوچوونی رژێمی ئاخوندی وەدی دێ. 

لە لایێكی ترەوە ئەو راستیەش نابێ فەرامۆش بكرێ‌ كە كۆمەلێك خاڵی هاوبەش لە نێو چینی لاو بە بێ جیاوازیی لە ئاستی جیهان بوونی هەیە و پێویستە لاوی كورد بە گرتنی ئەو خاڵە هاوبەشانە لە چوارچێوەی بردنە پێشەوەی خەباتی خوی كەڵكیان لێوەرگرێ‌ و پێوەندییەكانیان لە ئاستی نێونەتەوەیی دا پەرە پێبدەن. لەگەڵ ئەوەش دا وەك سەرەتایێك زۆر گرینگە لاوانی هەر چوار بەشی كوردستان لە چوارچێوەی پلاتفۆرمێكی هاوبەش یەكریزی خۆیان وەدی بێنن و بە یەك زمان لە ئاستی نێودەوڵەتی دا چالاكی و هەلسوورانیان هەبێ. 

رێكخراوی لاوانی خەبات تەواوی هەوڵی خۆی دەخاتە گەر بۆ وەدیهێنانی ئەو ئامانجانە و بەلێن دەدات لە تێكۆشانی بێ ووچانی نەوه ستێ‌ و ئامادەیی خوی بۆ هەر جۆرە هەولێكی هاوچەشن پیشان دەدات.

دووبارە پیرۆزبایی گەرم پێشكەش بە گشت لاوانی كوردستان و ئێران و جیهان دەكەین و هیوادارین لەنزیكترین كاتدا بەرهەمی خەبات و تێكۆشانی چەندین ساڵەی لاوانی كورد و گەلی كوردستان ببینین.

رێكخراوی لاوانی خەبات ی كوردستانی ئێران 

دەستەی بەرێوەبەری

12 ی ئۆگوستی 2016
ڕێکه‌وت: 2016-08-12 20:54:05
به‌شی ( لاوان )






  به‌شی : هه‌واڵی کوردستان   کات : 2022-07-06 08:15:48
به‌شی : هه‌واڵی ئێران
ڕێکه‌وت : 2022-07-02

به‌شی : هه‌واڵی ئێران
ڕێکه‌وت : 2022-06-30


سیاسی