له‌سه‌رهێل -1
چوارشه‌مه‌ 15 پووشپه‌ڕ 2722
سازمانی خه‌باتی کوردستانی ئێران
بەرێوەچوونی رێورەسمی 5ی خەرمانان سی و شەشەمین ساڵیادی دامەزراندنی سازمانی خەبات ی كوردستان

 رۆژی هەینی رێكەوتی 5ی خەرمانانی 1395 لە بارەگای ناوەندی سازمانی خەبات بە ئامادەبووانی ئەندامانی سەركردایەتی و كادر و پێشمەرگە و دۆستانی سازمان رێورەسمی یادكردنەوەی 36مین ساڵیادی دامەزراندنی سازمانی خەبات بەرێوەچوو. 

سەرەتای رێورەسمەكە بە دەقیقەیێك بێدەنگی و فاتیحایێك بۆ سەرجەم شەهیدانی رێگەی ئازادی كوردستان دەستی پێكرد. پاشان وتەی بەخێرهاتن لە لایەن بەرێز كاك ریبواری حسێنی ئەندامی رێبەرایەتی سازمانی خەبات پێش كەش كرا . دواتر پەیامی رێزدار كاك بابەشێخ حسێنی بەرێوەبەری گشتی سازمانی خەبات لە لایەن بەرێز خاتوو شیلان محەممەدی ئەندامی كومیتەی ناوەندی سازمانی خەبات پێش كەش كرا. لەدوای پەیامی بەرێوەبەری گشتی شاعری خامەرەنگین بەرێز كاك فەرهاد برادۆستی شیعرێكی بە بۆنەی سی و شەشەمین سالیادی سازمانی خەبات پێش كەش كرد. دواتر پەیامی رێكخراوی لاوانی خەبات لە لایەن بەرێز كاك ئارام سلێمانی بەرپرسی رێكخراوی لاوانی خەبات پێشكەش كرا و دوای ئەو پەیامەش پەیامی رێكخراوی ئافرەتانی خەبات لە لایەن بەرێز خاتوو شەكیلا موسەننەفی ئەندامی رێكخراوی ئافرەتان پێش كەش كرا. 

لەناوئاخنی رێورەسمە كە چەندین شیعر و پەخشان پێش كەش كران و هەروەها لە لایەن كۆری هونەری سازمانی خەبات و هونەرمەندان كاك گۆران و كاك میهریار چەندین سرود و گۆرانی پێش كەش بە ئامادەبووانی رێورسمەكە كرا. 

بەشی فەرمی رێورەسمەكە كۆتایی پێهات و یادەكە بە شایی و هەڵپەركێ‌ تادرەنگانێكی شەو بەردەوام بوو. 

ئەو حیزب و لایەنانەی كە بە پەیام و سەردان پیرۆزبایی ئەو یادەیان لیكردین بریتین لە:

رێكخراوی موجاهیدینی خەڵقی ئێران

پارتی كۆماری كوردستان

پارتی لیبرال دیموكراتی كوردستان

لیژنەی ناوچەی رزگاری لقی 16ی پارتی دیموكراتی كوردستان

ئیدارەی میحوەری باشیك

كومیتەی هەولێر و سلێمانی سازمانی خەبات ی كوردستان 

صورة
ڕێکه‌وت: 2016-08-27 18:18:43
به‌شی ( چالاکیه‌کان )






  به‌شی : هه‌واڵی کوردستان   کات : 2022-07-06 08:15:48
به‌شی : هه‌واڵی ئێران
ڕێکه‌وت : 2022-07-02

به‌شی : هه‌واڵی ئێران
ڕێکه‌وت : 2022-06-30


سیاسی