له‌سه‌رهێل 136
یه‌کشه‌ممه‌ 4 ره‌زبه‌ر 2721
سازمانی خه‌باتی کوردستانی ئێران
كۆمەڵگەى ئامادە و پەرەسەندنی ناڕەزایەتیەكان

رژێمی ئێران لە قەیرانی جۆراوجۆری سیاسی، ئابووری و كۆمەڵایەتی دا چەقیوە، لە بەرامبەردا كۆمەڵگەیەكی ناڕازی و ئامادە بوونی هەیە كە رۆژانە تیایدا بە دەیان ناڕەزایەتی لەلایەن چین و توێژەكانیەوە بەرێوەدچێ.

ئەو ناڕەزایەتی و بزوتنانە بەهۆی بوونی هەژاری و ماڵوێرانی لەلایەك و لەلایەكی دیكە لەناڕەزایەتی بە بوونی گەندەڵی و دزی و ناداپەروەریە كە لە ئاكامی سیاسەتی دەسەڵاتدارانی ویلایەتی فەقیهە سەرچاوە دەگرێ و خەڵكی تووشی دەردو مەینەتی كردوە.

لەم كاتەدا خوێندكاران، موعەلیمان، كاسبكار و كریكاران، دەسفرۆشان و خانەوادەی كوژراوانی شەڕی 8 ساڵەی خومەینی، لەناڕەزایەتی بە وەزعی خراپی مەعیشەتی و زوڵمی رژێمی ئاخوندان لە شار و ناوچە جیاجیاكان لە ئارادایە.

هەلومەرجی خراپی خەڵك بەشێوەیەكە كە كاری كردۆتە سەر بەشێكی هەرەزۆری ئورگانەكانی رژێم، وەك ستافی هێزەكانی ئینتزامی كە بەشێكی تایبەتە لە رژێم و بەهۆی دواكەوتنی موچەكانیان دەستیان داوەتە ناڕەزایەتی. هەروەها ستافی هێزە هەواییەكانی بنكەی چوارەمی شكاری لە دیزفولیش بە هۆی زەوتكردنی مافەكانیان لەلایەن مۆرەكانی رژێمەوە دەستیان داوەتە ناڕەزایەتی.

لەلایەكی دیكەوە بەهۆی كوشتنی كۆڵبەرانی هەژاری كوردستان و كەمتەرخەمی لە خزمەتگوازریەكان لە شار و ناوچە جیاجیاكانی كوردستان رۆژانە شاهیدی ناڕەزایەتی بەرین و بەربڵاوی جەماوەرین. كە ئەم ناڕەزایەتی و خۆپیشاندانانە تا دێ زیاتر و بەرینتر دەبێتەوە.

بێگومان بەردەوامی ئەو وەزعی نیشانەی توورەیی چین و توێژەكانه بە هەژاری و بێكاری و زۆر و ستەمی دەسەڵاتدارانی ئێران.

هاوكات ئەو هەلومەرجە دەرخەری ئەوەیە كە جەماوەر بێزار بوون لە دەسەڵاتداریی ئاخوندی، كە لە ماوەی 38 ساڵی رابردوودا هەژاری و بێ چارەیی و دەرد و رەنج دەكێشن وە بەو بڕوایە گەیشتوون كە ئەو دەسەڵاتە هیچ جۆرە چارەسەرێكی وەزعی ئەوانی پێ نیە، كەوایە دەبێ چاوەڕێی ئەوە بكەین كە ناڕەزایەتیەكان بێتە راپەرینێكی جەماوەری، كە ئەم راستیە خودی دەسەڵاتدارانیش بەردەوام باسی لێوەدەكەن.

یەك لەوانەی بەردەوام لەبارەی راپەرینی جەماوەریەوە وریایی دەدا، رەحمانی فەزڵی وەزیری ناخۆی حكومەتی ئاخوند رۆحانیە كە تاوێ نە تاوێ پەیدا دەبێ و ئیشارە بە مەترسیەكانی كێشە و قەیرانەكانی كۆمەڵگە لەوانە هەژاری و بێكاری دەكاو بە هەڕەشە بۆ سەر ئاسایشی رژێمەكەی ناودەبا.

لە راستیدا ئەو خۆپێشاندان و ناڕەزایەتیانە دەرخەری كۆمەڵگەیەكی بێزار و ئامادەیە كە ئیتر فێڵ و فتوری ئاخوند رۆحانی یان هەر ئاخوندێكی مەكاری دیكە كاری تێ ناكاو ئارامی ناكاتەوە. هەر وەك ئامارەكان نیشان دەدەن تا دێ گردبوونەوەو ناڕەزایەتی جەماوەری پەرەدەستێنی و بەربڵاوتر دەبێ.
ڕێکه‌وت: 2016-10-08 11:34:19
به‌شی ( وتاری سیاسی )





دیمانه

سیاسی