له‌سه‌رهێل 97
یه‌کشه‌ممه‌ 4 ره‌زبه‌ر 2721
سازمانی خه‌باتی کوردستانی ئێران
ریشاژۆ بوونی گەندەڵی لە رژێمی سیاسی ئێراندا!

لەگەڵ ئەوەی ئاخوند رۆحانی سەرۆككۆماری رژێمی ئێران بەردەوامە لە كڵاونانە سەر خەڵك، بەم دواییانە ئەوە ئاشكرا بووە كە لە سەندوقی خانەنشینی دزی كراوە، ئەو دزی و لاخستنە بە جۆرێكە كە یەكێك لە مۆرەكانی رژێم  دەڵێ سەندوقەكانی خانەنشینی رۆژ لەدوای رۆژ چۆڵتر و لاوازتر دەبن.

جێگری وەزیری كاری رژێم لەبارەی گەندەڵی لە سەندوقی خانەنشینی دەڵێ: ئەو سەندوقانە بە قوربانی دەستی پۆپۆلیزم و گەندەڵی لە ئاستی نەتەوەیی ناودەبا.

هەر ئەو مۆرەی رژێم ئاشكرای دەكا كە خانەنشینان كە كەسانێكن بەرگەی زیانەكان ناگرن، بەهۆی گەندەڵیەوە نرخێكی زۆریان داوە، ئەوە لە كاتێكدایە حكومەت ساڵی 1392 لە بڕیارێكی نالۆژیكی دا 2000 هەزار ملیارد تمەنی بە سەندوقی دابین كردنی كۆمەڵایەتی لە ژێرناوی "یەكدەست كردن" دراوە. (هەواڵدەری مێهر 15ی ڕەزبەری 95)

رۆژنامەی ئیعتمادی سەر بە تاقمی رەفسەنجانی رۆحانی سەبارەت بە دزی و گەندەڵی لە حەقی خانەنشینان لە سەندوقی خانەنشینی دا، هەوڵ دەدا ئەو مەسەلە بە نەبوونی بەرێوەبەری باش و دڵسۆز لە سەندوقەدا پێوەند بدا.  بەڵام نووسەر چاوپۆشی لەو راستیە دەكا كە ئەو بەرێوەبەرانە لە مۆرەكانی حكومەتێكن كە لە نزیكانی بەرپرسانی پلەبەرزی رژێمن و بۆ ئەو پۆستە دیاری كراون. هەر وەك لە مەسەلەی گەندەڵی لە رێكخراوی دابین كردنی كۆمەڵایەتی دا بینیمان قازی مورتەزەوی جینایەتكار بە پشت بەستن بە سەرانی رژێم توانیبووی ئەو هەموو دزیە بكات. بەم پێیە  نابێ دزی و گەندەڵی لە سەندوقی خانەنشینی بخەینە حیسابی بێ توانایی لە بەرێوەبەریدا بەڵكوو گەندەڵی و دزی بە فیرۆدانی ماڵ و سەرمایەی خەڵك لە ناخی رژێمی ویلایەتی فەقیەو بەتایبەت دەوڵەتی رۆحانی دایە.

روون و ئاشكرایە كە بەرێوەبەرانی گەندەڵ و دز لە ناوەندگەلێكی وەك رێكخراوی دابین كردنی كۆمەڵایەتی و سەندوقەكانی خانەنشینی و... هەر وەك ئەو 300 بەرێوەبەرەی موچە نجومیان وەردەگرت بە تێكڕا لەلایەن بەرپرسانی پلەبەرزی دەسەڵاتەوە لەو پۆستانەدا دانراون.

هەر چەند چەند دێڕێك دواتر رۆژنامەی ئیعتماد لە نووسینەكەیدا دانی بەوەداناوە كە كۆسپی سەرەكی لەو سەندوقانەدا نەبوونی شەفافیەتە كە لە گەندەڵی جێكەوتوو لە ئابووری وەڵات سەرچاوە دەگرێ. ئەوەی ئەورۆ بەسەر سەندوقەكاندا هاتووە، بەهۆی نەبوونی دەسەڵاتێكی باشە لەو سەندوقانەدا، بەداخەوە حكومەتەكانی پێشوو بەهۆی نەبوونی ئەو دەسەڵاتە باشەوە شەفافیەت و بەشداریان بووە و وەڵامدەرەوە نەبوون. هۆیەكی گرینگی دیكە كە ئەو سەندوقانە بەم رۆژە گەیشتوون ئەوەیە كە بڕیاری دروست لەو بارەوە نەدراوە، باشتر بڵێم ئەو سەندوقانە بوونە قوربانی پوپولیزم و گەندەڵی كە باڵی بەسەر ئابووریدا كێشاوەو نرخەكەشی دەبێ خانەنشینان بیدەن كە ئەم چینە چینێكی هەژاری كۆمەڵگەن.

موحسینی رەنانی یەكێك لە ئابوری ناسانی رژێمە كە ئەو راستیە دەدركێنێ كە ئەو گەندەڵی و فەسادەی ئابووری و بەتایبەت سەندوقەكانی خانەنشینی گرتۆتەوە، بۆ سیستەمێكی سیاسی گەندەڵ دەگەڕێتەوە، كە بۆتە هۆی سەرهەڵدانی قەیرانگەلی جۆراوجۆر، نابراو لەوبارەوە دەڵێ: ناوەندەكانی بیمە و دابین كردنی كۆمەڵایەتی و سەندوقەكانی خانەنشینی نمونەیەكی بچوكن لە پێكهاتەی سیاسی، كە هەموویان یەك خاوەنیان هەیە كە ئەویش ئەو گەندەڵیەیە كە لە رژێمی سیاسی دا بوونی هەیە.

هەموو وەزیرەكان دەڵێن كێشە هەیە بەڵام كەس شەفاف ساز ناكا. ناتوانین دەست نیشانی بكەین كە ئایا سیسەمی سیاسی بریاری شەفاف سازی هەیە یان نا. (رۆژنامەی ئیعتماد 15 ڕەزبەری 1395)

ئاشكرایە كە ئەو دیان پێدانانەی سەبارەت بە گەندەڵ بوونی سیستەمی ئابووری و سیاسی لە ئارادایە، بەشێكی بچووكی راستیەكانە چۆنكە لە رژێمی دۆزەخی ویلایەتی فەقیهدا هەنگاوێكی دروست نابینی و تێكڕای ئەو سیستەمە دەستیان لە ناوبردنی چین و توێژەكانی ئێراندا هەیە.
ڕێکه‌وت: 2016-10-10 12:03:58
به‌شی ( وتاری سیاسی )





دیمانه

سیاسی