له‌سه‌رهێل 80
شه‌ممه‌ 27 خه‌رمانان 2721
سازمانی خه‌باتی کوردستانی ئێران
ناوەندی ئاماری رژێم: رێژەی بێكاری بەرزتر بۆتەوە

بەپێی راپۆرتی ناوەندی ئاماری رژێم، رێژەی بێكاری لە بەهاری رابردوو لەچاو سیچ مانگی یەكەمی ساڵانی پێشتر، نزیك بە 1/5 لەسەد بەرز بووەتەوە. رێژەی بێكاری لە نێو لاوان زۆر زیاتر پەرەی سەندوە و نزیك بە یەك لەسەر چواری لاوان بێكارن.

عەلی رەبێعی وەزیری كاروباری كۆمەلایەتی رژێم ڕەزبەری 2 ساڵ لەوە پێش سەبارەت رەوتی بەرزبوونەوەی بێكاری وریایی داو تەئكیدی لەسەر ئەوە كردەوە كە ئەگەر گەشەی ئابووری لە ساڵدا بە 7 لەسەد نەگا، توانای كونترۆڵ كردنی بێكاریمان نابێ.

سەرچاوەكان گەشەی ئابووری ساڵی رابردوو لانی زۆری یەك لەسەد راگەیندراوە، ئەو دۆخە و نوێترین راپۆرتی ناوەندی ئاماری رژێم و راپۆرتی سەندوقی نێونەتەوەیی دراو بێ توانایی حكومەتی رۆحانی لە كونترۆڵ كردنی بێكاری نیشان دەدەن.

رۆژی پێنج شەممە 22ی ڕەزبەر تەلەفزیۆنی رژێم راپۆرتی ناوەندی ئاماری رژێمی بڵاوكردەوە كە رێژەی بێكاری لە سێ مانگی سەرەتای ئەوساڵ 12.2 لەسەد بووەو سەبارەت بە بەهاری ساڵی پێشتر 1.4 لەسەد بەرزبوونەوەی هەبووە.

بێكاری یەك لەسەر چواری لاوان

بە بەدواداچوونێك بۆ رێژەی كارو پیشە لە بەشە جیاجیاكانی ئابووریش ئەوە ئاشكرا دەكا كە چالاكی بەشی وەبەرهێنان جێی ئومێد و دڵخۆشی نیە كە بتوانێ‌ متۆری لەكار كەوتووی ئابووری وەگەر بخاتەوە.

بەپێی راپۆرتی ناوەندی ئاماری رژێم لە بەهاری ئەوساڵدا كەمتر لە نیوەی كرێكارانی بەشی خزمەتگوزاری، 31.4 لەسەد لە بەشی پیشەسازی و نزیك بە 19 لەسەد لە كەرتی كشتو كاڵدا چالاك بوون.

لە سێ مانگەی یەكەمی ئەو ساڵدا یەك لەسەر چواری لاوانی ئێران لەتەمەنی 15 بۆ 29 ساڵ بێكار بوون وە ئەو رێژەیە لەچاو 3 مانگی یەكەمی ساڵی پێشتر 2.5 لەسەد هەڵكشانی هەبووە.

بە پێی ئەو راپۆرتە لە هەموو كەرت و بەشەكاندا رێژەی بێكاری ژنان زیاتر لە پیاوان و لە ناوچە شارەكان زیاتر لە دێهات و گوندەكان بووە.

بەرزبوونەوەی رێژەی بێكاری لە دەسەڵاتداری رۆحانی دا

هەر چەند رۆحانی ئومێدی هەبوو كە لە دوای رێكەوتنی ناوكەیی و جێبەجیچ كردنی بەرجام دۆخی ئابووری زوو گەشە بستێنێ و هەلی كار برەخسێنێ. بەڵام وادیارە لە دوای تێپەڕینی نزیك بە 9 مانگ بەسەر جێبەجێ كردنی ئەو رێكەوتنە، ئابووری رژێم هێشتا گیرۆدەی ئەنجامی ئابڵوقەكانە و ئەو گەشەسەندنەی بەرپرسانی رژێم چاوەڕێ یان دەكرد بەراوردە نەبووە.

سەندوقی نێودەوڵەتی دراو لە راپۆرتێكدا كە حەوتووی رابردوو بڵاوكرایەوە رایگەیاند كە ئێران لەباری پەرەسەندنی بێكاری لەچاو ساڵی رابردووی زایینی 3 پلەی دیكە دابەزیوە. 

لێكدانەوەكانی ئەو ناوەندە نێونەتەوەییە دەرخەری ئەوەیە كە ئێران لەكاتی دەست بەكار بوونی حكومەتی رۆحانی سەبارەت بە رێژەی بێكاری لە پلەی 29ی وەڵاتانی جیهاندا بووە، بەڵام لەدوای 3 ساڵو نێوی رابردوو دابەزیوە بۆ پلەی 22.

هەرچەندە ئەوە ئاشكرایە كە ناوەندەكانی رژێم هیچ ئامار و داتایەكی دروست سەبارەت بە بێكاری و باقی خەسارەكانی دیكە بڵاو ناكەنەوە. بەڵام ئەگەر هەر ئەو راپۆرتەی ناوەندی ئاماری رژێم بكەینە بنەما بۆمان روون دەردەكەوێ كە لە ماوەی 3 ساڵی رابردوودا ئاخوند رۆحانی بە پێچەوانەی بەڵێنەكانی نەك هیچ هەنگاوێكی كاریگەری نەناوە بەڵكوو هەلومەرجی خەڵكی ئێران رۆژ بە رۆژ بەرەو خراپتر دەچێ.
ڕێکه‌وت: 2016-10-13 19:16:41
به‌شی ( وتاری کۆمه‌ڵایه‌تی )





دیمانه

سیاسی