له‌سه‌رهێل 76
دووشه‌مه‌‌ 3 خه‌زه‌ڵوه‌ر 2721
سازمانی خه‌باتی کوردستانی ئێران
پەیامی رێزدار بەرێوەبەری گشتی سازمانی خەبات ی كوردستان بۆ بەرێز سەرۆكی نوێی نەتەوە یەكگرتووەكان

بەڕێز جەنابی ئانتۆنیۆگوتیریس! 
سكرتیری گشتیی ریكخراوی نەتەوە یەكگرتووەكان
 لە گەل ریزو ئیحترام! 

بە بۆنەی هەڵبژاردنتان بە سكرتیری گشتیی ڕێكخراوی نەتەوە یەكگرتووەكان، پیرۆزبایی گەرمی رێبەرایەتی سازمانی خەبات ی كوردستانی ئێرانتان پێشكەش دەكەم. هەڵبژاردنی بەرێزتان وەك سكرتێری گشتی گەورەترین ڕێكخراوی نێودەوڵەتی، لەم هەلومەرجەی ئیستادا كە جیهان بە تێكراو خۆرهەلاتی ناوەراست بە تایبەتی ئاڵۆزو شێواو و زۆر مەترسیدارە، ئەركی جەنابتان وەك سكرتێری گشتی نەتەوەیەكگرتوەكان قورستر دەكات. گومان نیە كە بەرێزتان هەوڵی تەواو دەدەن بۆ سەقامگیری ئاشتی و كۆتایی هێنان بە سەركوتی بێ‌ بەزییانەی حكومەت و دەسەلاتە دیكتاتۆرەكان و دابین كردنی ویست و داواكانی گەلانی ژێردەستەو ماف پێشێلكراو. وەك ئاشكرایە رژیمی دەسەلاتدار لە ئێران ماف و ئازادیەكانی تێكرای دانیشتوانی ئێران و گەلی كورد لە كوردستانی ئێرانی پێ‌شێلكردوە و قورس ترین ستەم و بیعەداڵەتی بە سەر خەڵكی كورد پەیرەو دەكات و هەروەها لە ساڵی 1997 بە فەرمانی خومەینی هەزاران كەس زیندانی بە بێ‌ تاوان و بە شێوەیەكی دژی ئینسانی و بە بێ‌ وەكیل و لە دادگای فەرمایشی ئیعدام كران و تا ئیستاش ئاخوندانی دەسەلاتدارو ئەو كەسانەی راستەوخۆ لەو جینایەتەدا دەستیان هەبووە دیفاع لە تاوانەكەیان دەكەن. هەر بۆیە پێویستە بەرپرسانی ئەو جینایەتانەو و تێكرای تاونەكانی دیكەی دژ بە خەڵكی كوردستان و ئێران بدرێنە دادگا نێودەوڵەتیەكان و لێپرسینەوەیان لە گەڵ بكرێ‌. 

سازمانی خەبات ی كوردستانی ئێران داوا لە بەریزتان و رێكخراوی نەتەوە یەكگرتووەكان دەكات بۆ كۆتایی هێنان بە چەوسانەوەو بێ‌ مافی ئافرەتان و مندالان لە سەرانسەری جیهان و لەناوچەی خۆرهەلاتی ناوەراست و ئێران بەتایبەت و هەروەها بۆ كۆتایی هاتنی جەنگ و ماڵوێرانی و ستەم و بێدادی هەوڵی زیاتر بدەن. گومان نییە كە بەرێزتان ئاگاداری هەلومەرجی نالەباری ناوچەی خۆرهەلاتی ناوەراست و زاڵ بوونی دەسەلاتە ستەمگەركانن بە سەر خەڵكدا، هەر لەو پێوەندییەدا داواكارین رێكخراوی نەتەوەیەكگرتوەكان دەوری زیاتر ببینێ‌ بۆ دابین كردنی مافە بنەرەتیەكانی مرۆڤ. سەركەوتنی جەنابتان لە ئەركی نۆی ئاواتمەو دڵنیام بەرێزتان لە گەشەكردنی كارەكانی سازمانی نەتەوە یەكگرتووەكان سەركەوتوو دەبن.

 سازمانی خەباتی كوردستانی ئێران

 بەرێوەبەری گشتی

 بابەشێخ حوسەینی

 27102016

 
ڕێکه‌وت: 2016-10-29 20:27:52
به‌شی ( سکرتێری گشتی )





دیمانه

سیاسی