له‌سه‌رهێل 88
شه‌ممه‌ 27 خه‌رمانان 2721
سازمانی خه‌باتی کوردستانی ئێران
ئێران لە دوای عێراق، دووهەمین وەلاتی خەمباری جیهانە!

90 لەسەدی خەڵكی ئێران چالاكی وەرزشی رێكوپێكیان نیە، 70 لەسەدیان قەڵەون، ئێرانیەكان لە خەمبارترین خەڵكانی جیهانن و ئێران لە دوای وەڵاتی عێراق دووهەمین وەلاتی خەمباری جیهانە.

ئەو ئامارە رۆژی چوارشەممە 12ی خەزەڵوەر لەلایەن جێگری سەرۆكی فدراسیۆنی پزیشكی وەرزشی، جێگری لێكۆڵینەوەی وەزارەتی تەندروستی و سەرۆكی ئەنجومەتی هاوكاری "مەدەدكاری" رژێمەوە راگەیەندرا.

هەواڵدەری حكومەتی ئیرنا: لالە حاكمی سەرۆكی فدراسیۆنی پزیشكی وەرزشی لە كۆڕێكدا لە یەزد سەبارەت بە ئاماری نزم لەبارەی چالاكی وەرزشی خەڵكی ئێران قسەی كرد.

ناوبراو گوتوویەتی: بۆ پێشگرتن لە نەخۆشی دیابت پێویستە چالاكیی لەش و چالاكی وەرزشی رێكوپێك 150 هەتا 250 دەقیقە بخرێتە بەرنامەی رۆژانەی هاوەڵاتیانەوە.

بەپێی راپۆرتی هەواڵدەری میزان، رەزا مەلەكزادە جێگری وەزارەتی تەندروستیش لە كونفرانسێكدا رایگەیاندوە كە نزیك بە 70 لەسەدی خەڵكی ئێران قەڵەون.

ناوبراو هەروەها ئیشارەی بەوە كردوە كە 10 لەسەدی خەڵك نەخۆشی دیابێتیان هەیە و 25 لەسەدی دیكە لە دۆخێكدان كە تا 10 بۆ 15 سالی داهاتوو تووشی دیابێت "شەكرە" دەبن.

مەلەكزادە هەروەها 50 لەسەدی هۆی مردن لە ئێرانی بۆ سەكتەی دڵ و مێشك گێڕایەوە كە ئەوەش لە كەمی و نارێكی خواردنەوە دروست دەبێ.

ئەو بەرپرسەی وەزارەتی تەندروستی رژێم لە درێژەدا دەڵێ 50 لەسەدی خەڵك كاتێك دەگەنە تەمەنی 55 ساڵ تووشی فشاری خوێن دەبن. هەروەها دەڵێ نزیك بە 70 لەسەدی كالۆری ئێرانیەكان لە شەكر پێكدێ كە ئەوەش هۆیەكی گرینگی بەرزبوونەوەی كێش و قەڵەویە.

حەسەنی موسەوی چێلك، سەرۆكی ئەنجومەنی هاوكاری رژێم لە وتەیەكدا ئیشارەی بەوەداوە كە ئێران دووهەمین وەڵاتی خەمباری جیهانە. لە درێژەدا دەڵێ بەپێی ئامارەكانی نەشە و گەشەی كۆمەڵایەتی كە لەلایەن رێكخراوە نێونەتەوەییەكانەوە بڵاودەكرێتەوە، ئێران لە ریزی وەڵاتانی شاد دا نیە.

بەپێی قسەی ناوبراو، ئێران لە نێو 185 وەڵاتدا لە پلەی 105دا جێگەی گرتووە و لە ریزی خەمبارەكان لە خوارەوە لە پلەی دووهمدایەو لە دوای عێراق دووهەم وەڵاتی خەمباری جیهانە.  رێژەی تێكچوونی باری رۆحی لە وەڵاتی بە پلەیەكی بەرز داناوە و گوتوویەتی لە هەندێ ناوچەی تاران تیچكچوونی باری رۆحی نزیك بە 80 لەسەدە بە دۆخێكێكی خراپ و قەیراناوی پێناسە دەكرێ.

بە پێی قسەی ناوبراو خەڵك سەبارەت بە چارەنووس و كێشەی دەورووبەریان بێ دەربەستن و ئەوەش بە نیشانەی كەم بوونەوەی یەكگرتوویی كۆمەڵایەتی دادەنرێ.

سەرۆكی ئەنجومەنی مەدەدكاری رژێم، پەرەسەندنی زەواجی سپی، بەرزبوونەوەی تووشبوون بە نەخۆشی ئیدز و پێوەندی جێنسی، پەرەسەندنی مەوادی موخەدیر لە نێو ژنان و تووشبوونی منداڵان بە تاوان، بە نیشانەی قەیرانی كۆمەڵایەتی لە ئێران ناوبردوە. ناوبراو هەروەها هەواڵی خوداربوونی 200 هەزار كەس بە ئەلكول لە ئێران دا كە سزای قورسیش نەیتوانیوە بەربە پەرەسەندنی ئەو دیاردەیە بگرێ.

كۆمەڵگەی ئێران بەهۆی سیاسەت و بەرنامەكانی دەسەڵاتدارانەوە تووشی چەندین كێشەو دیاردەی كۆمەڵایەتیەوە بووەو بە دەست ئەو دەردانەوە دەناڵێنێ.
ڕێکه‌وت: 2016-11-03 09:08:24
به‌شی ( وتاری کۆمه‌ڵایه‌تی )





دیمانه

سیاسی