له‌سه‌رهێل 133
یه‌کشه‌ممه‌ 4 ره‌زبه‌ر 2721
سازمانی خه‌باتی کوردستانی ئێران
ئەنجامی نابەدڵ بۆ نیزام!

لە كاتێكدا هەموو جیهان بەمەبەستی باشتر كردنی پێوەندیەكان، لە هەوڵی پەرەپێدان و بەهێزكردنی فەزای مەجازیدان، لە ئێرانی ژێردەسەڵاتی ئاخوندان، فەزای مەجازی یەكێكە لە نیگەرانی و دڵەڕاوكێكانی سەرانی ئەو رژێمەیە وە سەیرتر ئەوەیە كە هەمیشە ناوی فەزای مەجازی لەگەڵ دوو وشەی دژمن و لاوان بە كاردێنن. بۆ وێنە هەر بەم تازەییانە ئاخوند حاجەتی نوێنەری خامنەیی لە ئەهواز هاتەگۆ و وتی: ئەورۆ دژمن بە دوای ئەوەوەیە كە بە كەڵك وەرگرتن لە فەزای مەجازی رێگەی بەلارێدا بردنی لاوان لە بابەت باوەڕ و ئەخلاق خۆش بكات، وە بەربەرەكانێ لەگەڵ ئەو هەڕەشە لە گرینگترین كارەكانە كە دەبێ بكرێ.

هەروەها رۆژی 21ی خەزەڵوەریش ئەحمەدی خاتەمی لە نوێژی هەینی تاراندا بە تورەییەوە گوتی: لە سەردەمی ئێمەدا شتێك پەیدا بووە بەناوی فەزای مەجازی. ئەورۆ درۆیەك لە فەزای مەجازی دا، لە گروپ، لە كاناڵی فڵان و فڵان "كژا و كژا" دەبێتە 100 ئەوندە، دەبێتە 1000 ئەوندە، دەبێتە هەزاران ئەوندە، ئەگەر دژە بایەخەكانیش هاتن، قەیران خولقێنن.

مەبەست لە  دژەبایەخەكان هەمان دژمنە كە ئاخوند حاجەتی تەئكیدی دەكردەوە. دوای ئەوە هەر ئەم ئاخوند خاتەمیە لە نیگەرانی سەبارەت فەزای مەجازی دا، دانی بە شكستی بەرنامەكانی رژێم بۆ فیلتێر و سانسۆر كردنی فەزای مەجازی دا نا. لەوێ دا بوو كە لە لاوان دەپاڕایەوە كە بۆ خاتری خودا خوتان فیلتێری بكەن! فیلتێرتان هەبێ! هەر هەواڵێك كە بڵاوكرایەوە بۆ قەبوڵ كردن دەبێ؟ لەورۆدا هەندێك لە پێوەند بە فەزای مەجازی ئاوا دەڵێن، ئێس. ئێم. ئێس م بۆ هاتووە! پەیامم بۆ هاتووە! ئازیزی من فیلتێرتان هەبێ، ئەگەر بێ دینەكان هەواڵێكیان بۆ كاناڵی تۆ و ماڵپەڕی تۆ و موبایلی تۆ نارد.... قەبووڵی مەكەن كە ئەنجامی دڵخوازی نابێ!.

روون و ئاشكرایە كە ئاخوند خاتەمی كە دژمنی سەرەكی نیزامی ویلایەت فەقیە بە "دژە بایەخەكان" و بێ دینەكان دەناسێنێ‌، ترسی لە چیە؟

ئێستادا بەراستی ماناو ناوەرۆكی ئەو ئەنجامە نابەدڵانە چیە كە بەو شێوە ئاخوندەكانی تووشی دڵەراوكێ كردوە؟

ئاخوند خاتەمی بە روونی دەڵێ باوەڕ بە قسەكانیان مەكەن، درۆ دەكەن، باوەڕ بە قسەی دژە بایەخەكان مەكەن.

راستیەكەی ئەوەیە كە رژێمی ویلایەتی فەقیە بەو پارانەوەو داواو تەمەنا كردنانە لەگەڵ ئەو هەموو پروپاگەندە و مینبەر و بگرەو بەردە و شكان و پانكردنەوەی ئانتینی ماهوارەكان، شكستی خۆی ئاشكرا دەكا. شكستێك كە دڵەراوكێیەكی زۆری لەگەڵدایە، دڵەراوكێ لە پەیوەندی لاوان لەگەڵ دژە بایەخەكانی ئەو سیستەمە گەندەڵە، لەگەڵ دژمنانی رژێمی دژ خەڵكی دا.
ڕێکه‌وت: 2016-11-16 09:41:13
به‌شی ( وتاری سیاسی )





دیمانه

سیاسی