له‌سه‌رهێل 100
یه‌کشه‌ممه‌ 4 ره‌زبه‌ر 2721
سازمانی خه‌باتی کوردستانی ئێران
كیسەی بەتاڵی رژێم و شێواوی بەسیج!

رۆژی 31ی گەلاوێژ خامنەیی وریایی داو وتی: ئەگەر پەرژین و خۆڵرێژی فەرهەنگی نەبێ، هەموو شتێك لە دەست دەچێ. چەند رۆژ دوای ئەو قسەی خامنەیی 11ی خەرمانان، پاسدار جەهانبەخش كەرەمی یەكێك لە پاسدارە پلەبەرزەكانی پارێزگای زەنجان، مانای پەرژین و خۆڵڕێژێك كە خامنەیی باسی كردبوو كە ئەگەر نەبێ هەموو شتێ لە دەست دەژێ كردەوەو وتی: بەسیجیەكان وەك پەرژینن بۆ دیفاع و بەرگری لە نیزام.

بەڵێ، ئەوە پێگەی بەسیجی دژە خەڵكیە بۆ رژێمی ویلایەتی فەقیە، ئەو بەسیجەی شیشەی تەمەنی رژێمی بە سەركوت و جینایەت پاراستووە. بەڵام ئێستا كە رژێمی دیكتاتۆری ئێران چوەتە نێو حەوتووی بەناو بەسیجی خۆی، سەرنج بكەن كە پاسدار نەقدی سەركردەی دەزگای سەركوت بە كرێگرتەكانی چی دەڵێ: نابێ لە بەسیج دا هەست بە شڵەژان بكەین. بەسیجیەكان دەبێ خۆیان لەگەڵ كات و شوێن بگونجێنن.

ئێستا چی بووە كە نەقدی بەو هەڵپەهەڵپە سەبارەت بە شڵەژانی بەسیج وریایی دەدا؟ دەكرێ لە ناواخنی قسەكانی خۆیدا بە وەڵامی ئەو پرسیارە بگەین. سەرنج بدەن: ئێمە لە بنەڕەتدا پاداشمان بۆ بەسیجیەكان زیاد نەكرد، بەڵكوو رۆژ لە دوای رۆژ پاداشی بەسیجمان كەم كردۆتەوە!

كە وایە نیگەرانی لەو شڵەژانەی بەسیجیەكان بەهۆی كەم كردنەوەی پاداش و ئەو پووڵە زۆرانەیە كە رژێم بە بەسیجیەكانی دەدا بۆ ئەوەی رایانگرێ، دوای ئەوە پاسدار نەقدی دەڵێ: پاسدارەكانیش بەسیجی گەلێكن كە پیشەیان تەنیا پاسداریە و جوێ لەوە كارێكی دیكەیان نیە. هەر بۆیە ئەو كەسانە موچەخۆری هێزە چەكدارەكانن.

بە روونی دەڵێ ئەگەر ئەو كەمە پووڵە لە كیسەی نیزامدا ماوە دەدەین بە پاسدارەكان، ئێوە نارەحەت و دڵگیر مەبن چوونكە ئەوان هەموو كاتێ هەن، ئێوە لانی كەم برۆن كارێكی دیكە بۆ خۆتان بدۆزنەوە.

بەڵێ لە راستیدا داروخانی ئابووری و بەردەوامی ئابڵوقەكان، ئەوندە جیددیە كە دیكتاتۆری ئاخوندی ئیتر ئەوندەیان پووڵ نیە بە بەسیجیە ساندیس خۆرەكانی بدەن، ئەو بەسیجیانەی لە 37 ساڵی رابردوودا رژێم هەر چەندی لە كیسەو سەرمایەی خەڵك دەدزی، موچەو پاداشی بەسیجیەكانی زیاتر دەكرد و بەو پووڵانە بەرگریان لێ دەكردن، بەسیجیەكانیش تەنیا لەبەر ئەو پووڵ و پاداشانە بوو سەركوت و جینایەتیان بۆ خامنەیی دەكرد. وە بە كورتی ببوونە پەرژینی نیزام. بەڵام ئێستا كە كەوگیری نیزام بە بنكڕ گەیشتووە، لێی دادەبڕێن و وازی لێدەهێنن، بە جۆرێك هەر ئەو پاسدار نەقدیە وە هاوار كەوت: ئێمە ئەورۆ لەگەڵ كەمی كادری پێویست لە هەندێ بەش دا بەرەوڕووین. حكومەت دەبێ لەو بارەوە بوجەیەكمان بۆ لەبەرچاو بگرێ.

دۆخەكە بەو جۆرەیە و پەرژین و خۆلڕێژی رژێم "هەر وەك خانەیی وتی ئەگەر نەبێ هەموو شتێ لە دەست دەچێ" لە داروخانە، داروخانێك كە رێگە بۆ راپەرینی جەماوەری ئێران دەكاتەوە.
ڕێکه‌وت: 2016-11-25 11:47:02
به‌شی ( وتاری سیاسی )





دیمانه

سیاسی