له‌سه‌رهێل 47
پێنجشه‌ممه‌ 1 ره‌زبه‌ر 2721
سازمانی خه‌باتی کوردستانی ئێران
درۆی جارنامەی مافی هاوولاتی لە ئیرانی ئاخوندی

 

لەسەرەتای مێژووی شارستانیەتی مرۆڤ هەتا دروست بوونی كۆمەڵگاو سەرهەڵدانی چەمكی نەتەوە و رێكخراو و دامەزراوەكان ، مرۆڤ بە كۆمەڵێك ئەرك و مافەوە بەستراوەتەوە و پێویست و دروستە بەپێی ئەو ئەرك و مافانە بەردەوام بن لە درێژەدانی ڕەوتی ژیان كە بە پێی قۆناغە جۆراوجۆرەكان ئالوگۆری بەسەر داهاتووە. یەكێك لە مافە سەرەكیەكانی مرۆڤ ، مافی هاوڵاتی بوون بووە. ئەگەر بێینە نێو دنیای سیاسەت و پێوەندی ئەم دوو چەمكە باس بكەین، مافی هاوڵاتی بوون لە هەر وڵات و حزب و ڕێكخراوێكی سیاسی گرێدراوی یەكن. پێویستە و دەبێ هەر لایەنێكی سیاسی مافی هاوڵاتیانی دابین بكات و پێداویستیەكانی دەستەبەربكات بۆئەوەی كۆمەڵگەیەكی ئافرێنەر و تەندروست و پێشكەوتوو بێتە بوون و لە ئێستا دا ئاستی بەرفراوانی ئەو مافانە لە وەلاتانی جۆراوجۆر پێوەندی راستەوخۆی بە رێژەی دیموكرات بوونی ئەو وەلات و كۆمەڵگایانەوە هەیە.  

ئەگەر بمانهەوێ‌ خوێندنەوەێك بۆ ئەو چەمكە لە وەلاتی ئێران بكەین و بە تایبەتیش لە دوای بڵاوبوونەوەی جارنامەی مافی هاوولاتیبوون لە لایەن حەسەنی رۆحانی سەرۆك كۆماری رژیمی ئاخوندی پێویستە چاوێك بگێرین بەسەر بناغە تیۆرییە و عەمەلیەكانی ئەو دەسەلاتە لەماوەی زیاتر لە سێ دەیەی دەسەڵاتداریەكەی. وڵاتی ئێران لەسەر بنەمای ئایینی شیعەگەری دوانزە ئیمامی دروست بووە و بناغە و قانونی ئەساسی ئەو نیزامە لەسەر ئەو بنەمایە پێكهاتووە و سەرجەمی دەوڵەتە جۆراوجۆرەكان دڕێژەدەری ئەو ڕەوتە بوونە. ئێرانی خاوەنی جۆراوجۆری و فرەیی مەزەهەبی و نەتەوەیی و زمانی و كلتووری بە لەبەرچاو گرتنی ئەو بنەمایەی باسمان كرد دەبێ مافی هاوەلاتیبوون تێیدا بە چ شێوەیێك جێبەجێ بكرێ‌؟  هاوڵاتی پلە یەك و دوو و سێ لە ئێرانی ئاخونداندا بە شێوەی دیار بوونی هەیە و بە بوونی ئەو قانون و بەرێوەبەرانەی ئێستا هێژموونی ئەو جۆرە بیرو دەسەڵاتە كاڵ نابێتەوە . هەرچەند سیستەمی ولایەتی فەقیه لەگەڵ دروست بوونیدا لەقانونی ئەساسی وڵاتەكەیدا ئاماژەی بەو خاڵە داوە، واتە باس لەمافی هاوڵاتی دەكات، بەڵام كوا تا ئێستا كار بەو خاڵە كراوە لەئێراندا? كەواتە ئەوە شتێكی تازە نیە لە سیاسەتی ڕژیمدا. لەدوای تێپەڕبوونی مێژوویەكی سێ دەیەو نیوی لەدەسەڵات و ڕێوەبەری وڵات، تازە بە تازە حەسەن ڕۆحانی باسی مافی مرۆڤ و مافی هاوڵاتی بوون دێنێتە كایەوەو دەیكاتە دەسكەوتی خۆی بۆ بەلارێدابردنی خەڵك و ئامادەكاری بۆ هەڵبژاردنەكانی داهاتوو. زۆر ڕوونە كە ئەمەش دیسان یەكێكی ترە لە بەرنامەو ساختەكارییەكانی ڕژیمی ویلایەتی فەقیه و كابینەكەی حەسەن ڕۆحانی، بۆ فریودانی چاوی جیهان و كایەكردن بە وڵاتان و دام و دەزگاو ڕێكخراوەكانی  پەیوەند بە مافەكانی مرۆڤ ،كە وەكو هەمیشە لەسناریۆیەكدا ۱٦۰ ئەندام پارلمان هەڵدەستن بە كۆكردنەوەی ئیمزا بۆ پەسەند كردنی ئەو بڕیارەی كە حەسەن ڕۆحانی سادری كردووە كە مافێكی زۆر لەمێژینەی هاوڵاتیانی ئێرانە بەڵام بە هیچ شێوەیێك جێبەجێ نەكراوە. ئەم جۆرە ساختەكاری و فریودانانە بۆتە خۆراكی ڕژیم و ئالودەیان بووە، ئاخر چ مافی هاوڵاتی بونێك لە وڵاتێكی وەكو ئێراندا?? وڵاتێك كە تائێستاش ئازادی بیرو ئەندێشە و ڕادەربڕین خاڵی بڤەیە و بەڕۆژ گەنج و لاوەكانی وڵات لەسێدارە و شكەنجە دەدرێن، وڵاتێك كە مافی ئافرەتان تێیدا بابەتێكی ناپێویستە، وڵاتێك كە هۆكاری ژیانی گەنج و لاوەكانی ئێعتیادە، هاوڵاتی كاتێك مافی خۆی وەردەگرێت لە وڵاتدا كە لانی كەم پێداویستیە سەرەتاییەكانی ژیانی بە بێ لەبەرچاو گرتنی جیاوازیە رەگەزی و ئایینی و نەتەوەیی و ....هتد دابین ببێت، بەڵام لە وڵاتی ئێراندا تا ئێستاش خەڵك بەهۆی هەژاری و فەقر و بێكارییەوە دەناڵێنن. مافی هاوڵاتی بوون و هاوڵاتی لە وڵاتدا پێویستیان بە ئیمكان و دەرفەت  و هۆكاری بەردەوامی هەیە، كە لە وڵاتێكی وەكو ئێراندا ئەو پێویستیانە ئەستەمن و وەدەست نەهاتوون، وڵاتێك كە لە ڕوی ئابوریشەوە جێگیر نییە و تەنگەژەو بەرزی و نزمی تێدایە و سەرەرای ئەوەش جیاوازییەكی یەكجار زۆر لە نێو پێكهاتەكانی وەڵاتی ئێران لە هەموو روویەكەوە دەبیندرێ‌،  كەواتە جێی سەرسوڕمان نیە كە ئەوەش یەكێكی دیكەبێت لە پێشێلكارییەكانی دەسەڵاتدارانی ئێران. 

لەكاتێكدا هەمو دام و دەزگاكانی وڵات بەبیرو فكری ئەو ڕژیمە بەڕێوەدەبرێ و چارەنوسی هەموو كەس و نەتەوەیەك بەدەستی خۆیانەو چۆنیان بوێ بەوشێوەیە دەینوسنەوە، ڕژیمێك كە بە ڕژیمی پەت و سێدارە ناوی دەركردووە و بەناوهێنانی وڵاتی ئێران بیرەكان یەكسەر دەچنە سەر ئێعدام و سەنگسارو دەست قرتاندن ناتوانێ‌ ئیدعای مافی هاوەلاتیبوون و بەرقەراری ئەو مافە لە كۆمەڵگا بكات.

 
ڕێکه‌وت: 2016-12-30 12:19:24
به‌شی ( وتاری سیاسی )







  به‌شی : هه‌واڵی کوردستان   کات : 2021-09-22

باوکی ڕامین حسێن پەناهی کۆچی دوایی کرد

به‌شی : هه‌واڵی کوردستان   رۆژ: 2021-09-16


سەعید ئەفکاری برای نەوید ئەفکاری دەست بەسەر کرا.

به‌شی : هه‌واڵی ئێران   رۆژ: 2021-09-13

دیمانه

سیاسی