له‌سه‌رهێل 98
دووشه‌مه‌‌ 3 خه‌زه‌ڵوه‌ر 2721
سازمانی خه‌باتی کوردستانی ئێران
هێزە سەركوتگەرەكانی رژێم گوڵروخ ئیبراهیمی ئیرایی هاوژینی ئارشی سادقیان دەستگیر كرد

رۆژی یەكشەممە 3ی رێبەندانی 1395، گوڵروخ ئیبراهیمی ئیرایی هاوژینی ئارشی سادقی لەلایەن هێزە سەركوتگەرەكانی ئیتلاعاتی رژێمی ئێرانەوە دەستبەسەركرا.

بەپێی هەواڵەكان لەكاتی چوونەدەر لە ماڵ ناوبراو دەستبە سەركراوەو بۆ گرتووخانەی ئەوین گوازراوەتەوە.

یەكێك لە نزیكانی گولروخ ئیبراهیمی گوتوویەتی: پێش نیوەرۆ ئارشی سادقی بۆ پشكنینی پزیشكی گوازرابوویەوە بۆ نەخۆشخانەی تەجریش. گوڵروخیش بۆ بینینی هاوڕێ لەگەڵ سەعید ئیقباڵی كە یەكێكە لە دۆستانی دەیانویست بچنە نەخۆشخانە كە لەلایەن هێزەكانی سارڵای سپاوە دەستبەسەر كراون.

ئارشی سادقی زیندانی سیاسی لە بەندی 8ی گرتووخانەی ئەوین لە ماوەی رۆژانی رابردوودا بەهۆی "هێڵنجدان و هێنانەوەی خوێن" بۆ بنكەی تەندروستی راگوێزرابوو و دەزگای ئوكسیژێن و سرۆمی لێ دراوە.

شایانی گوتنە كە دۆخی جەستەیی ئەو زیندانیە سیاسی بەهۆی 72 رۆژ مانگرتنی لە خواردن نالەبارەو هێزە سەركوتگەرەكانی رژێم رێگە بە گواستنەوەی بۆ نەخۆشخانەكانی دەرەوەی گرتووخانە نادەن.
ڕێکه‌وت: 2017-01-23 09:48:03
به‌شی ( هه‌والی ئێران )





دیمانه

سیاسی