له‌سه‌رهێل -1
چوارشه‌مه‌ 15 پووشپه‌ڕ 2722
سازمانی خه‌باتی کوردستانی ئێران
بەرێوە چوونی جێژنی نەتەوەیی نەورۆز لە بارەگای ناوەندی سازمانی خەبات ی كوردستان

رۆژی سێ شەممە  رێكەوتی 30ی رەشەممەی 1393  لە بارەگای ناوەندی سازمانی خەبات ی كوردستان رێورەسمی نەورۆز جێژنی نەتەوەیی گەلی كورد بەرێوە چوو. 

سەرەتای رێورەسمەكە بە دەقیقەیێك وێستان بۆ رۆحی پاكی شەهیدانی كوردستان دەستی پێكرد و پاشان سرودی كوردم ئەمن پێش كەش كرا. 

پاشان پەیامی رێزدار كاك بابەشێخ حسێنی بەرێوەبەری گشتی سازمانی خەبات  لە لایەن بەرێز كاك كامیل نورانی فەرد ئەندامی رێبەرایەتی سازمانی خەبات پێش كەش كرا. لە پەیامەكەی بەرێ,ەبەری گشتی داهاتبوو: نەورۆز و ساڵی نوێ‌، وەرزی نوێبونەوەی سروشت جارێكی دیكە هاتەوە، نەورۆز و بەهار، كەرنەڤاڵی مەل و باڵندەی سەرمەست، گەشانەوەی  دڵانی سیس و كۆتایی هاتن بەبێ‌ هەستی و سەرهەڵدانەوەو رابوون، و جارێكی دیكە بریاردان بۆ تێكۆشانی بەردەوام و پەیام نوێ كردنەوە بە رۆحی شەهیدان، بە رێبەرانمان، بە مامۆستا سەید جەلال حوسەینی گەورە و زانا، بۆ هەموو ئەوانەی بۆ گەل، بۆ نیشتمان، و بۆ ئازادی خەبات دەكەن و لە بەربەرەكانێی رژیمی ستەمگەری ئاخوندی بەردەوامن و  فیداكاری دەكەن. هەروەها لە كۆتایی پەیامەكەی بەرێوەبەری گشتی داواێك روو لە حیزب و لایەنەكان خراوەتە روو كە تێیدا دەلێ: بە بۆنەی نەورۆز و ساڵی نوێ داوا لە حیزب و لایەنەكانی كوردستانی ئیران دەكەم كە هەموو پێكەوە هەوڵی جیددی بدەین بۆ كاری هاوبەش، بۆ پێكهینانی رێبەریی هاوبەش، تا جوڵانەوی مافخوازانەی خەڵكی كوردستان چالاكتربكات. جوڵانەوەی مافخوازانەی كوردستان لە ئێستادا پێویستی بە رێبەریەكی  یەك دەست هەیە. ئەو رێبەریە بە رێكەوتن لە نێوان لایەنەسیاسیەكان پێكبهیندرێ. ئەو رێبەریە دەكرێ لە‌ كومیتەیێكی چەند كەسی  لە نوێنەرانی لایەنەسیاسیەكان پێك بێ، و رێبەری بۆ دیاری كرێ و هەموولایەنە بەشدارەكان ئەندامیان لە كومیتەی رێبەریدا هەبێ. بوونی رێبەری جوڵانەوی مافخوازانەی كوردستان بە شێوەیەك كە بتوانێ وەك نوێنەری فەرمی بێ‌، روو لە ناوخۆ و بە رووی جیهانی دەرەوەدا، زمانی شۆرش و بریاردەری پرسە حەستەم و سەرەكیەكان بێ‌. گومان نیە تا جوڵانەوەی مافخوازانەی كوردستان یەك دەنگ و یەك بریار نەبێ و هەر وەك ئێستا بە پەرتەوازەیی بمێنێتەوە، بەرەو پێش ناچێ‌ و ئامانج ناپێكی.

لە دوای پەیامی بەرێوەبەری  گشتی پەیامی رێكخراوی ئافرەتانی خەبات لە لایەن خاتوو شەكیلا ئەندامی رێكخراوی ئافرەتان  پێش كەش كرا.  لە درێژەی رێورەسمەكە چەند پەخشان و شیعر بە بۆنەی جێژنی نەورۆز لە لایەن چەندین هاورێی پێشمەرگە پێش كەش كرا و دواهەمین بڕگەی رێورەسمەكەش كردنەوەی ئاگری نەورۆز لە لایەن هەر دوو بەرێز مامە رەشید سلێمانی پێشمەرگە و ئەندامی دێرین و دڵسۆزی سازمانی خەبات و هەروەها خاتوو شیلان محەممەدی ئەندامی كوميتەی ناوەندی كرایەوە. رێورەسمەكە بە خواردنی حەلوا و هەڵپەركێ‌ و شادی تادرەنگانێكی شەو درێژەی كێشا.








ڕێکه‌وت: 2017-03-21 10:35:01
به‌شی ( چالاکیه‌کان )






  به‌شی : هه‌واڵی کوردستان   کات : 2022-07-06 08:15:48
به‌شی : هه‌واڵی ئێران
ڕێکه‌وت : 2022-07-02

به‌شی : هه‌واڵی ئێران
ڕێکه‌وت : 2022-06-30


سیاسی