له‌سه‌رهێل 59
سێ‌شه‌مه 9 سه‌رماوه‌ز 2721
سازمانی خه‌باتی کوردستانی ئێران
ماوەی كاركردنی راپۆرتدەری تایبەتی مافی مرۆڤ سەبارەت بە ئێران بۆ ساڵێكی دیكە نوێ

رۆژی هەینی 4ی خاكەلێوەی 1396 شۆرای مافی مرۆڤی رێكخراوی نەتەوەكان، بە 96 دەنگی ئەرێ بە بریارنامەی بەپێشنیاركراوی  سوئید، ئەمریكاـ مەقدونیە و مولداوی ئەركی ئەسما جەهانگیر راپۆرتدەری تایبەتی مافی مرۆڤ لە ئێران، بۆ ماوەی یەك ساڵی دیكە نوێ كرایەوە.

پێشنووسی ئەو بریارنامەیە بەپێچەوانەی ویستی رژێمی ئێران رۆژی هەینی بە 22 دەنگی ئەرێ، 12 دەنگی نەخێر و 13 دەنگی بێ لایەن پەسەند كرا. لە دانیشتنی دەنگدانەكەدا نوێنەری رژێمی ئاخوندی راگەیاند كە ئەو هەنگاوە سیاسی و لایەنگرانەیە.

نوێنەری ئاڵمان بە نوێنەرایەتی یەكیەتی ئوروپا پشتیوانی لە نوێ كردنەوەی ئەركی رێپۆرتدەری تایبەت بە مافی مرۆڤ لە بارەی ئێرانەوە كرد.

نوێنەری بریتانیایش بە ئیشارە بە پێشێلكاری مافی مرۆڤ لە ئێران پێداگری لەسەر پێویستی راپۆرتدەری تایبەت كردەوە.

نوێنەرانی وێنزوئیلا، كوبا و عێراق لەو دانیشتنەدا دژ بەو بریارنامەیە قسەیان كرد.

خاتوو ئەسما جەهانگیر ساڵی رابردوو جێگەی ئەحمەد شەهید راپۆرتدەری تایبەتی مافی مرۆڤی رێكخراوی نەتەوەكان بۆ كاروباری ئێرانی گرتەوە.

ناوبراو لە یەكەم راپۆرتی خۆیدا گوتی كە هیچ باشتر بوونێك لە كارنامەی مافی مرۆڤی رژێمی ئێراندا نابینرێ و سنووردار كردنی ئازادی ڕادەربڕین و جیاكاری دژ بە ژنان و كەمینە دینیەكان هەروا بەردەوامە.

 
ڕێکه‌وت: 2017-03-24 23:57:45
به‌شی ( هه‌واڵی ئێران )





دیمانه

سیاسی