له‌سه‌رهێل 42
سێ‌شه‌مه 9 سه‌رماوه‌ز 2721
سازمانی خه‌باتی کوردستانی ئێران
نزیك بە 10 ملوێن كەس لە حەشیمەتی ئێران لە هەژاری دا دەژین

پاسداری جینایەتكار قالیباف شارەداری دز و گەندەڵی تاران دیانی نا بە هەژاری و بێكاری لە دەسەڵاتداریی ئاخوندیدا.

ناوبراو كە بەبۆنەی 12ی خاكەلێوەوە قسەی دەكرد وتی: نزیك بە 10 ملوێن كەس لە حەشیمەتی وەڵات لە هەژاری تەواو دا دەژین. 

ئەگەر ئەورۆ بڵەین داهاتی 60لەسەدی خەڵك لەژێر ئەو رێژەیە كە حكومەت دیاری كردوە، قسەیەكی ناراستمان نەووتووە.

ئەو پاسدارە لە درێژەدا دەڵێ: هەر ئەو قەیرانەی لە بەشی كار و هەژاری و بێكاریدا هەمانە، لە باری قورسی و گرانیەوە كەمتر نیە لە دیفاعی موقەدەس، بەڵكوو لە هەندێ بارەوە قورسترە لە دیفاعی موقەدەس. لە شەری داسەپاودا یەك دژمنی دەرەكی هەبوو و ئێمە پێكەوە بە یەكگرتوویی زیاترەوە دەجولاینەوە، بەڵام ئەمرۆ ئەو فشارە كەوتۆتە سەر خەڵك. هەر ئەو خەڵكەی ئەو رۆژانە لە شەری داسەپاودا زیانیان بینی، ئەمرۆ لە دێهاتەكان و لە هەژاری تەواودا ژیان دەكەن. ئێمە شاهید بووین یەك خانەوادە جوێ لە یارانە هیچ داهاتێكی دیكەی نیە و لەگەڵ ئەوەدا 4 لاوی بێكار لە ماڵەوە هەن.

ناوبراو هەروەها دیانی بەوەدا نا كە: مەترسی گەورەتر ئەوەیە كە قەیرانی ئابووری زیانێكی جیددی كۆمەڵایەتی بە دوای خۆیدا هێناوە كە وەك دیاردەكانی تەڵاق، ئیعتیاد و بێكاری لاوان خۆی دەنوێنێ.
ڕێکه‌وت: 2017-04-04 08:53:29
به‌شی ( هه‌واڵی ئێران )





دیمانه

سیاسی