له‌سه‌رهێل 95
یه‌کشه‌ممه‌ 4 ره‌زبه‌ر 2721
سازمانی خه‌باتی کوردستانی ئێران
یادی یەك ساڵه‌ی شه‌هید ڕه‌حمان پووركەریمی به‌رز و به‌ڕێز بێ

جەلال خۆشكەلام 

لاوێکی خوێنگه‌رم و به‌هه‌ستی کورد  له‌ دێی سارده‌کۆسانی سه‌ر به‌ناوچه‌ی گه‌وڕکی مه‌هاباد، له‌ بنه‌ماڵه‌یه‌کی دڵسۆز و تێکۆشه‌ر له‌ساڵی ١٣٦٣ كۆچی خۆری دا چاوی بە دنیا هەڵهێنا. ئه‌و  به‌ ڕۆحی کوردایەتی لەسەر ڕێبازی سازمانی خەبات پەروەردە و گۆش درابوو، پاش تێکۆشان و خه‌باتی ناوخۆیی، بۆ گه‌لی کورد و سازمانی خه‌بات چیتر نەیتوانی  ئۆقره‌بگرێ و به‌ نهێنیی بمێنێته‌وه‌، هه‌ر بۆیه‌ بڕیاریدا بەئاشکرا چه‌کی شانازی پێشمه‌رگایەتی بکاته‌ شان.   

ئه‌و ده‌یزانی هه‌ر پێشمه‌رگه‌ ده‌توانێ بۆ کورد ببێته‌ پشت و په‌نا و پارێزه‌ر. ئه‌و ده‌یزانی که‌پێشمه‌رگه‌ ده‌بێ ماند و نه‌ناس بێ و چیایه‌ک بێت له‌ باوه‌ڕ و وره‌ و بۆ هه‌میشه‌ گیانی له‌سه‌ر ده‌ستی بێ  و له‌ پێناو گه‌ل و خاک و نیشتمانی  ئاماده‌ بێ گیانی خۆی بکاته‌  قوربانی. هه‌ر بۆیه‌ به‌شانازیه‌وه‌ شه‌هید ڕه‌حمان هه‌نگاوی ناو، زۆر زوو توانی جێگه‌ی خۆی له‌ناو دڵی هه‌واڵانی دا بکاته‌وه‌ و ببێته‌ جێگه‌ی باوه‌ڕ و متمانه‌ی هاوباوه‌‌ڕانی. شه‌هید ڕه‌حمان به‌ته‌واوی مانا دڵسۆز و به‌باوه‌ڕبوو به‌ ڕێبازی سازمانی خه‌بات و ئه‌رک و کاره‌کانی خۆی زۆر به‌باشی به‌جێ دێنا.  

شه‌هید ڕه‌حمان بەهۆی دڵسۆزی و لێهاتویی توانی  به‌زوویی قۆناغه‌كانی پێشمه‌رگایەتی به‌ سه‌ركه‌وتویی به‌رێته‌ سه‌ر و وه‌ك‌ کادرێکی چالاك  درێژه‌ به‌ ئه‌ركی شۆرشگێرانه‌ بدا. هه‌ر به‌ هۆی دڵسۆزی و باوه‌ری قوڵی به‌ سازمانی خه‌بات  زۆر سه‌رکه‌وتوانه‌، توانی چه‌ند پله‌ و مه‌سئولیه‌تی جیاواز له ناو ‌سازمان دا له‌ ئه‌ستۆ بگرێ‌ و ببێته‌ یه‌کێک له‌ کادره‌ به‌رچاو و دڵسۆزه‌کانی ناو ڕیزی شۆڕش.   

لەماوەی نزیک به ١٣ساڵ پێشمەرگایەتی، زۆر ئازایانە کاری کردو بۆ لەحزەێک باوەڕی بە سازمان کەم نەبوو،بەڵکوو ڕۆژ لە دووی رۆژ باوەڕی بە سازمان و ڕێبازەکەی پتەوتر دەبوو. شه‌هید ره‌حمان به‌شی سه‌ره‌كی كاتی ته‌مه‌نی خۆی بۆ شۆڕش ته‌رخان کردو هیچ فشارێک نەیتوانی باوەڕی بە سازمان لەق بکات. بەردەوام خەڵکی هان دەدا بۆ شۆڕش و داوای لێ دەکردن پەیوەستی سازمانی خەبات ببن. وە تا دوایین هەناسە بە ڕێبازی شەهیدانی سازمان وەفادار مایەوە. بۆ ئەدا کردنی دەینی خۆی بە سازمان لە هیچ مەترسیێک خۆی نەپاراست و جوامێرانە ڕێگەی شەهیدانی هەڵبژارد.  

 شه‌هید ڕه‌حمان سارده‌كۆسانی له‌ کاتی ئه‌نجامدانی کار و ئه‌رکی شۆڕش و سازمانی خه‌بات له‌ ناوخۆی کوردستان و له‌ سه‌ردانی بنه‌ماڵه‌و که‌س و کاری دا لە رێكەوتی 1ی بانەمەری 1395ی ك خ، لە ناوچەی بۆكان ده‌که‌وێته‌ بۆسەی هێزەكانی رژێم و له‌ لایه‌ن به‌كرێگیراوانی رژیمی ئاخوندییەوە شه‌هید ده‌كرێ‌. شەهید ڕەحمان دووهەمین شەهیدی بنەماڵەکه‌یه‌تی و پێشتر مامێکی بەناوی  شه‌هید خدرپوورکەریمی لەڕیزه‌کانی سازماندا شه‌هید بوو.  

 

شه‌هید ڕه‌حمان له‌پێناو ئامانج و باوه‌ڕه‌ پیرۆزه‌که‌ی پله‌ی شه‌هاده‌‌تی وه‌رگرت و تێکه‌ڵاو به‌ کاروانی سورخه‌ڵاتی شه‌هیدانی کوردستان و سازمانی خه‌بات بوو. یادی شه‌هید ڕه‌حمان به‌رز و به‌ڕێزبێ و سڵاو بۆ ڕۆحی پاکی.
ڕێکه‌وت: 2017-04-22 10:50:15
به‌شی ( شه‌هیدان )





دیمانه

سیاسی