له‌سه‌رهێل -1
چوارشه‌مه‌ 15 پووشپه‌ڕ 2722
سازمانی خه‌باتی کوردستانی ئێران
كۆبوونەوەی شەش لایەنی سیاسی كوردستانی ئێران و بریاری بایكۆتی شانۆی هەڵبژاردنەكانی رژێ

پێشنیوەرۆی رۆژی پێنج شەممە 7ی بانەمەڕی 1396، بەرامبەر بە 27/04/2017 شەش حیزب و سازمانی كوردستانی ئێران سەبارەت بە شانۆی هەڵبژاردنەكانی رژێم كۆبوونەوەو لەسەر میكانیزمێكی هاوبەش بۆ بایكۆتی ئەو بەناو هەڵبژاردنانە رێكەوتن.

شایانی باسە كاك سەیدكامیلی نوورانی فەرد ئەندامی دەفتەری سیاسی و كاك فوادی جەعفەری بەرپرسی پێوەندیەكانی سلێمانی سازمانی خەبات لە كۆبوونەوە شەش قۆڵیەكە كە لە بنكەی رێكخراوی كوردستانی حیزبی كومونیستی ئێران (كۆمەڵە) بەرێوەچوو، بەشدار بوون.

دوابە دوای كۆبوونەوەكە لە پرێس كونفرانسێكدا راگەیەندراوی هاوبەشی شەش لایەنەكە بۆ مێدیاكان خوێندرایەوە

.

دەقی راگەیێندراوی شەش لایەنی سیاسی كوردستانی ئێران بەم شێوەیە:

 

کۆمەڵانی تێکۆشەری خەڵکی کوردستان

 

کۆماری ئیسلامی ئێران، رۆژی 29ی بانەمەڕی ئەمساڵ هەڵبژاردنی سەرۆککۆماری و شوراکانی شار و دێ بەڕێوەدەبات، ئەوەی بەناوی هەڵبژاردن لەو رۆژەدا لەژێر دەسەڵاتی کۆماری ئیسلامی ئێران بەڕێوە دەچێت بە هیچ پێوەرێکی دیموکراتیک ئەوڕۆیی ناتوانرێت ناوی هەڵبژاردنی ئازادی لەسەر بێت، لە بارودۆخێکدا کە حیزبە سیاسییەکانی نەیاری رژێم قەدەخەکراون، رادەربڕینی رای ئازاد تاوانەو کۆمەڵانی خەڵکی کوردستان لە سەرەتاییرین مافی نەتەوایەتی و ئینسانی خۆیان بێبەشکراون، ئەو بەناو هەڵبژاردنە بە واتای بێ مافکردنی کۆمەڵانی خەڵک لە دیاریکردنی چارەنووسی خۆیانە و یەکێک لە هۆکارەکانی درێژکردنەوەی تەمەنی کۆماری ئیسلامی و نیزامی سەرەڕۆ و داپڵۆسێنەرە لە ئێران.

بەم بۆنەوە داوا لە هەموو خەڵکی کوردستانی رۆژهەڵات دەکەین وەکو کاردانەوەیەکی لێبڕاوانە، بەرامەبەر بەو هەموو بێ مافییە لە هەڵبژاردنەکانی رۆژی 29ی بانەمەڕدا بەشداری نەکەن، بە بەشداری نەکردنی خۆتان لەم شانۆگەرییە پەیامێکی روون لە ئیرادەو یەکدەنگی خۆتان بەرامبەر بە رژێمێک کە مافە ئینسانی و رەواکانی ئێوە پێشێل دەکات، بە جیهان رابگەیێنن.

بایکۆتکردنی یەکدەنگی ئەو بەناو هەڵبژاردنە، لە هەمانکاتدا رێگایەکە بۆ پێشگرتن لە داسەپاندنی هەر چەشنە فشارو سەرکوتێک بەبۆنەی هەڵبژاردنەوە.

داوا لە هەموو چالاکانی بواری خەباتی کۆمەڵایەتی و مەدەنی، تێکۆشەرانی سیاسی، لایەن و کەسایەتییە سیاسییەکان دەکەین، کە لە پێناوی بەجێهێنای ئەرکی ئازادیخوازانەی خۆیان، هەڵسوراوانە بەدەم ئەم بانگەوازەوە بێن ریزەکانی ئەم یەکدەنگییە بەهێزتر بکەن.

-حیزبی دیموکراتی کوردستان

-کۆمەڵەی زەحمەتکێشانی کوردستان

-کۆمەڵەی شۆڕشگێڕ زەحمەتکێشانی کوردستانی ئێران

-سازمانی خەباتی کوردستانی ئێران

-حیزبی دیموکراتی کوردستانی ئێران

-کۆمەڵە رێکخراوی کوردستانی حیزبی کۆمۆنیستی ئێران

 

7ی بانەمەڕی 1396

27-4-2017
ڕێکه‌وت: 2017-04-27 22:44:01
به‌شی ( چالاکیه‌کان )






  به‌شی : هه‌واڵی کوردستان   کات : 2022-07-06 08:15:48
به‌شی : هه‌واڵی ئێران
ڕێکه‌وت : 2022-07-02

به‌شی : هه‌واڵی ئێران
ڕێکه‌وت : 2022-06-30


سیاسی