رۆژی پێنج شەممە 11ی جۆزەردانی 1396 بەرێز بابەشێخ حسێنی سكرتێری گشتی بە یاوەری شاندێكی دەفتەری سیاسی سازمانی خەبات ی كوردستانی ئێران بەشداری لە رێورەسمی ناشتن و پرسەی مامۆستا عەزیز محەممەد سكرتێری پێشوو حیزبی شیوعی و كەسایەتی ناوداری كوردستان كرد. 

سەرلەبەیانی رۆژی پێنج شەممە لە رێورەسمێكدا تەرمی مامۆستا عەزیز محەممەد لە گۆرستانی شەهیدانی حیزبی شیوعی لە ناوئاپۆرای جەماوەر كوردستان و بەشێكی بەرچاو لە هێز و لایەنە سیاسیەكانی كوردستان ئەسپەردەی خاك كرا. لە رێورەسمەكەدا پەیامی رێزدار كاك بابەشێخ حسێنی سكرتێری گشتی سازمانی خەبات درا بە بەرێوەبەرانی رێورەسمەكە. 

جێگەی باسە دوانێوەرۆی هەمان رۆژ شاندێكی دەفتەری سیاسی سازمانی خەبات پێكهاتوو لە بەرێزان ، رێبوار حسینی و كامیل نورانی فەرد لە پرسەی بەرێز عەزیز محەممەد لە مزگەوتی جەلیل خەیات بەشدارییان كرد و دووبارە پرسە و سەرەخۆشی سازمانی خەباتیان بە ئەندامانی رێبەرایەتی حیزبی شیوعی گەیاند.

  

  

  

  

 
ڕێکه‌وت: 2017-06-01 17:54:28
به‌شی ( چالاکیه‌کان )