له‌سه‌رهێل 75
پێنجشه‌ممه‌ 1 ره‌زبه‌ر 2721
سازمانی خه‌باتی کوردستانی ئێران
شەری رژیم لەگەڵ دونیای مەجازی

شیلان محەمەدی

رایڵكەی ئینتەرنێت یەكێكە لە هۆكارە گرینگ و حەیاتیەكان لەسەردەمی ئێستادا، كە جیهان و مرۆڤایەتی هەم بۆ ئاستێكی بەرچاو خێرا و بەرەوپێش بردووە و هەمیش تارادەیێكی زۆر بە خۆیەوە گرێداوە. لەجیهاندا زیاتر لە دو ملیارد بەكاربەری هەیە و یەكێكە لە رێگا ساناكانی گواستنەوەو گەیاندنی زانیاریەكان لەنێوان تاكەكانی هەر كۆمەڵگایەك، لە وڵاتی ئێرانیشدا كە خاوەنی حەشیمەتێكی زۆرە و بەكاربەرێكی بەرچاویشی هەیە. بەڵام بە حوكمی ئەوەی كە دەسەڵاتێكی دیكتاتۆر و نادیموكراتیك لە وەلاتی ئێران حوكم دەكات بێگومان بوونی ئینتەرنێت ناتوانێ‌ ببێتە هۆكارێكی دڵخۆشكەر بۆ سەرانی دەسەڵات و   لەراستیدا بۆتە هۆكاری سەرئێشە و كێشەی جیددی و دەسەڵاتدارانی ئەو ڕژیمەی بەبەردەوامی سەرقاڵ كردووە. وڵاتی ئێران لەروی بەكارهێنان و خێرای بەكاربردنی ئینتەرنێتەوە لەنێوان ۱۷٨ وڵات لەپلەی ۱٦۴ مین دایە.  لەگەڵ ئەوەشدا ئێران لە ساڵی ۱۳٦٨ وە بە ئینتەرنێت پەیوەست بووە بەلام دەیان كێشەی وەك خاوی ئینتەرنێت و فیلتێرە جۆراوجۆرەكان بەرۆكی بەكاربەران دەگرێت. ڕژیم چەند ساڵێكە لەهەوڵی كەم كردنەوە و دابڕاندنی خەڵك لە دنیای مەجازی و سانسۆڕ كردنی بەشێكی زۆری سایت و تۆڕەكانی تر دایە، ئەوەش بە دامەزراندنی ئینتەرنێتی  تایبەب بەخۆی بەنێوی ئینتەرنێتی میللی یەوە. ڕێژەی بەكاربەرانی ئەو رایلكەیە لە ئێراندا گەیشتۆتە ۳٦ملیۆن و نیو كە دەبێتە ۴۵ لەسەدی دانیشتووان و ئەم ڕێژەیەش بەردەوام لەزیادبوندایە، ئەمەش هێندەی تر ئەركی سەرانی رژیمی قورستر كردووە و نیگەرانیەكانی بەرەوسەر بردووە.

رژیم لەو رێگەیەوە دەیهەوێ‌ رێگەی پێوەندی خەڵكی ئێران لەگەڵ دونیای دەرەوە بە تەواوی بپچرێ و رێگەی گواستنەوەی سانای زانیاریی بۆ ناوخۆی ئێران بەربەست بكات.  رژیم لەرێی دامەزراندنی ئەم رایلكەیەوە بەخەیاڵی خۆی دەیهەوێ‌ كێشە و گرفت لەسەر نیزام و دەسەلاتەكەی كەم بكاتەوە بەڵام غافل لەوەی كە چەندین ساڵە بە بەربەست دروست كردن هەم لە سەر رێگەی ماهوارە و هەروەها ئینتەرنێت و رێگەكانی تری پێوەندیی نەیتوانیوە لەبەرانبەر وشیاری و بەرەوسەر چوونی ئاستی زانیاریی تاكەكانی كۆمەڵگای ئێران كاریگەری دانێ‌ بە لایەنی نەرێنی و خەڵك بەردەوام لەرێگەی جۆراوجۆر رێگەكانی بەربەرەكانێ‌ و شكاندنی بەربەستەكانی رژیمیان دۆزیوەتەوە و رووبەرووی بوونەوەتەوە .

ئەوەی ماوەبوترێ‌ ئەوەیە كە دەسەڵات بە هیچ شێوەیێك ناتوانێ‌ نە بە ئینتەرنێـی نەتەوەیی و نە بە دەستبەسەرداگرتنی ماهوارە  خەڵك لە فكری ئازادیخوازیی و دیموكراسی دوورخاتەوە و بە ئالۆگۆرە بەرچاوەكانی ناوچەكە و جیهان ئەو رەوتە تا دێ‌ خێراتر دەبێ و هیچ كام لەو رێگایانە ناتوانێ‌ دادی دەسەلاتی ئاخوندان بدات.
ڕێکه‌وت: 2017-06-02 10:41:34
به‌شی ( سیاسی )







  به‌شی : هه‌واڵی کوردستان   کات : 2021-09-22

باوکی ڕامین حسێن پەناهی کۆچی دوایی کرد

به‌شی : هه‌واڵی کوردستان   رۆژ: 2021-09-16


سەعید ئەفکاری برای نەوید ئەفکاری دەست بەسەر کرا.

به‌شی : هه‌واڵی ئێران   رۆژ: 2021-09-13

دیمانه

سیاسی