له‌سه‌رهێل 70
سێ‌شه‌مه 9 سه‌رماوه‌ز 2721
سازمانی خه‌باتی کوردستانی ئێران
خامنەیی لەسەر گۆڕی خومەینی: ئێمە لە بەدیی هێنانی دادی كۆمەلایەتی لە دواین

رۆژی یەكشەممە 14ی جۆزەردانی 1396، خامنەیی وەلی فەقیهی رژێم كە بەبۆنەی یادی مردنی خومەینی لە سەر گۆری ناوبراو ئامادەبوو وتارێكی بەو بۆنەوە دا.


وەلی فەقیهی رژێم لە دوای ئەوەی وەك هەمیشە باسێكی لە ئیمامی جینایەتكاریان كردو بەسەریدا هەڵگووت، لەبارەی پێشكەوتنی بزوتنەوەی دادخوازی كوشتاری 67 دژ كردەوەی نیشان دا و وتی: لەم دواییانەدا لە رێگەی هەندێ لە بلیندگۆكان و خاوەن بلیندگۆكان، دەیەیی 60 دەكەنە ئامانج. پێشنیار دەكەم بە كەسانێك كە بیر دەكەنەوە و ورد دەبنەوەو لە پێوەند بە دەیەی 60 بریار دەدەن جێگەی شەهید و تاوانبار نەگۆڕێ.


ناوبراو لە بەشێكی دیكەی قسەكانی دا وتی: هەر چەند ئێمە لە وەدیی هێنانی هەندێ لە دروشمەكان لە دواین، لە پێوەند بە دادی كۆمەڵایەتی لە دواین، لەبارەی جێبەجێ كردنی هێ،دێ لە بنەما و پایەكان دوا كەوتووین.


خامنەیی لە كاتێكدا دەسەڵاتی دواكەوتووی ئاخوندی بە شۆرشگێڕی پێناسە دەكرد رۆحانی و تاقمەكەی لە پێوەندی بە هێڵی سازان كردە ئامانج و گوتی: دەبیستم جاروبار هێندێك لە بەرامبەر دروشمەكانی ئینقلاب ناو پێناسەی ئەقڵانیەت باس دەكەن، وەك بڵەی ئەقڵانیەت خاڵی بەرامبەری شۆرشگیِڕیە، نا ئەوە هەڵەیە ئەقڵانیەتی دروستیش لە شۆرشگێڕیدایە. شۆرشگێڕی بەناوی توندئاژۆیی و زێدەخوازی، توندرەوی و ئەو قسەكانە وەلا مەنێن. سازانیش نرخی دەوێ، كۆسپ و تەگەرە ئەگەر ئەقڵانی بێ كۆشپ و تەگەرە ئەگەر بەرامبەر بە لۆژیك بێ ئەگەر باوەر بەخۆ بوونی لەگەڵ بێ نرخەكەی زۆر كەمترە لە نرخی سازان. ئێمە ئەوەمان لە هەڵسووكەوتەكانی ئەو چەند ساڵەی دوایی بینی كاتێ ئێوە تا ئەو ئەندازەش پاشەكشێتان كرد، دیسان قسەیەكی نوێ دێننە گۆڕێ.


ناوبراو هەر لەو پێوەندەدا درێژەی بە قسەكانی دا: بەرپرسانی وەلات رازی كردنی زلهێزە خۆسەپێنەكان نەكەنە ئامانجی خۆیان.


خامنەیی لە ترسی كاریگەریەكانی لێكترازانی ناوخۆی دەسەڵاتبەو رووی دەرەوەدا وریایی بە رۆحانی دا: لە بابەتە نێودەوڵەتیەكاندا دەبێ یەك دەنگ لە وەڵات ببیسترێ، هەموو بەرپرسانی بەرێزی وەلات سەرنج بەو بابەتە بدەن، بەرووی بابەتە گرینگە جیهانیەكان دەبێ یەك دەنگ لە ناوخۆی وەلاتەوە ببیسترێ.


وەلی فەقیهی رژێم لە دوای ئەوانە باسێكی لە شانۆی هەڵبژاردنەكانی رژێم كرد و لە دوای دووبارەكردنەوەی ژمارە و رەقەمە بەرزەكان و قسە تیكراریەكان كە بەشداری نیشانەی تەئیدی نیزامە، لەبارەی ئاكامی شانۆی هەڵبژاردنەكان گوتی: شۆرای بەرێزی چاودێری (نیگابان) دروستی هەلبژاردنەكەی راگەیاند هەر چەند رایانگەیاند و راپۆرتیش بە ئێمە گەیشتبوو كە سەپێچی كراوە، دەبێ بەدواداچوون بۆ ئەو سەرپێچیانە بكرێ، هەر چەند ئەو سەرپێچیانە كاریگەری لەسەر ئاكامی هەڵبژاردنەكان نەبووە و نابێ، بەڵام هەرچی بێ سەرپێچی سەرپێچیە و تایبەت بە كۆماری ئیسلامی نیە، بەرپرسان دەبێ بە جیددی بەدواداچوون بۆ ئەو سەرپێچیانە بكەن، سەرپێچیكاران دیاری بكەن بۆ ئەوەی ئەو جۆرە سەرپێچیانە لە هەڵبژاردنی ئێمەدا كە ئێمە هەڵبژاردنگەلێكی ئەو میلەتەمان لە پێشە لە هەڵبژاردنە جیاجیاكاندا ئەو سەرپێچیانە نەمێنێ و ئێمە ئەو سەرپصێچیانەمان نەبێ.


هەروەها ناوبراو وێرای ترس  و دڵەراوكێ لە دووبارە بوونەوەی راپەرینی 88 بەبێ ئەوەی پیرۆزبایی لە براوەی شانۆی هەڵبژاردنە بكات، رۆحانی و دار و دەستەكەی بە كەم جیكەڵدان و باندەكەی خۆی بە بە جیكەڵدان داناو گوتی: هێندێ هەن كە ئەگەر بیشی بەنەوە لە بابەتێكدا، كەم هەڵگر و كەم جیكەڵدانی نیشان دەدەن، ئەوانەشی سەركەوتوو نەبون خۆراگریان نیشان دا بەپێچەوانەی ساڵی 88 كە ئەو كێشانەیان بۆ وەڵات دروست كرد.


 


خامنەیی هەروەها بە نیگەرانی لە دۆخی ناوچەكە و گۆشەگیری زیاتری رژیم گوتی: دژمنانی ئێمە بێكار نین... دژمن لە كەمینە.
ڕێکه‌وت: 2017-06-05 11:31:41
به‌شی ( هه‌واڵی ئێران )





دیمانه

سیاسی