له‌سه‌رهێل 38
سێ‌شه‌مه 9 سه‌رماوه‌ز 2721
سازمانی خه‌باتی کوردستانی ئێران
دۆخی خراپی بەندكراوێكی سیاسی كورد

 

 

بەندكراوێكی سیاسی كورد بەناوی وەحید نەبیزادە، 9 ساڵە لە چاوپێكەوتن لەگەڵ كەس و كارەكەی بێ بەش كراوە.

 وەحید نەبیزادە کوڕی زوبەیر، بەندكراوی سیاسیی کوردی خەڵکی شاری سەڵماسە، لەساڵی ١٣٨٧ی خۆریەوە دەستگیر و لە ساڵی ١٣٨٨ وە لە گرتووخانەی زەنجان راگیراوە و كە ئەوە بۆ ماوەی 9 ساڵە لە مافی بینین و دیداری خانەوادەكەی بێ بەش كراوە.

ناوەندی دیموکراسی و مافی مرۆڤی کوردستان لەوبارەیەوە نووسیویەتی کە ئەو زیندانییە تەمەن ٣٤ ساڵە لەلایەن دەزگای قەزایی رژێمی ئێرانەوە بە تۆمەتی هاوکاری حیزبە کوردییەکانی دژبەری ئەو رژیمە سزای سێدارەی بەسەردا سەپێندراوە و دواتر ئەو حوکمە بۆ ٢٥ ساڵ مانەوە لە زیندان کەم کراوەتەوە.

 

وەحید نەبیزادە خەڵکی گوندی “گوڵ ئەدەم” سەر بە شاری سەڵماسەوە ماوەی ٩ ساڵە بە بێ یەک ڕۆژ مرەخەسی لە گرتووخانەی زەنجان ڕاگیراوە

 
ڕێکه‌وت: 2017-06-07 09:59:48
به‌شی ( هه‌واڵی ئێران )





دیمانه

سیاسی