له‌سه‌رهێل 98
دووشه‌مه‌‌ 3 خه‌زه‌ڵوه‌ر 2721
سازمانی خه‌باتی کوردستانی ئێران
دوای مانگێك لە گیران چارەنووسی فاروق شاروێرانی و دوو كەسی دیكە ناروونە

 

 

بەپێی هەواڵەكان فاروقی شاروێرانی كوری ئەحمەد بە تۆمەتی سیاسیی و هاوكاری لەگەڵ ئەحزابی كوردی لەلایەن هێزەكانی وەزارەتی ئیتلاعاتی رژێم لە شنۆ گیراوەو تا ئێستا خانەوادەكەی نەیانتوانیوە لە شوێنی راگرتنی زانیاریەكی تەواو بە دەست بێنن.

رۆژی 21ی بانەمەری 1396، هێزە ئیتلاعاتیەكان لە شاری شنۆ فاروق شاروێرانی یان گرت و بۆ شوێنێكی نادیاریان گواستەوە. ئەو كات هێزەكانی ئیتلاعاتی شنۆ بەبێ ئیزنی یاسایی دەستیان دابووە گران و پشكنینی ماڵی ئەو هاووڵاتیە كوردە و دەست بەسەریان كردوە.

رۆژی 10ی جۆزەردان هێزەكانی سەر بە حیفازەتی ئیتلاعاتی سپای پاسدارانی رژیم سەربازێكی كورد بە ناوی تاهیر خورشیدی تەمەن 21 ساڵە خەڵكی گەرەكی سەیدئاوای شاری شنۆ بە تۆمەتی جاسوسی و ئاشكراكردنی نهێنی سپای پاسداران گرتووە كە پێشتر لە بەشی كۆمپیوتەری حەفازەتی ئیتلاعاتی سپای پاسداران لە شنۆ سەرباز بووە.

دوانیوەرۆی رۆژی دووشەممە 8ی جۆزەردانیش هاووڵاتیەكی دیكەی شنۆیی بە ناوی ئەمیر پەیغامی لەلایەن هێزە لیباس شەخسیەكانەوە گیراوە. ئەو هێزانە لە دوای گرتنی ئەمیر پەیغامی، ماڵەكەی گەراون و دەستیان بە سەر پاسپۆرت و كەل و پەلە پایبەتەكانیدا گرتووە.

 

هەتا ئێستا خۆی گرتنی ئەو هاووڵاتیە كوردە دیار نیە بەڵام هێندێ سەرچاوە هۆی گرتنەكەی بۆ هاوكاری لەگەڵ هێزە سیاسیە كوردیەكان گێراوەتەوە. لە تێكرای ئەو گرتنانەدا لەگەڵ بەدواداچوونی بەردەوامی خانەوادەكانیان بۆ ئاگادار بوون لە چارەنووسی كورەكانیان، هێزە ئەمنیەتیەكان لە وەڵام دانەوەی دروست لەبارەی چارەنووسی و شوێنی راگرتنیان خۆیان بواردووە.

 
ڕێکه‌وت: 2017-06-13 10:22:09
به‌شی ( هه‌واڵی ئێران )





دیمانه

سیاسی