ڕۆژی شه‌ممه‌ 10ی پووشپه‌ڕی 1396به‌رامبه‌ر به‌ 1ی ژوئیه‌ی 2017 ئه‌ندامانی سازمانی خه‌بات پێکهاتوو له‌ کومیته‌کانی نۆروێژ، فیلاند،سوئید، ئاڵمان و کانادا، ‌یاوه‌ریی سکرتێری گشتی و به‌رپرسی په‌یوه‌ندیه‌کانی ده‌ره‌وه‌ی سازمانی خه‌باتیان كرد و به‌شێوه‌یه‌کی به‌رچاو و چالاکانه‌ له‌ کۆبونه‌وه‌ی ساڵانەی ئوپزسیۆنی ئێران له‌ پاریس بەشدار بوون.

 ئه‌م کۆبونه‌وه‌ له‌لایه‌ن شۆڕای ملی مقاومه‌تی ئێرانه‌وه‌ ڕێکده‌خرێ و تیایدا نوێنه‌ران و شاندی وڵاتان و که‌سایه‌تی سیاسی و ناوداری جیهانی  له‌ هه‌ر پێنج قاڕه‌ی جیهانه‌وه‌ به‌شداری ده‌که‌ن و په‌یامی خۆیان به‌ ئاماده‌بوونی هه‌زاران که‌س له‌ ئه‌ندامان و دۆستان و لایه‌نگران پێشکه‌ش ده‌که‌ن و هاوسۆزی و پشتیوانی و په‌یمانی خۆیان له‌گه‌ڵ ئێرانیانی ئازادیخواز ڕاده‌گه‌یه‌نن. 

بۆ ئەم ساڵیش سازمانی خه‌باتی کوردستانی ئێران به‌شداری له‌و کۆبونه‌وه‌ مه‌زنه‌دا كرد و په‌یامی سازمانی خه‌بات له‌لایه‌ن سکرتێری گشتیه‌وه‌ پێشکه‌ش كرا. 

ئه‌ندامانی سازمانی خه‌بات له‌سه‌ر ڕوخانی ڕێژیمی ئاخوندی و مافی گه‌لانی ئێران به‌گشتی و گه‌لی کورد به‌تایبه‌تی لێدوانیان بۆ زۆرێک له‌ که‌ناڵیه‌ جیهانیه‌کان داو له‌گه‌ڵ زۆرێک لە میوانانی بیانی ئه‌وکۆبونه‌و دیداریان پێک هێنا.

 
ڕێکه‌وت: 2017-07-04 19:16:16
به‌شی ( چالاکیه‌کان )