له‌سه‌رهێل 71
سێ‌شه‌مه 9 سه‌رماوه‌ز 2721
سازمانی خه‌باتی کوردستانی ئێران
ئەمریكا گەمارۆی خستەسەر 18 بەرپرس و ناوەندی رژێمی ئێران

 وەزارەتی خەزێنەداری و وەزارەتی دەرەوەی ئەمریكا گەمارۆیان خستە سەر 18 بەرپرس و ناوەندی رژێمی ئێران.

رۆژی سێ شەممە 27ی پووشپەری 1396، ئاسوشیتدپرێس لە راپۆرتێكدا رایگەیاند كە دەوڵەتی دۆناڵد ترامپ گەمارۆی نوێی خستووەتە سەر 18 كەس و تاقم و شەبەكەی سەر بە رژێمی ئێران، ئەو گەمارۆیان لەپێوەند بە چالاكیە غەیرە ئەتۆمیەكان و بەشی پشتیوانی لە پەرەپێدانی مووشەكی بالستیك دەگرێتەوە.

بە پێی راپۆرتی ئاسوشیتدپرێس وەزارەتی خەزنەداری ئەمریكا حەوت گروپ و پێنج كەس كە هاوكاری ئەرتەش و سوپای پاسدارانی رژێمی ئێرانیان كردووە كردۆتە ئامانج.

ئەمریكا دەڵێ ئەو گەمارۆیانە گروپێكی جینایی بێ سنوور كە لە ئێران جێگیرە و سێ كەسی دیكە كە پێوەندیان بەو گروپەوە هەیە دەگرێتەوە.

وەزارەتی دەرەوەی ئەمریكاش ئابڵوقەی خستووەتە سەر دوو گروپی دیكە كە پێوەندیان بە بەرنامەی مووشەكی رژێمی ئێرانەوە هەیە.

بەهۆی ئەو گەمارۆیانەوە دارایی هەموو ئەو كەس و گروپانە دەستی بەسەردا دەگیرێ و شارۆمەندانی ئەمریكاییش مافی سات و سەودای تەجاریان لەگەڵیان نابێ.

لیستی ناوی ئەو كەس و گروپانەی گەمارۆیان خراوەتە سەر:

محەمەد سەعید ئاجیلی (لە شیركەتی نەرم ئەفزاری ئاجیلی)

سەید رەزا قاسمی (لە شیركەتی رایان رشدئەفزار)

فەرشاد حاكمزادە (لە شیركەتی رایان رشدئەفزار)

ئەمیلی لیو (شارۆمەندی چینی سەر بە شیراز ئەلكترۆنیك)

موحسین پارساجەم (لە شیركەتی رایان رشدئەفزار)

محەمەد رەزا رەزاخواه (لە شیركەتی نەرم ئەفزاری ئاجیلی)

رەسیت تاوان (شارۆمەندی توركیە، سەر بە شیركەتی كەشتی سازی مەد كندالو قشم)

شیركەتی ئاباساینش تەك (لە چین جێگیرە)

شیركەتی نەرم ئەفزاری ئاجیلی

شیركەتی ئەندیشە ویسال خاوەرمیانە

رێكخراوی جیهادی خود كەفایی هێزی هەوا فەزای سوپا

رێكخراوی لێكۆڵینەوە و جیهادی خودكەفایی سوپا

تەعاونی كەشتی سازی مەد كندالو قشم

گروپی رامور (جێگیر لە توركیە)

شیركەتی رایان روشد ئەفزار

شیركەتی ریبیم كورپوریشنز (جێگیر لە چین)

شیركەتی سانۆی تەك (جێگیر لە چین)
ڕێکه‌وت: 2017-07-18 18:19:26
به‌شی ( هه‌واڵی ئێران )





دیمانه

سیاسی