له‌سه‌رهێل -1
چوارشه‌مه‌ 15 پووشپه‌ڕ 2722
سازمانی خه‌باتی کوردستانی ئێران
سیمیناریك لە ژێر ناوی مامۆستا شێخ جەلال لە دوتویی ئەدەب و سیاسەت دا

 رۆژی پێنج شەممە رێكەوتی29ی پووشپەری 1396، 20/7/2017 لە هۆڵی رێكخراوە ناحكوومیەكان له شاری هەولێر بە ئامادەبوونی كۆمەلێك رێكخراو و كەسایەتی سیمینارێك بۆ یادی حەوت ساڵەی كۆچی دوایی مامۆستا سەید جەلالدینی حوسەینی بەرێوە چوو. بەمەبەستی رێزگرتن لەیاد و ناوی جەنابی مامۆستا سەیید جەلال حسێنی رێبەری نەتەوەیی گەلەكەمان لە كوردستانی ئێران و هەروەها دامەزرێنەری سازمانی خەبات سیمیناریك بە دوو پانێلی ئەدەبی و سیاسی بو هەر دوو بەرێز، دكتۆر رەحیم سورخی مامۆستای زانستگای سەلاحەدین بە بابەتی ئەدەبی و كاك رێبوار حسێنی ئەندامی دەفتەری سیاسی سازمانی خەبات بە بابەتی سیاسی سیمینارێك لە ژێر ناوی  مامۆستا شێخ جەلال لە دوتویی ئەدەب و سیاسەت دا، بەرێوەچوو. 

لە پانێلی یەكەم بەرێز دكتور رەحیم سورخی لە بابەتێكی تێر و تەسل دا ژیانی ئەدەبی مامۆستای خستە بەرباس و لەسەرتای بابەتەكەی دا ناوبراو ووتی: لە بەرهەمە ئەدەبیەكان مامۆستا دوو بابەت زور گرینگین، یەكیان سرووشتە و ئەوەی تریان شۆڕشە. دكتۆر رەحیم گووتاری شیعری جەنابی مامۆستای بە گووتاری موقاومەت زانی و ووتی: ئەو كاتەی زمانی ئاسایی تیكدەشكیندرێ‌ شیعر دروست دەبێ و رادەی لادان لە زمانە ئاساییەكە دەبیتە بنەمای رێژەی شیعریەت دواجار گووتاریكی ئەدەبی دروست دەبێ.  بەو پێیە مامۆستا شیخ جەلال دەچیتە ناو گووتاری شیعری موقاومەت. دكتۆر رەحیم ووتی مامۆستا شیخ جەلال شاعیرێكی ئەخلاقی بووە و لەنێو ئەدەبیاتی جەنابی مامۆستا كورد و ئازادی دەبینی و ئەگەرچی مامۆستا كەسیكی سەر بە سازمانی خەبات بوو بەڵام لەتەواوی بەرهەمەكانی كورد بە پێوەری سەرەكی دادەندرێ‌ و مامۆستا كەسیكی نەتەوەیی بە تەواوی مانا بووە. 

لە پانێلی دووهەم بەرێز كاك رێبواری حسینی ئەندامی دەفتەری سیاسی بابەتێكی تیروتەسلی لەسەر ژیانی سیاسی جەنابی مامۆستا پێش كەش كرد و لەسەرەتای شكل گرتنی كەسایەتی سیاسی جەنابی مامۆستا لە كۆمەڵەی ژیانەوەی كورد بە خواردنی سوێندی وەفا و ئەندامەتی بۆ ئەو كومەڵەیە دەستی پێكرد و تێشكی خستە سەر هەموو قوناغەكانی ژیانی سیاسی جەنابی مامۆستا سەیید جەلال حسینی. بەرێزیان لەدرێژەی باسەكەی دا باسی لە قوناغی رێبەرایەتی جەنابی مامۆستا لەسەرەتای شۆڕشی گەلانی ئێران كرد و دەوری جەنابی مامۆستای لەو ناوچەیە بە دەوری یەكلایكەرەوە بۆ سەركەوتنی راپەرینی خەڵك لە قەلەم دا و هەروەها تیشكی خستە هەڵسووران و تێكۆشانی مامۆستا لەچوارچێوەی دەفتەری مامۆستا شێخ عیزەدین و ئەو شانازییانەی لەو ماوەیەدا بو جولانەوەی گەلەكەمان تۆمار كرا. دوایین قوناغیش باس كردن لە قوناغی دامەزراندنی تەشكیلاتێكی سیاسی لە ژێر ناوی سازمانی خەبات ی كوردستانی ئێران و دەوری ئەو تەشكیلاتە لە جولانەوەی گەلەكەمان لە كوردستانی ئێران بوو. 

لەنێوان هەردوو پانێلەكە فیلمێك لەسەر ناساندنی بیروئەندێشەی جەنابی مامۆستا لەسەر پرسەكانی دیموكراسی و خەباتی نەتەوەیی و نیشتمانی پێش كەش بە ئامادەبووان كرا. 
















ڕێکه‌وت: 2017-07-22 15:56:49
به‌شی ( چالاکیه‌کان )






  به‌شی : هه‌واڵی کوردستان   کات : 2022-07-06 08:15:48
به‌شی : هه‌واڵی ئێران
ڕێکه‌وت : 2022-07-02

به‌شی : هه‌واڵی ئێران
ڕێکه‌وت : 2022-06-30


سیاسی