بەپێی هەواڵی گەیشتوو، رۆژی شەممە 28ی گەلاوێژی 1396، ژمارەیەك لە ئەندامانی كۆمیتەی نۆروێژی سازمانی خەبات و بەرپرسانی سازمان لە گردبوونەوەیك كە بەبۆنەی فتوای ئاخوند خومەینی رێبەری رژێمی ئێران لە 28ی گەلاوێژی 1358، لە پێش سەفارەتی رژێمی ئێران رێكخرابوو، بەشداری بەرچاویان كرد.

سەرەتا لەلایەن ئیبراهیم كۆنەپۆشی یەكێك لە رێكخرانەوە بەخێرهاتنی بەشداران كراو لە دوای هەندێ دروشم دژ بە رژیمی خومەینی، پەیامی كۆمیتەی هاوكاری هێزە سیاسیەكان لەلایەن فەردین سەڵەواتی خوێندرایەوە، پاشان پەیامی كۆمیتەی نۆروێژی سازمانی خەبات لەلایەن خاتوو شنۆ شەریعەتپەناوە ئەندامی پێوەندی كۆمیتەی نۆروێژی سازمانەوە پێشكەش كرا كە لە پەیامی كۆمیتەدا وێرای ئیشارە بەو تاوانانەی لە دوای فتواكەی خومەینی جەلاد لە 28ی گەلاوێژ لە كوردستان ئەنجام درا، داوا لە هێز و لایەنە سیاسیەكان كرا پێكەوە هەوڵ بدەن حەرەكەت و جووڵانەوەیەك وەرێ بخەن بۆ ئەوەی تاوانەكانی 28ی گەلاوێژ و دوای ئەویش بە وەلاتان و ناوەندەكانی پارێزەری مافی مرۆڤ باشتر بناسێنن بۆ ئەوەی فەرماندەران و بەشدارانی ئەو تاوانانە كە دژ بە خەڵكی بێتاوانی كوردستان ئەنجام دراون بە سزای جینایەت و تاوانەكانیان بگەن.

 
ڕێکه‌وت: 2017-08-20 11:44:16
به‌شی ( چالاکیه‌کان )