ئامادەبوانی بەرێز 

هۆگرانی رێگایی پیرۆزی سازمانی خەبات 

37 ساڵ لەمەو بەر و لە رۆژێكی وەهادا سازمانی خەباتی كوردستانی ئێران بە رێبەرایەتی مامۆستا سید جەلال حسێنی بەمەبەستی رووبەرووبوونەوەی دوژمن و داگیركەرانی خاكی پیرۆزی كوردستان و روبەرووبوونەوەی بیری توندرەوی و نا دادپەروەری و خزمەتكردنی میللەتەكەمان بوونی خۆی راگەیاند و قۆناغێكی گرینگ لە بزوتنەوەی رزگاریخوازانەی گەلەكەمان لە كوردستانی ئێران دەستی پێكرد . 

هەر بەو بۆنەیەوە بەناوی دەستەی بەرێوەبەری رێكخراوی لاوانی خەباتی كوردستان گەرمترین پیرۆزبایی خۆمان پێشكەش بە سەرجەم تێكۆشەرانی ئەم رێگا پیرۆزە دەكەین و هەروەها سەری رێز دادەنەوێنین لە ئاست شەهیدانی سازمانی خەبات و سەرجەم شەهیدانی كوردستان كە بە خوێنی گەشی خۆیان پارێزگاریان لەمانەوەی میللەتەكەیان كردو بوونە رەمزی خۆراگری . هەروەها هەزاران سلاو دەنێرین بۆ دامەزرێنەرانی سازمان خەبات بە تایبەت مامۆستا سید جەلال حسێنی رێبەری نەتەوەی كوردستان 

بەرێزان 

ئێمە لە كاتیكدا ئەم یادە بەرز رادەگرین كە بلێسەی ئاگری خەبات و تێكۆشان دژی رژێمی ئاخوندی زیاتر لە جاران بە گۆڕ و تینە ، سەرەرای هەموو ئەو نابەرامبەریەی كە لە نێوان هێزی دوژمن و هێزی كورد دایە لە سەرجەم بوارەكاندا . رژێمی ئاخوندی چ لە رابردوو چ لە ئێستادا هەموو هەولی ئەوەیە كە دەسەڵاتی شومی خۆی بۆ ناوچەكانی دیكەی وڵات و دەرەوەی وڵات بگوازێتەوە بۆ مەبەستە گلاوەكانی خۆی . هەرچەند هەمیشە هەست بەو مەترسیە كراوە و دەبینرێت، بەڵام رێگریەكی جیدی لە ئارادا نیە هەر ئەمەش بۆتەی هۆی ئەوەی بە هاوكاری كەسانی بەرژەوەند خواز و قازانج ویست و میللەوت نەویست لەم پلانەدا تا رادەیەك سەركەوێت و دەسەڵاتی خۆی بەسەر چەندین وڵاتدا بسەپێنێت ، بەڵام ئەوە جێگەی خۆشحالیمانە لە كوردستانی ئێراندا نەك نەیتوانی ئەو ئامانجەی بێنێتەدی بەڵكو لەلایەن لاوان وباقی چین و توێژەكانی دیكەی كوردستان بە توندی جوابدرایەوە و تائێستاش سەرەرایی ئەو هەموو هێز و تواناییەی كە دژی كورد دەیگرێتە بەر بەڵام هێشتا نەیتوانیوە دەنگی نارەزایەتی نەهێلێت و دایمركێنێت . هەرئەمە نیشانەی خۆراگری ئەم گەلەیە كە لە ئاست دوژمنانی كوردستاندا چۆك دانادا و سەر بۆ دوژمن نەوی ناكات ، بە جۆرێك رووبەرووی ویست و ئامانجەكانی دوژمن بوو وەوە كە لە مێژوودا لە بیر نەكرێ و وەك لەپەرەیەكی پرشنگدار لە خەبات و تێكۆشانی بۆ بەدەست هێنانی ئازادی و مافە رەواكانی بمێنێتەوە .

جاریكی دیكە بەبۆنەی پێنجی خەرمانان سالرۆژی دامەزراندنی سازمانی خەبات پیرۆزبایی خۆمان پێشكەش بە سەرجەم گەلی كورد بەگشتی و تیكۆشەرانی سازمانی خەبات بە تایبەتی دەكەین 

بروخێ‌ رژێمی ئاخوندی 

سەركەوێ خەباتی رزگاریخوازانەی میللەتەكەمان 

رێكخراوی لاوانی خەباتی كوردستان 

دەستەی بەرێوەبەری

3ی خەرمانانی 1396
ڕێکه‌وت: 2017-08-29 07:52:47
به‌شی ( لاوان )