رۆژی شەممە 18ی خەرمانانی 1396، بەرامبەر بە 9ی سێپتامبری 2017، سەعات 3:30 دەقیقەی پاشنیوەرۆ ژمارەیەك لە ئەندامانی كۆمیتەی سازمانی خەبات لە وەلاتی نۆروێژ بەشداریان لە كەرنەڤاڵی ریفراندۆم لەبەردەم پاڵەمان لە ئۆسلۆ كرد.

شایانی باسە لە دوای بریاری سەركردایەتی هەرێمی كوردستان بۆ ئەنجامدانی ریفراندۆم لە 25ی سێپتامبر ژمارەیەكی بەرچاو لە سازمان و رێكخراوەكان لە وەلاتی نۆروێژ بۆ پشتیوانی و سەرخستنی پرۆسەی ریفراندۆم لە كوردستان ئامادەكاریان بۆ ئەو كۆبوونەوە جەماوەریە كرد.

لەو كۆبوونەوەدا ژمارەیەك پەیامی وەك پەیامی كۆمیتەی ئامادەكاری كەرنەڤاڵ، پەیامی ژمارەیەك كوردی رۆژهەلات و باس كردن لە رووداوەكانی ئەم دواییەی شارەكان پێشكەش كرا، هەروەها چەندین هونەرمەندی دەنگخۆشی كورد بە خوێندنی گۆرانی و سرود هانی رەوەندی كوردیان لە نۆروێژ بۆ بەشداری لە ریفراندۆم دا.