له‌سه‌رهێل 92
دووشه‌مه‌‌ 3 خه‌زه‌ڵوه‌ر 2721
سازمانی خه‌باتی کوردستانی ئێران
بەشداری سازمانی خەبات لە ریورەسمی بە خاک سپاردن و پرسە بەریز مام جەلال تاڵەبانی

رۆژی هەینی ریکەوتی 6102017 شاندێکی دەفتەری سیاسی سازمانی خەبات بەشداریان لە ریورەسمی بە خاکسپاردنی رێزدار مام جەلال تاڵەبانی کەسایەتی دیار و سیاسەتمەداری گەلەکەمان و سکرتیری گشتی یەکێتی نیشتمانی کوردستان  بەشدارییان کرد. 

لەدوای هاتنەوەی تەرمی بەرێز تاڵەبانی لەوەلاتی ئاڵمانەوە لەناو ئاپۆرای خەلکی کوردستان بەرەو  گردی دەباشان بەڕێکرا و بە بەشداری نوینەری هێز و لایەنە سیاسیەکانی هەر چواربەشی کوردستان تەرمی مام جەلال ئەسپەردەی خاک کرا. لەدوای ریورەسمی بەخاکسپاردن بەرێز قوباد تالەبانی کوری مام جەلال و جێگری سەرۆکی حکوومەتی هەرێمی کوردستان لە چەند ووتەییک دا سپاسی ماتەمگیڕان و خەلکی کوردستان و هیز و لایەنە سیاسیەکانی کرد. 

دوانیوەرۆی رۆژی شەممەش شاندێکی دەفتەری سیاسی سازمانی خەبات لە بارەگای دەفتەری سیاسی یەکیتی نیشتمانی کوردستان لە هەوڵێر بەشدارییان لە ریورەسمی پرسە و سەرەخۆشی خوالێی خۆش بێت مام جەلال تاڵەبانی کرد.

جێگەی باسە شاندی سازمان وێرای دانی پەیامی هاوخەمی ریزدار کاک بابەشێخ حسێنی سکرتیری گشتی سازمانی خەبات لەنزیکەوە پرسە و سەرەخۆشی سازمانی خەباتیان بە بەرپرسانی بالای یەکێتی نیشتمانی راگەیاند.





 

 

 





 



 
ڕێکه‌وت: 2017-10-07 20:11:02
به‌شی ( چالاکیه‌کان )





دیمانه

سیاسی