له‌سه‌رهێل 43
سێ‌شه‌مه 9 سه‌رماوه‌ز 2721
سازمانی خه‌باتی کوردستانی ئێران
هێزەكانی پێشمەرگەی كوردستان هەموو هێرشەكانی حەشدی شەعبی تێكشكاندووە

 ئەمڕۆ چەكدارانی حەشدی شەعبی بە پاڵپشتی هێزەكانی سوپای پاسدارانی رژیمی ئێران لە چەند میحوەرێك ھێرشیان كردە سەر سەنگەرەكانی پێشمەرگە، بەڵام ھێزی پێشمەرگە لە ھەموو میحوەرەكان ھێرشی حەشدی شەعبی تێكشكاند و چەندین سەركردەی حەشدی شەعبی لە نێو كوژراو و برینداران ھەن.

بە گوێرەی زانیارییەكان، پێشمەرگە لە ھەموو میحوەرەكان ھێرشی حەشدی شەعبی تێكشكاندووە و زیانی گەورەی بە چەكدارانی میلیشیای حەشدی شەعبی و سوپای پاسداران گەیاندووە و چەندین سەركردەی حەشد لەنێو كوژراو و بریندارەكاندا ھەن".

ھەر بەپێی زانیارییەكان: "45 كوژراو و  75 برینداری حەشدی شەعبی لە نەخۆشخانەی زوممار گواستراونەتەوە مووسڵ، ھەروەھا پێشمەرگە 12 ھەمەر و ئۆتۆمبێلی سەربای حەشدی شەعبی تێكشكاندووە".

لەلایەكی دیكەوە ئه‌نجوومه‌نی ئاسایشی هه‌رێمی كوردستان، له‌باره‌ی تێكشكانی هێرشی حه‌شدی شه‌عبی و هێزەكانی رژیمی ئیران و زیانه‌كانی ئه‌و هێزانه‌ راگه‌یێنراوێكی بڵاوكرده‌وه‌.

له‌ راگه‌یێنراوه‌كه‌دا هاتووه‌: "کاتژمێر 12:00ـی نیوەرۆی ئەمرۆ هێزەکانی پێشمەرگە بە شێوەیەکی قارەمانانە بەرپەرچی هێرشەکانی سوپای عێراق و میلیشیاکانی حەشدی شەعبی بە پاڵپشتی سوپای پاسدارانی ئێران دایەوە و لە ئاکامدا ٣ تانک و ٥ هامڤی و ١ باجەری دوژمن تێکشکان".

له‌ راگه‌یێنراوه‌كه‌ی ئه‌نجوومه‌نی ئاسایشی هه‌رێمی كوردستان دا ئاماژه‌ به‌وه‌كراوه‌ كه‌ "هێزەکانی سوپای عیراق و حەشدی شەعبی ئێرانی بە چەکی ئەمریکی وەکو هامڤی و تانکی قورس و ئۆتۆمبیلی باجەری سەربازی بەردەوامن لە هێرش بۆ سەر سه‌نگه‌ره‌كانی پێشمەرگە و ئەمە پیشیلکردنی ئاشکرای دەستوری عیراقە کە بە بەکارهینانی هێز چارەسەری کێشە سیاسییەکان دەکات".

ئه‌نجوومه‌نی ئاسایشی هه‌رێمی كوردستان ده‌ڵێت: "ئێمە بە توندی ئیدانەی ئەو سنور بەزاندنە سەربازیانەی عیراق دەکەین. کۆمەڵگای نیودەوڵەتی دەبوایە دوو هەفتە لەمەوبەر هەڵسوکەوتە خراپەکانی عێراقی ئیدانە کردبا، كه‌ هەندێک لە ناوچە ئارامەکانی وڵاتیشی تێکداوە و زیاتر لە ١٥٠,٠٠٠ کەس ئاوارە بوونە و مەترسی بۆ ئاسایش دروستکردووە".

 
ڕێکه‌وت: 2017-10-26 15:41:51
به‌شی ( هه‌واڵی کوردستان )





دیمانه

سیاسی