له‌سه‌رهێل 75
سێ‌شه‌مه 9 سه‌رماوه‌ز 2721
سازمانی خه‌باتی کوردستانی ئێران
گردبوونەوەو نارەزایەتی ئێرانیانی ئازادە لە پاریس بەبۆنەی رۆژی جیهانی مافی مرۆڤ

 رۆژی دووشەممە 20ی سەرماوەزی 1396، ئێرانیانی ئازادە لە پاریسی پێتەختی فەرانسە، بەبۆنەی رۆژی 10ی دیسامبر رۆژی نێونەتەوەیی مافی مرۆڤ، هاوكات لەگەڵ بەرێوەچوونی كۆبوونەوەی نێونەتەوەیی "گۆرانی ئاو و هەوا" لە پاریس، گردبوونەوەو نارەزایەتیەكی گەورەیان بەرێوەبرد.
وێرای سەرما و بۆرانی توند ئەو نارەزایەتی توورەیی و رقی خەڵكی ئێران لە رژیمی دیكتاتۆری ئاخوندان كە پێشەنگە لە ئێعدام و پێشێلكردنی مافی مرۆڤ و بەرپرسانی ئەو دەسەڵاتە دەستیان سوورە بە خوێ،ی زیاتر لە 120 هەزار رۆڵەی ئازادیخوازی خەڵكی ئێران بەتایبەت 30 هەزار زیندانی سیاسی كە بە كۆمەڵ لە ساڵی 1367 دا لەسێدارە دران.
بەشداربووانی ئەو گردبوونەوەیە هەروەها سیاسەتە ناتەباكانی رژیم لەگەڵ ژینگە و زیانی قەرەبوو نەكراوی ئەو سیاسەتانە لە دەریاچەكان، رووبارەكان، و سەرچاوەكانی ژێر زەوی و دارستانەكان و.... یان مەحكوم كرد.
بەشداربووانی ئەو گردبوونەوەیە دەنگی حەقخوازانەی خەڵكی ئێران بۆ وەدیهێنانی ئازادیە بنەرەتیەكان، دامەرزانی دەسەڵاتێكی كۆماری ئازاد و دیموكراتیك لەسەر ئەساسی جیایی دین لە دەوڵەت یان بە گوێی جیهانیان گەیاند.
لەو گردبوونەوەیەدا ژمارەیەك كەسایەتی وتاریان دا كە لە قسەكانیان دا تەئكیدیان لەسەر چەند خاڵی گرینگی وەك: مەحكوم كردنی پێشێلكردنی مافی مرۆڤ لە ئێران لەلایەن ئاخوندانەوەو خوازیاری راگرتنی ئێعدامەكان بوون. داوایان لە وەڵاتانی ئوروپایی كرد هەر جۆرە پێوەندیەكانی تەجاری و بازرگانی لەگەڵ رژیمی ئاخوندی بەشەرتی چاككردنی دۆخی مافی مرۆڤ لەو وەڵاتە بكەن. هەروەها لە قسەكانیان دا پشتیوانی خۆیان بۆ بزوتنەوەی دادخوازی گوشتاری 30هەزار بەندكراوی سیاسی، لەسەر پێكهێنانی هەیئەتێكی نێونەتەوەیی بۆ لێكۆڵینەوە بەمەبەستی دادگایی كردنی فەرماندەر و جێبەجێكارانی ئەو جینایەتە پێداگریان كردووە.
لە وتەكانیان دا هەروەها تاقی كردنەوەی مووشەكی و دەستێوەردانی بەربلاوی رژیم لە كاروباری وەڵاتانی ناوچەكە و پشتیوانی لە تاقمە تیرۆریستیەكانیان مەحكوم كرد و خوازیاری راگرتنی سیاسەتی سازان لەگەڵ رژیم، تۆماركردنی ناوی سپای پاسداران وەك سەرەكی ترین هێزی پشتیوانی بۆ تیرۆریستان لە ناوچەكە و وەدەرنانی پاسداران لە سوریە و عێراق راگرتنی دەستێوەردانەكانی رژیم لە ناوچەكە بوون.
هاوكات پشتیوانیان لە خەبات و مقاومەتی خەڵكی ئێران بۆ ئازادی و مافی مرۆڤ كە لە ویستە سەرەكیەكانی خەڵكی ئێران بۆ گۆرانی ریشەیی لە ئێران و رووخانی دەسەڵاتی ئاخوندان كرد.



 
ڕێکه‌وت: 2017-12-12 20:09:37
به‌شی ( هه‌واڵی ئێران )





دیمانه

سیاسی