له‌سه‌رهێل 68
سێ‌شه‌مه 9 سه‌رماوه‌ز 2721
سازمانی خه‌باتی کوردستانی ئێران
ئامریکا بەڵگەی هاوكاریە مووشەكیەكانی رژیمی ئێران بۆ حوسیەكان دەخاتەروو

 نیکی هێلی نوێنەری ئەمریکا لە رێکخراوی نەتەوە یەکگرتوەکان، ئامادەكاری بۆ  خستنە رووی بەڵگەی هاوكاریە مووشەكیەكانی رژیمی ئێران بۆ چەکدارانی حوسی دەكات. ئەو موشەکەی كە لە لایەن چەکدارانی حوسی بۆ عەرەبستانی سعودی هاوێژرا، وەزیری دەرەوەی عەرەبستان دوای هێرشە موشەکیەكە پەنجەی تاوانی بۆ رژیمی ئێران راكێشا.

ئێن بی سی لە زمان بەرپرسانی ئەمریکاوە راپوڕتی دا، نوێنەری ئەمریکا لە رێکخراوی نەتەوەکان، پاشماوەی موشەکە بالستیکیەكە لە ناوەندی ئاژانسی زانیاری بەرگری لە بنكەی هاوبەشی ئاناکاستیا بولینگ لە واشنتۆن دی سی دەخاتەروو.

 

پاش ئەو هێرشە موشەکیە بۆ سەر عەرەبستان تیمێکی لێکۆڵینەوە لە لایەن رێکخراوی نەتەوەکان بۆ لێكۆڵینەوە لە وتەی عەرەبستان سەردانی شوێنەكەیان كردووە، بۆ ئەوەی دەریخەن ئەو موشەکەی هاوێژراوە بۆ خاکی عەرەبستان هی ئێران بووە. بە وتەی ئانتۆنیو گۆترز لێكۆلەران راپۆرتیان داوە کە شێوەی دروستكرانی ئەو موشەکانە تایبەتمەندی لەبەرچاوگیراوەو هاوشێوەیان پێشتر بەكار هاتووەو ئەوە پشت راست دەكاتەوە كە نمونەیەكی سەرەكی بووە.
ڕێکه‌وت: 2017-12-13 17:07:28
به‌شی ( هه‌واڵی ئێران )





دیمانه

سیاسی