له‌سه‌رهێل 71
پێنجشه‌ممه‌ 1 ره‌زبه‌ر 2721
سازمانی خه‌باتی کوردستانی ئێران
راپەرینەكانی ئەمجارەی ئێران وەك دەسكەوتێكی مێژووی

شیلان محەممەدی

روژی پێنج شەممه٫رێكەوتی ۶ی بەفرانباری ۱۳۹۶ یەكەم بروسكەی راپەرینی جەماوەری وەزاڵەهاتووی ئێران لە شاری مەشهەد دەستی پێكرد.  روون و ئاشكرایە كە راپەرینەكانی ئەمجارە جیاوازیی نەوعی و قووڵیان لەگەڵ نارەزایەتیەكانی رابردووی جەماوەری ئێران هەبوو.  راپەرینەكانی ئه مجارە كە هەڵقوڵاوی ناخی خەڵكی وەزاڵەهاتو و بێزار له دەسەڵاتی ئاخوندی بوو٫ راپەرینی سەرتاسەری و بە ئامانجی له ناوبردنی هەموو جومگە و باڵەكانی دەسەڵاتی دژه گەلی رژیمی مەلاكان بوو. راپەرینێك بوو كە كۆی سیستەمی ئاخوندانی كردە ئامانج و تێكرای چین و توێژەكانی كۆمەڵگا بە شێوەیەكی بوێرانەتر ئاوێتەی راپەرینەكان بوون و داوای مافە سەرەتایی و رەواكانی خۆیان دەكرد.

هەر وەك لە مێژووی 4 دەیەی حاكمیەتی ئاخوندەكان دەردەكەوێ‌ وەڵامی ئەمجارەی دەسەڵات وەك هەموو جارێك بۆ داوا رەواكانی خەڵك، سەركووت و بەندیخانە بوو. بەڵام ئەوەی جێگەی خۆشیە سەرەڕای ، گرتن و كوشتن و لێدان و سزادانی خەڵكی راپەریو لەلایەن دەست و پێوەندەكانی  رژیمەوە و هەوڵدانی بەردەوام و جۆراوجۆر بۆ كپ كردنەوەی دەنگی نارەزایەتی خەڵك و بەلارێدا بردنی خواست و ویستی گشتی، كەچی ئەو خەڵكە قارەمانە بەردەوامن لەسەر هەنگاوە پیرۆزەكانیان و مكۆرن لەسەر ویستە رەواكانیان و تا ئێستا خەوی دەسەڵاتدارانی حەق نەبیستیان تاراندوە و شەقامیان لەسەر رژیم و بەكرێگیراوانی كردووەتە دۆزەخ.

جێی باسە  كە ئەم راپەرینانە جیاواز لە تایبەتمەندییەکانی باسکراو، رەهەندێكی جیهانیشی بەخۆیەوە بینی و زۆربەی وەڵاتانی جیهانی هێنایە سەرخەت ، سەرەرای ئاماژە پێكردن و گواستنەوەو راگەیاندنی ئەم راپەرینە لەلایەن زۆرێك لە تیڤی و بڵاوكراوەكانی وەك سی،ئێن، ئێن و فاكس نیوز و تەلەویزیۆنەكانی فەرانسە كە بە بەردەوامی ئەم راپەرینەیان دەگواستەوە، باسكردن و گرتنی كۆبونەوە لە ئەنجومەنی ئاسایشی نەتەوە یەكگرتووەكان بۆ باسكردن لەم بابەتە لەلایەن خاتوو نیكی هێلی سەفیری ئامریكاوە وروژێندراو بووە جێگەی باس و خواسی ئەندامانی رێكخراو.

سەرەرای دروست كردنی كۆسپ و تەگەرەو دژایەتی رژیم و لە یەك جەبهەدابوون لەگەڵ وڵاتانی ئەتیوپی، بۆلیوی و چین و روسیە لەگەڵ هەندێ ئەندامانی ئەو رێكخراوە بۆئەوەی كە ئەو كۆبونەوەیە شكست پێبێنێ‌، بەڵام كۆبونەوەكە سازكرا.

 باسكردنی ئەو راپەرینە لە ئەنجومەنی ئاسایشی نەتەوە یەكگرتووەكان و وردبونەوەو لێكۆڵینەوە لە وردەكاری و سەركوتی راپەریوان و هەوڵەكانی رژیم بۆ كپ كردنی راپەرین و كوشتن و برینداربوونی راپەریوان، ئەمەش خاڵێکی ئەرێنی بوو لەبەرژەوەندی گەلانی ئێران.

لەلایەكی دیكەوە ئەم خاڵەش وەك یەكێكی دیكە لە كردەوە دژە مرۆڤایەتیەكانی رژیم هەژمار کرا و چۆتە سەر لاپەرەی مێژووی پراوپر لە تاوان و گەندەڵی و كوشتارو ......رژیمی ئێران.

 

خەڵکی ئێران لەو راستیە گەیشتوون، تا ئەو کاتەی دەسەڵاتی ئاخوندی لەسەرکار بمێنێ بێگومان هیچ ویست و مافێکی چین و توێژەکان وەدی نایەت و تەنیا رێگە رووخان و لەناوچوونی ئەو دەسەلات و هاتنە سەرکاری دەسەلاتێکی خەڵکی و دیموکراتیکە کە مافی هەمووان لە سایەی دا وەدی بێ.
ڕێکه‌وت: 2018-01-24 17:23:22
به‌شی ( سیاسی )







  به‌شی : هه‌واڵی کوردستان   کات : 2021-09-22

باوکی ڕامین حسێن پەناهی کۆچی دوایی کرد

به‌شی : هه‌واڵی کوردستان   رۆژ: 2021-09-16


سەعید ئەفکاری برای نەوید ئەفکاری دەست بەسەر کرا.

به‌شی : هه‌واڵی ئێران   رۆژ: 2021-09-13

دیمانه

سیاسی