له‌سه‌رهێل 63
پێنجشه‌ممه‌ 1 ره‌زبه‌ر 2721
سازمانی خه‌باتی کوردستانی ئێران
یادێك لەو رۆژانەی بە خوێن تۆمار كران!



بابەشێخی حوسێنی

بەهاربوو ئاووی چۆمی مووچە خوڕەو هاشەی دەهات پێش نیوەرٍۆ بوو كەدەنگی تەقە لەو بەر چەم بەرز بووەوە، هێزی دوژمن لە بەرزایی پشتی دێ‌ بەرەو ئاوایی شۆڕ دەبوونەوە، هێزێكی پەنجا كەسی بەكرێگیراو چوونە ناو تاژەبان. پێشتر ئاگادارمان كردبوون كە نابێ‌ لە مۆڵگەكانیان بێنە دەرەوە بەڵام ئەو رۆژە لە دوای تەقەی پێشمەرگەی لایەنێكی دیكەی كوردستانی ئێران كە كوژران و برینداربوونی چەند كەس لە بەكرێگیراوانی بە دواوە بوو، بە كرێگیراوان بۆ تۆڵە كردنەوە هاتبوونە دێی تاژەبان.

ئێمە لە گەڵ هەڤاڵی خۆشەویستم و فەرماندەی قارەمان و دڵسۆز شەهید كاك تەها سوور و ژمارەیەك لە پێشمەرگە قارەمانەكان لە دێی‌ مووچە بووین. لە دوای بیستنی دەنگی تەقە خۆمان ئامادەكردو بەرەو گوندی تاژەبان جووڵاین كە كیلۆمیترێك لە مووچە دوورە. كاتێك لە چوومی مووچە بەرەو تاژەبان پەرینەوە شەهید تەها كەوتە گۆمێكی ئاوەوە، شەهید تەها مەلەی نەدەزانی فریاكەوتم كوڵەباڵەكەی (فەروە)كەیم گرت و نەمهێشت بكەوێتە قووڵایی گۆمەكە. دوای رزگاربوونی لە ئاوەكە زۆر تووڕەو بێزار بوو، لە توورەییدا ووتی دەبێ‌ ئەمڕۆ خۆم بە كوشت بدەم. دڵم دایەوە كە باش وایە لە سەر خۆ بێ‌. چەند قسەی جەفەنگ و شۆخیمان كردو بەرەو هێزی دژمن چووین. پێشمەرگەكان قارەمانانە لە هێزی دژمن وەدەست هاتن و توانیان لە تاژەبان وەدەریان نێن. هێزی دژمن خەڵكی دێی‌ تاژەبانیان بە بارمتە گرت و پێشمەرگەكانی سازمانی خەبات بۆ رزگار كردنی خەڵكی دێ‌، دەوری دژمنیانداو داوای تەسلیم بوونیان لێ‌ دەكردن، ورەی بەكرێگیراوانی رژیم بە تەواوی داڕمابوو تەنانەت هاتنی هێزی یارمەتیدەریش نەیتوانی ورەیان بەرزبكاتەوە. شەڕ بەردەوام بوو بە جۆرێك كە خۆ بەدەستەوە دانی پێگەی دوژمن لە تاژەبان لە ئان و ساتدا بوو.

قارەمانی پێشمەرگەكانی سازمان لە رووبەروبوونەوە لە بەرانبەر دژمن نمونەیی و كەم وێنە بوو بەڵام لەو كاتەی كە پێشمەرگەكان نزیك بوون لە سەركەوتنی یەكجاریی و خۆ بەدەستەوە دانی هێزی دژمن، بە داخەوە لە روبەروبوونەوەی هێزی یارمەتیدەری دژمن، من بە سەختی بریندار بووم و گولەی بەكرێگیراوان نێوچاوان و سەری پێكام و لە پشتی سەرمەوە دەرچوو ، ئاگام لە خۆم نەما و بۆ ماوەیەك بێهۆش كەوتم، كاتێك بە ئاگا هاتمەوە چاوی راستم نەیدەدیت و پێم وابوو كە تازە زەحمەتە بژیم، ئەو پێشمەرگەی لە نزیكم بوو دەستی بە گریان كرد، پێم ووت یارمەتیم بدە هەستمە سەر پێ‌، زۆر بە زەحمەت بۆ ماوەیەكی كورت خۆم بە پێوە گرت هەم ئەو پێشمەرگەیە كە ئێستا لە ناوخۆیەو پێم باش نیە ناوی بێنم و هەم شەهید كاك تەها سووری هەمیشە لە یاد بە نۆرە كۆڵیان كردم و دووریان خستمەوە، دوایی هەڤاڵەكانی دیكەو هەروەها شەهیدی سەركردە كاك عەبدولكەریم حوسەینی هاتن و لە دەشتایی نزیك پردی مووچە  رایانكێشام، شەهید كاك عەبدولكەریم زۆر نیگەران بوو  هەر وەك تێكرای هەوڵانم. كاك عەبدولكەریم دەرزیەكی ئامادە كرد و قۆڵیان هەڵماڵیم  بەڵام  شەهید كاك عەبدولكەریم نەیتوانی رەگی باسكم وەدۆزێ‌ و  بە هەلم زانی بۆ ئەوەی لە نیگەرانیەكانیان كەم بكەمەوە بە شۆخی و چەفەنگ  پێم ووت ئازاری دەرزیەكە لە ئازاری گولەكە زیاترە هەر لە بەر ئەو شۆخیەی من ژمارەیەك لە پێشمەرگەكان پێكەنین. دوای ئەوە خستیانمە ناو تابووتێك و لە سەر ئێسترێك دایانبەستم  و لە بەر ئەوە  ئێسترەكە بە سەر پردە داربەستەكەی مووچەدا نەدەڕۆیشت بە ناچاری ئێسترەكەیان بە ئاوی خووری چەمی موچەدا بەڕی كرد. كاتێك لە تابوتەكەدا بووم وەزعم زۆر خراپتر دەبوو و هەلومەرجێكی نالەبارم هەبوو چەند جار داوای ئاوم كرد بەڵام بە بیانووی ئەوەی كانی  و ئاو نزیك نییە خۆیان دەبوارد ئاوم بدەنێ‌. لە دێی‌ كانی برایم نزیك بووینەوە بە دارەكاندا زانیم كە لە دێی كانی برایم نزیكین هەر بۆیە داوام كرد كە بچن لە دوكانی حەسەنە رٍەش ساندیسم بۆ بێنن كاتێك تۆزێ‌ شەربەتی ساندیسیان دامێ‌ ڕشامەوەو  كڵۆ خۆێنم هێنایەوە كە پێم وایە ئەو ڕشانەوەیە زۆر باش بوو هۆیەكی دیكە  بوو بۆ رزگار بوونم لە مردن  بەدوای تێ‌ پەڕینی چەند سەعاتێك  بە یەكجاریی لە مەیدانی شەڕ دووریان خستمەوە. كاتێك گەیشتینە دێ‌ی مووسەك لە كوردستانی عێراق شەهید محەممەد نانەوا بە ماشین هات بە شۆێنمدا، كاتێك لەو هەلومەرجەدا منی بینی زۆر نیگەران بوو . 

بەڵێ‌ بە پشتیوانی خوداو هیممەتی هەواڵانم و زەحمەتی دوكتورەكان و خۆش شانسی، ئەو جارەرش لە مەرگی حەتمی رزگارم بوو. گێڕانەوەی تێكرای رواوەكانی ئەو رۆژەو رۆژانی دوایی و برینداربوونی ئەو جارەشم زۆرن كە ئەگەر خودا یار بێت دەیان نووسم.
ڕێکه‌وت: 2018-02-03 14:01:31
به‌شی ( سیاسی )







  به‌شی : هه‌واڵی کوردستان   کات : 2021-09-22

باوکی ڕامین حسێن پەناهی کۆچی دوایی کرد

به‌شی : هه‌واڵی کوردستان   رۆژ: 2021-09-16


سەعید ئەفکاری برای نەوید ئەفکاری دەست بەسەر کرا.

به‌شی : هه‌واڵی ئێران   رۆژ: 2021-09-13

دیمانه

سیاسی