رۆژی شەممە 5ی رەشەمەی 1396ی هەتاوی لەسەر بانگهێشتی كۆمیتەی نۆروێژی كۆمەڵەی زەحمەتكێشانی كوردستان، هەیئەتێكی كۆمیتەی نۆروێژی سازمانی خەبات كە پێكهاتبوون لە بەرێزان مەحمودی یوسفی و عەلی بەهرامی بەشداریان لە سیمینارێكدا كرد كە لەلایەن كۆمیتەی كۆمەڵەی زەحمەتكێشان بۆ بەرێز عومەر ئیلخانی زادە سكرتێری كۆمەڵەوە رێكخرابوو. لە سمینارەكەدا بەرێزیان تیشكی خستەسەر دەستكەوت و خاڵە بەهێز و لاوازەكانی بزوتنەوەی نەتەوەیی كورد لە هەر چوار بەشەكەی كوردستان و بەتایبەت لە كوردستانی ئێران و پرسی هەنگاوە سەرەتاییەكانی ئەحزابی ئەو بەشەی كوردستان و بزوتنەوە جەماوەریەكانی ئەم دواییەی تاوتوێ كرد. هەروەها خاتوو گەلاوێژ عەبدیكانی لە بەشێكی دیكەی سمینارەكەدا بابەتێكی لەسەر ستەم و نابەرابەریەكان لە ژێر چەتری دەسەڵاتی دواكەوتووی ئێستای ئێران و كەلتووری پیاوسالار لە كوردستان پێشكەش كرد.

لە بەشی نەزەر و بۆچوونەكاندا عەلی بەهرامی وەك سازمانی خەبات وێرای پیرۆزبایی بەبۆنەی رۆژی كۆمەڵە و بەخێر هێنانی كاك عومەر بۆ نۆروێژ، رای خۆی لەسەر بابەتەكان لە چەند دەقیقەیكدا پێشكەش كرد.
ڕێکه‌وت: 2018-02-25 09:58:09
به‌شی ( چالاکیه‌کان )