له‌سه‌رهێل 119
شه‌ممه‌ 24 ره‌زبه‌ر 2721
سازمانی خه‌باتی کوردستانی ئێران
هێزەكانی رژیم  هاوولاتیەكی دێولانیان دەستبەسەر كرد

 هێزەكانی رژیمی ئێران لە دێی قوریچیای دێولان هاووڵاتییەکیان دەستبەسەر كرد.

بەپێی هەواڵ، ڕۆژی چوارشەممە ٨ی خاکەلێوە، هێزە سەركوتگەرەكانی ئیدارەی ئیتلاعات لە شاری دێولان هێرشیان کردە سەر ماڵی هاووڵاتییەکی کورد بە ناوی "ئەحمەد ئەمین‌پەنا" و دەسبەسەر کرد.

ئەحمەد ئەمین‌پەنا، پێشتر بە تۆمەتی"بەڕێوەبردنی جێژنی نەورۆز و پڕوپاگەندە دژی نیزام" بە پێنج ساڵ زیندانیی حوکم درابوو کە بە دانانی بارمتەی ١٥٠ میلیۆن تمەنی بە شێوەی کاتی ئازاد کرا.

ئەو هاووڵاتییە کوردە، یەکێکە لە نزیکانی بنەماڵەی حوسێن‌پەناهی لە شاری دێولان، کە چەندین کەس لەو بنەماڵەیە هەنووکە لەلایەن هێزە ئیتلاعاتییەکانی رژیمی ئێرانەوە، زیندانی و حوکمی ئێعدامیان بە سەردا سەپاوە.
ڕێکه‌وت: 2018-03-30 08:28:05
به‌شی ( هه‌واڵی کوردستان )





دیمانه

سیاسی