له‌سه‌رهێل 72
پێنجشه‌ممه‌ 1 ره‌زبه‌ر 2721
سازمانی خه‌باتی کوردستانی ئێران
ناڕەزایەتی خەڵكی بانە و پەیامەكانی!

بابەشێخ حوسێنی


لە كاتی نووسینی ئەم بابەتەدا ناڕەزایەتی و مانگرتنی خەڵكی قارەمانی شاری بانە پێی‌ ناوەتە 23 رۆژەی خۆیەوە.


نووسین لە سەر ناڕەزایەتی كەم وێنەی خەڵكی بانە بەو مەبەستە نیە  گرێی‌ بدەم بە كاری سازمان و لایەنێكی كوردستانی و یا هەوڵێك بێ‌ بۆ ئەوەی قازانجی تەشكیلاتی لێ‌ وەرگیرێ‌، بەڵكوو ئەم نووسینە بە ئامانجی سپاس و تەقدیر لە خەڵكی بانەیە كە زۆر نەبەزانە لە پێناو ویستی خۆیان و ویستی زۆربەی شارەكانی دیكەی كوردستان  خۆیان لە ژیان  ئاسایی كردوەو مەترسی و هەڕشەكانی دەسەڵاتی ملهوڕی ئاخوندی بە هیممەتی كەم وێنەیان تەحمول دەكەن.


ناڕەزایەتی خەڵكی بانە، گرینگی و بایەخەكانی بۆ بەندە وەك پێشمەرگەیەك كە یەكێك لە هومێدە سەرەكیەكانم ئازادی نیشتمان و دانیشتوانیی هەموو شارو دێكانی كوردستانی ئێرانە  جێگەی شانازیەو بەر چاوڕوونییشە بۆ داهاتووی پڕشنگدار.


 لە گەڵ ئەو ڕاستیەی كە ناڕەزایەتی خەڵكی بانە خۆی لە چەندین داوای  وەك كارو مافی ژیان و كردنەوەی كاری كۆڵبەریدا دەبینێتەوەو ئەو داوایانە، ئەگەر چیی داوای سیاسی نین، بەڵام جێگەی بایەخن و لە مێژووی ناڕەزایەتی و مانگرتنەكان لە ئێران و كوردستان نمونەی نەبووە، بەو بیانوەی كە ئەو ناڕەزایەتیانە داوای سیاسی لە خۆ نەگرتوە،‌ هەوڵ بدرێ‌ لە گرینگیەكانی و بایەخە زۆرەكانی كەم بكرێتەوە ئەوە بێگومان ئاو دەكرێتە ئاشی دوژمن و هەروەها زیان بە رەوتی مافخوازی و خەباتی جەماوەری دەگەێندرێ‌.


لە لایەكی دیكەوە هەوڵ بۆ جیاكردنەوەی بانە لە شارەكانی دیكەی كوردستان، بە ووتنی ئەو جۆرە قسەی "بانە بە تەنیایە، خەڵكی شارەكانی دیكە بۆ پشتیوانی بانە ناكەن"؟...... كارێكی خراپەو لە جێگەی خۆیدا نیە و دوژمن كەڵكی لێ‌ وەردەگرێ‌.


 ئاشكرایە ئەوەی خەڵكی بانە لە ئێستادا دەیكات بە پشتیوانی و هاوكاری خەڵكی تێكرای شارەكانی كوردستانەو هەر لەو چوارچێوەشدا زۆربەی شارە سنووریەكانی كوردستانی ئێران ناوەناوە بەردەوام بوون لە مانگرتن.


بێگومان هەوڵ بۆ جودا كردنەوەی شارەكانی كوردستان لە یەك و دروست كردنی ناكۆكی لە نێوان تێكرای جەماوەری كوردستان خەونی دوژمنەو نابێ‌ رێگەی پێ‌ بدەین.


خاڵێكی پێویستی دیكە ئەوەیە كە بە داخەوە ژمارەو رێژەی ئافرەتانی بەشدار لە مانگرتنەكاندا وەك پێویست نیە، لە بەر گرینگی بارودۆخەكەو هەروەها لە پێناو بە ئاكام گەیشتنی مانگرتن و ناڕەزایەتیەكان زۆر پێویست و گرینگە كە تێكرای چین و تۆێژەكان و بە تایبەت ئافرەتانی تێكۆشەر بە شێوەی چالاكانەتر لە ناڕەزایەتی و مانگرتنەكان بەشدار بن.


لە كۆتاییدا داواكارم تێكرای هاونیشتمانیانی ئازیز بە یەكخستنی ریزەكانیان لە پێناو مافەڕەواكانیان تێ‌ بكۆشن، هەروها داواكارم كەسایەتیە بەڕێزەكانی كوردستان و بەتایبەت مامۆستایانی ئایینی و ئوستادانی دانشگاو مەعلیمەكان و كارمەندەكانی حكومەتی وەك هەمیشە پێشەنگی جەماوەر بكەن و هەوڵ بۆ زیاتر یەكخستی ریزەكانی جەماوەر بدەن.


سڵاو بۆ خۆڕاگری خەڵكی قاەمانی بانە و تێكرای شارەكانی كوردستان


 سەركەوتن بۆ ئیرادەی پۆڵایینی جەماوەرە.
ڕێکه‌وت: 2018-05-07 16:56:15
به‌شی ( سیاسی )







  به‌شی : هه‌واڵی کوردستان   کات : 2021-09-22

باوکی ڕامین حسێن پەناهی کۆچی دوایی کرد

به‌شی : هه‌واڵی کوردستان   رۆژ: 2021-09-16


سەعید ئەفکاری برای نەوید ئەفکاری دەست بەسەر کرا.

به‌شی : هه‌واڵی ئێران   رۆژ: 2021-09-13

دیمانه

سیاسی