رۆژی سێ شەممە 29ی جۆزەردانی 1397 بە ئامادەبوونی بەشێك لە حیزب و رێكخراوەكانی كوردستان و چالاكانی مافی مرۆڤ لە بەردەم بارەگای ریكخراوی نەتەوە یەكگرتووەكان ئاكسیۆنێكی نارەزایەتی بۆ مەحكووم كردنی حوكمی سیدارەی رامین حوسین پەناهی بەرێوە چوو. 

نوینەرایەتی هەولێری سازمانی خەبات ی كوردستانی ئیران بەسەرپەرشتی بەرێز كاك شۆڕش حاجی بەرپرسی پێوەندیی هەولێر و ئەندامی سەركردایەتی لەو ئاكسیۆنە بەشدارییان كرد و دەنگی خۆیان خستە پاڵ دەنگی باقی بەشداربووان بو پشتیوانی لە ئیعدام نەكردنی رامین و هەر بەو مەبەستەش لە چەندین پەیام و بەیاننامەدا رێكخراوی نەتەوە یەكگرتووەكان و رێكخراوەكانی مافی مرۆڤیان لە جینایەتی رژیمی ئاخوندی لە راست خەلكی كوردستان و بە تایبەتی لە كەیسی رامین حوسێن پەناهی ئاگادار كردەوە.  

خۆپیشاندەران داوایان لە ناوەندەكانی نێودەوڵەتی كرد كە لە هەموو توانای خۆیان بۆ پێش گرتن لە ئەگەری ئیعدامی رامین حوسین پەناهی  كەڵك وەریگرن. 

ڕێکه‌وت: 2018-06-19 19:30:41
به‌شی ( چالاکیه‌کان )