كۆبوونەوەی نێوان دەورەیی شۆرای میللی موقاومەتی ئێران لە رۆژەكانی 14 و 15ی پووشپەری 1397 بە بەشداری بەرێز كاك بابەشێخ حسێنی سكرتێری گشتی سازمانی خەبات ی كوردستانی ئێران بەرێوە چوو. 

لەسەرەتای كۆبوونەوەی شۆرا خاتوو مەریەمی رەجەوی سەرۆك كۆماری هەڵبژێردراوی شۆرای میللی موقاومەتی ئێران ووتەیێكی پێش كەش كرد و ووتی: لە ئێستا دا بابەتی سەرەكی رووخانی رژیمی نامەشروعی ئاخوندییە كە شۆرا هەر لە سەرەتاوە بۆ ئەو ئامانجە دامەزراوە و لەو رێیەش دا هەموو هێزی خۆی بەكار هێناوە. خاتوو رەجەوی ئاماژەی بە هەولەكانی شۆرا لەو پێناوە دا  كرد و باسی لە لە قاودانی  پێشیلكاری مافی مرۆڤ لە رژیمی ئاخوندان و بەرنامەی دروست كردنی چەكی كۆمەڵكوژ و ناردنی ترۆریسم بو دەرەوە و دەستێوەردانەکانی سپای قودس  و بەرنامەموشەكیەكانی رژیم كرد. ناوبراو هەروەها داوای جێگۆركێ‌ كردن بە سیاسەتی بڕشت و جیددیەت لەبەرانبەر نەرم و نیانی و موماشاتی وەڵاتانی كۆمەڵگای جیهانی  لە بەرانبەر رژیمی ئاخوندی كرد و ئەو گۆرانكارییەی بە زامنی ئاشتی و تەناهی لە ناوچەكە و جیهان زانی. بەریز رەجەوی  جارێكی تر لە قسەكانی دا وێرای ئاماژە بە دۆخی هەستیاری ناوخۆیی، پرۆژەی هاوپەیوەندی نەتەوەیی هێز و لایەنە سیاسیە تێكۆشەرەكانی دووبارە كردەوە. 

بەرێز كاك بابەشێخ حسێنی سكرتێری گشتی سازمانی خەبات ی كوردستان كە وەك چاودێر بانگهێشتی كۆبوونەوەی شۆرا كرابوو لەسەر چەندین تەوەری گرینگی تایبەت بە كوردستانی ئێران و خەباتی خەڵك بۆ رووخانی دەسەلاتی ئاخوندی قسەی كرد و راوبۆچوونی سازمانی خەباتی كوردستانی خستە بەر سەرەنجی ئەندامانی شۆرا و بەشداربووان. 

شۆرای میللی موقاومەتی ئێران  لە 30 پووشپەری 1360 دامەزراوە  وەك حكوومەتی كاتی و گوازەرەوە دەناسرێ‌ و هەموو سالێك لەبەرەبەری نزیك بوونەوەی یادی دامەزراندنی كۆبوونەوەی سالانەی خۆی گرێ دەدا. لە گەڵ‌ پەسەند كراوەكانی ئەو شۆرایە گەڵاڵەی خودموختاری بۆ كوردستانە كە لە 12 مادە دا مافی سیاسی و حقوقیەكانی خەلكی كوردستان پەسەند كراوە.

ڕێکه‌وت: 2018-07-12 12:24:34
به‌شی ( چالاکیه‌کان )