رۆژی شەممە 20ی گەلاوێژی 1397ی هەتاوی لەسەر بانگهێشتی كۆمیتەی گشتی حیزبی دیموكراتی كوردستانی ئێران هەیئەتێكی كۆمیتەی نۆروێژی سازمانی خەبات لە وەلاتی نۆروێژ بەشداریان لە یادی 73مین ساڵرۆژی دامەزرانی حیزبی دیموكرات لە شاری ئۆسلۆ كرد.

هەیئەتی كۆمیتەی نۆروێژی سازمان پێكهاتبوون لە بەرێزان محەمود یوسفی بەرپرسی پێوەندیەكانی كۆمیتە، ئارەزوو بەهرامی و پەژار حوسێنی. پەیامی كۆمیتەی نۆروێژی سازمانی خەبات بەبۆنەی دامەزرانی حیزبی دیموكراتەوە لەلایەن كاك مەحمودی یوسفیەوە پێشكەش كراو بەوبۆنەوە هەیئەتی سازمان پیرۆزبایی و چەپكەگوڵی رێزلێنانیان پێشكەش بە بەرپرس و بەرێوەبەرانی كۆمیتەی حیزبی دیموكراتی كوردستان كرد.

شایانی گوتنە ژمارەیەك لەبەرپرس و ئەندامانی سازمان لە نۆروێژ هاوڕێیەتی هەیئەتی كۆمیتەی نۆروێژیان بۆ بەشداری لەو یادە و بەرز راگرتنی یادی دامەزرانی حدكا كرد.
ڕێکه‌وت: 2018-08-13 11:15:39
به‌شی ( چالاکیه‌کان )