له‌سه‌رهێل 117
یه‌کشه‌ممه‌ 12 پووشپه‌ڕ 2722
سازمانی خه‌باتی کوردستانی ئێران
بەرێوەچوونی كۆبوونەوەیەكی تەشكیلاتی بۆ ئەندامانی سازمان لە وەڵاتانی سكاندیناویا

 بە ئامادەبوونی كاك بابەشێخی حسەینی سكرتێری گشتی سازمان و بەشداری ژمارەیەكی بەرچاو لە ئەندامانی سازمانی خەبات لە وەڵاتانی نۆروێژ و سویید و فینلاند كۆبوونەوەیەكی تەشكیلاتی لەلایەن رێكخستنی دەرەوەی سازمان لە وەڵاتی نۆروێژ بەرێوەچوو


رۆژی شەممە رێكەوتی 3ی خەرمانانی 1397ی هەتاوی، بەرابەر بە 25ی ئاگۆستی 2018، لە شاری رۆدەی وەلاتی نۆروێژ بە ئامادەبوونی بەرێز سكرتێری گشتی سازمانی خەبات و بەشداری ژمارەیەكی بەرچاو لە ئەندامانی دڵسۆزی سازمانی لە وەڵاتەكانی نۆروێژ، سویید و فینلاند بەرێوەچوو.


لەو كۆبوونەوەیەدا بەرێز كاك عەبدوولا قادری بەرپرسی كۆمیتەی نۆروێژ كۆبوونەوەكەی بەرێوەبرد و بەخێر هێنانی ئەندامانی سازمانی بۆ نۆروێژی كرد و دەست خۆشی لێ كردن كە بەشێوەیەكی دڵسۆزانە بەردەوام بەشدارن لە بەرێوەبردنی ئەركە سازمانیەكان لە وەلاتەكانی خۆیان.


كاك عەبدووڵا پاشان داوای لە بەرێز كاك بابەشێخی حسەینی سكرتێری گشتی سازمانی خەبات كرد كە چەند وتەیەك پێشكەش بە ئامادەبووان بكات.


كاك بابەشێخ لە وتەكانیدا ئیشارەی بە رابردووی پر لە سەروەری سازمانی خەبات و زەروورەتەكانی دروستبوون و كاركردی سازمان و رێبەرایەتی بەتایبەت رێبەری فیداكاری نەتەوەكەمان مامۆستا سەید جەلالی حسەینی كرد و فەرمووی: نمونەی چەند ساڵ كارو تێكۆشانمان لە كوردستانی ئێران دەریدەخات  ئێمە چ شێوە تەشكیلاتێكین و كاری سیاسی و رێكخراوەییمان چۆنە. سازمانی خەبات تەشكیلاتێكە كە ئەورۆژەی ئیعلامی مەوجوودیەتی كردووە هەست بە بۆشاییەك كراوە لە جووڵانەوەی گەلی كوردا، بۆشاییەك كە ئەحزابی دیكە نەیانتوانیووە وەكوو فكرەی سازمانی خەبات بن. ئێمە نەهاتین حیزبی سیاسی دیكە تەرد كەین و یان بەدیلی حیزبی دیكە بین. نە هیچ حیزبێكی سیاسی دیكە لە سازمانی خەبات دەچێ و نە سازمانی خەباتیش لە حیزبی دیكە دەچێ. بێگوومان مێژووی ئەو 40 ساڵ كار و تێكۆشانە، هەنگاوەكان، ئامانجەكان دەرخەری ئەو حەقیقەتەن. 


لە ماوەی ئیدارەكردنی شاری بانە لەلایەن جەنابی مامۆستاوە لە مەرحەلەی دوای رووخانی حكومەتی شا نمونەیەكی بارز و دیار و واقعیە لە شێوەی بەرێوەبەری وەڵات لەلایەن سازمانی خەباتەوە و ئەوە نمونەی باڵانوێنی كوردستانە، یانی ئەگەر رۆژێك ئێمە سەهممان هەبێ لە ئیدارەكردن و بەرێوەبەردن. لە هەموو ئەو ماوەدا كە زیاتر لە ساڵێكی خایاند تەنیا یەك دزی كرا و یەك كەسیش كوژرا، دیارە ناوچەی بانە، ناوچەیەكی وەسیعە، ئەگەر چی ئەو كات شاری بانە حەشیمەتی وەكوو ئێستا نەبوو. بەڵام ئەوە دەرخەری ئەو راستیەیە كە شار بەشێوەیەكی تەواو ئارام بوو، حەتا دێهاتەكانیش ئارام بوون. ئەوەش دەگەرێتەوە بۆ نەوعی ئیدارەكردن و نەوعی چالاكی دەفتەری مامۆستا و خودی مامۆستا. وە لە ماوەی ئەو 40 ساڵەشدا لە جەرەیانی موبارەزە و شۆرش لە كوردستانی ئێران و لە كوردستانی عێراقدا سازمانی خەبات نمونەی پاكی و سەداقەت بووە لە كاركردنی شۆرشدا. ناڵێم سازمانی خەبات كەموكوری نەبووە بەڵام سازمانی خەبات كەمترین هەڵەی هەبووە چ پێشمەرگەكانی چ بەرێوەبەرانیشی. 


بەرێز كاك بابەشێخ لە پێوەند بەو هێرش و پەلامارانەی دەكرێنە سەر سازمان لەلایەن خەڵكێكەوە وتی: وەك ئاگادارن لە ماوەی رابردوودا ریزێك حەمەلەی نادروست كرایە سەر سازمانی خەبات لەسەر ئەوەی سازمانی خەبات لەگەڵ سازمانی موجاهیدین پێوەندی هەیە. ئەگەر هەر كەسێك تۆزێ زەحمەت بە خۆی بدات بگەرێتە دواوەو مێژووی سازمانی خەبات بخوێنێتەوە، دەبینێ كە تەشكیلاتەكەمان چۆنی كار كردووە لە باری كوردایەتیەوە هیچ وەختێك نەبووە بڵەین لەو قۆناغەدا سازمانی خەبات كاری كوردایەتی و شۆرشگێڕانەی زەعیف بووە. سازمانی خەبات حەتا لە كوردستانی عێراقدا خۆی فیدای كوردستانی عێراق كرد لەبەر كوردایەتی پاك و بێگەردی، سازمانی خەبات ئامادە نەبوو مل بۆ هیچ داوایەكی حكومەتی سەدام حسەین دانەوێنێ. وە حەتا لەم ئاخریەدا كە داعش و حەشدی شەعبی هێرشیان كردە لەسەر هەرێمی كوردستان پێشمەرگەی سازمانی خەبات بە ئامادەییەوە بەشدار بوون بۆ رووبەرووبوونەوە لەگەڵ كەمی ئیمكاناتیش دا. كە وایە ئەندامانی سازمانی خەبات دەبێ سەربەرزبن بە كاری شۆرشگێڕانە و تەشكیلاتی خۆمان. ئێمە هێزێكی سیاسین كە دەبێ رۆژ لە دوای رۆژ پرنسیب و ئوسوولمان هەبێ. ئێمە پێمان وایە كوردستان دەبێ بە شێوەیەك ئیدارە بكرێ كە خەڵكەكەی بحەسێتەوە، ئێمە هەوڵ ئەدەین لە داهاتوودا كوردستانی ئێران لە شەڕ و شۆڕ رزگاری بێ ئەو هەموو شەڕ و كێشە بۆ خەڵكی كوردستانی ئێران بە زەرووری نابینین. بۆ ئەو مەبەستەش نەك هەر لەگەڵ موجاهیدین، لەگەڵ هەر هێزێكی شۆرشگێڕی دیكەش كە زەمینەساز بێت بۆ ئەوەی كە خەڵكی كوردستانی ئێران بە ئارامی درێژە بە ژیان بدات، پێوەندی دەگرین. ئێمە تەشكیلاتێكی سەربەخۆین، چۆن سەربەخۆ بووین لە پێوەندیی لەگەڵ  حكومەتی عێراقدا و ئێستاش كە لە كوردستانی عێراقین. وە ئەوانەش دەلیلن كە ئەندامانی سازمانی خەبات دەبێ شانازی بكەن بەوەی كە سازمانەكەیان چەندە تەشكیلاتێكی بە پرنسیب و خاوەن ئوسوولە. 


بەرێز كاك بابەشێخ لە پێوەند بە پێوەندی لەگەڵ ئەحزابی كوردستانی ئێران گوتی: ئێمە ویستوومانە لە گەڵ حیزبی دیموكرات و كۆمەڵە پێوەندی باشمان هەبێ و هەمیشەش پێشقدەم بووین بۆ ئەو مەبەستە. بەڵام ئێمە ناتوانین هیچ لایەنێك بە تەنیا بە رێبەری جووڵانەوەی گەلی كورد بزانین. هەر حیزبەو بە پێی توانا و قەوارەی خۆی.  


بەرێز سكرتێری گشتی لە پێوەند بە ناوخۆی سازمان و ئەركەكانی خۆمان فەرمووی: ئێمە لە باری سیاسیەوە هێزێكی سەربەخۆین، لە باری تەشكیلاتیەوە هێزێكی مونسەجیم و رێك و پێكین، بەڵام ئێمە هەندێ مووشكیلات و كەموكوریمان هەیە، لە بچووك بۆ گەورە و بە تەمەنەكانمان پێویستە كۆڵ بە تەشكیلاتەكەمانەوە هەڵگرین. ئەوەی رەنج  وزەحمەتی بۆ سازمانی خەبات كێشاوە بەرپرس و مەسئولە لە سازمان و دەبێ بە هەموومان كار و باری سازمانی خەبات بەرینە پێش. نابێ كەس و خۆی بە نامۆ ببینێ لە سەركەوتن و لە گەشەسەندنی سازمانی خەباتدا. ئەوەی كە سازمانی خەبات گەیشتووەتە ئەم قۆناغە زەحمەت و رەنجی یەك بە یەكی ئێوەیە. كەوایە جیددی بوون لە راپەراندنی كار و باری سازمان ئەركی ئاخر كەسمانە. هەموومان رێبەری سازمانی خەباتین و سازمانی خەباتیش هیی هەموومانە. كە وایە ئێمە دەبێ لە رێگەی گەشەسەندن و پێشخستنی سازمانی خەباتدا هەنگاوی زۆر جیددی هەڵگرین. لەو پێناوەشدا وەك سكرتێری گشتی سازمان هەموو پێشنیهادێك لە ئێوەی بەرێز وەردەگرم كە هەوڵ بدەین سازمانی خەبات ئەو مووشكیلاتەشی كە هەیە چارەسەری بكەین. 


 


لە دوای وتەكانی كاك بابەشێخ، ژمارەیەك لە ئەندامانی سازمان را و بۆچوون و پێشنیاری خۆیان بۆ زیاتر پەرەسەندنی و پێشخستنی كارەكانی سازمان لە ئوروپا و شوێنەكانی دیكە خستەڕوو.











 


 
ڕێکه‌وت: 2018-08-26 19:59:52
به‌شی ( چالاکیه‌کان )






  به‌شی : هه‌واڵی ئێران   کات : 2022-07-03 17:52:21
به‌شی : هه‌واڵی کوردستان
ڕێکه‌وت : 2022-06-29

به‌شی : هه‌واڵی کوردستان
ڕێکه‌وت : 2022-06-26

به‌شی : هه‌واڵی ئێران
ڕێکه‌وت : 2022-06-25

سیاسی