له‌سه‌رهێل 60
یه‌کشه‌ممه‌ 12 پووشپه‌ڕ 2722
سازمانی خه‌باتی کوردستانی ئێران
بەرێوەچوونی رێورەسمی 5ی خەرمانان لە وەڵاتی نۆروێژ

 

 

رۆژی شەممە 3ی خەرمانانی 1397ی بەرابەر بە 25ی ئاگۆستی 2018ی زایینی، بە ئامادەبوونی كاك بابەشێخی حسەینی سكرتێری گشتی و بەشداری ژمارەیەك لە ئەندامانی سازمان و دۆستانی بەرێز و كوردانی نیشتەجێ لە وەڵاتی نۆروێژ بەتایبەت لە پارێزگای ئۆستفۆڵد رێورەسمی 5ی خەرمانان یادی 38مین ساڵیادی دامەزرانی سازمانی خەباتی كوردستانی ئێران بەشێوەیەكی بەشكۆ، لەلایەن كۆمیتەی نۆروێژی سازمانەوە بەرێوەچوو.



سەرەتای بەرنامەكان بە سرودی نەتەوەیی ئەی رەقیب و دەقیقەیەك وەستان وەك رێز و وەفا بۆ گیانی پاكی شەهیدانی كوردستان و بەتایبەت شەهیدانی سوورخەڵاتی سازمانی خەبات دەستی پێ كرد.



هەروەها مۆمی 38 ساڵەی دامەزرانی سازمان لەلایەن كەزیە یوسفی و كەیوان كەریمی دوو لاوی خوێنگەرمی رێزەكانی سازمانی خەبات لە نۆروێژ داگیرسا.



پاشان پەیامی كۆمیتەی نۆروێژی سازمانی خەباتی كوردستان لەلایەن كاك مەحمودی یوسفی بەرپرسی پەیوەندی كۆمیتەی نۆروێژی  سازمانەوە پێشكەش كرا. كاك مەحمود لە پەیامی كۆمیتەدا وێڕای بەخێرهێنانی نوێنەری هێز و لایەنە كوردستانیەكان و بەشداربووان، ئیشارەی بە زەروورەتی هاتنە مەیدانی سازمانی خەبات و جۆری كاركرد و رەوتی نوێبوونەوە و گەشەی  سازمان لە قۆناغە جۆراوجۆرەكانی 40 ساڵی رابردوو و بەتایبەت دەوری ئەرێنی سەركردایەتی و پێشمەرگە خۆنەویستەكانی سازمانی كرد.



پاش پەیامی كۆمیتەی نۆروێژ، بەرێز و تێكۆشەر كاك بابەشێخی حسەینی سكرتێری گشتی سازمانی خەبات چەند پەیڤێكی پێشكەش كرد و فەرمووی: سازمانی خەبات ماوەیەك لە دوای فەرمانی خومەینی بۆسەر كوردستان دامەزرا لەبەر ئەوەی هەم بەرپەرچی فەرمانی خومەینی بداتەوە، وە هەم وەك هێزێكی سیاسی تێگەیشتوو بۆ قۆناغێكی نوێ لە خەباتی نەتەوەیی و كوردایەتی پێی نایە مەیدانی خەباتی ئازادیخوازی. ئێمە تەشكیلاتێكی سیاسین كە نوێبوونەوەمان ساڵ بەساڵ و كات بە كاتە، سازمانی خەبات لە كۆنگرەی سێهەمی خۆیدا توانی بەرنامە و خەت و رێبازی خۆی بگۆری، بەرنامەكەی كردە نەتەوەیی و نیشتمانی، بۆ ئەوەی هەموو دانیشتووانی كوردستان، بە نەتەوە غەیرە كوردەكانی وەك ئازەری، ئەرمەنی و مەزهەب و فكرەكانی وەكوو ئەهلی حەقەوە خۆیان لە سازمانی خەباتدا ببیننەوە. من داوام ئەوەیە كە ئەوانەی خۆ بە خەمخۆری گەلی كورد دەزانن بێن سازمانی خەبات بەهێز بكەن. بەهێز بوونی سازمانی خەبات بەو فكرە نوێیەوە، كە هەموو وەرزێك خۆی ئەبدەیت دەكاتەوەو بەشێوەیەكی نوێ دێتە مەیدانی خەبات، گرینگیەكی زۆری هەیە.



سكرتێری گشتی لە درێژەی وتەكانی دا وتی: ئێمە باوەرمان وابووەو هیچ كاتیش ئەو باوەرەمان ناگۆرێ كە دژ بە ستەم و ستەمگەرانین، لە پێوەندی لەگەڵ حكومەتی عێراق سەلماندمان كە وەكوو هێزێكی مەسئول لەگەڵ ئەو حكومەتە هەڵسووكەوت و هەڵوێستمان نواند. خەبات و تێكۆشانمان لە پێناو نیشتمان بووە، بۆیە لەسەر هاوكاری خەڵكی كوردستنی عێراق و هێزە سیاسیەكانی گیانی خۆمان و داهاتووی سازمانی خەباتمان خستە مەترسیەوە. ئێمە تەشكیلاتێكین كە پێمان وایە كە رژیمی خۆمەینی دەبێ بروخێ و لەسەر ئەو بنەمایە هیچ تەعاروفێكمان نیە، وەختێك دۆستایەتی هێزێكی شۆرشگێڕی سەرانسەری وەكوو سازمانی موجاهیدین دەكەین، پێمان وایە ئەو هێزە باوەری بە مافی گەلی كورد هەیە و پێمان وایە هێزێكە كە جددیە لە دژمنایەتی ئەو رژیمە كە وایە بیركردنەوە و تێگەیشتنی ئێمە، بیركردنەوەیە لەسەر قازانج و  مەسڵەحەتی گشتی.



لە دوای وتەكانی سكرتێری گشتی سازمان، سرودێكی شۆرشگێڕانە لەلایەن هونەرمەند شێركۆ مەریوانیەوە پێشكەش كرا. 



پاشان پەیامی هاوبەشی رێكخراوەكانی ئافرەتان و لاوانی خەباتی كوردستانی ئێران لەلایەن خوشكە كەژاڵی كاكەییەوە پێشكەش كرا.



 هێز و لایەنە بەرێزانە پەیامی پیرۆزبایی خۆیان پێشكەش كرد كە برینی بوون لە: كاك قادری عەزیز بەیگی نوێنەری گۆمیتەی گشتی حیزبی دیمۆكراتی كوردستانی ئێران، كاك هەندرێن باوەنووری نوێنەری كۆمیتەی رێكخستنی یەكێتی نیشتمانی كوردستان، كاك رێبواری ئەحمەدزادە نوێنەری پارتی ئازادی كوردستان و كاك حامیدی جەعفەری نوێنەری هاوبیرانی دیموكرات.



هەروەها ژمارەیەك لە هێز و لایەنە سیاسیەكان بروسكەی پیرۆزبایی و چەپكەگوڵیان پێشكەش بە بەرێوەبەرانی رێورەسمی 5ی خەرمانان كرد كە بریتی بوون لە: 



پارتی دیموكراتی كوردستان، حیزبی دیموكراتی كوردستانی ئێران،كۆمەڵەی شۆڕشگێری زەحمەتكێشانی كوردستانی ئێران، حیزبی دیموكراتی كوردستان، بزوتنەوەی گۆڕان، پارتی ئازادی كوردستان و هاوبیرانی دیموكرات.



 



بەشی كۆتایی رێورەسمەكە تەرخان كرابوو بە هەڵپەركێ و گۆرانی كە تا سەعات 24 درێژەی كێشا.


 


 





 

 



 


 








 
ڕێکه‌وت: 2018-08-28 10:51:32
به‌شی ( چالاکیه‌کان )






  به‌شی : هه‌واڵی ئێران   کات : 2022-07-03 17:52:21
به‌شی : هه‌واڵی کوردستان
ڕێکه‌وت : 2022-06-29

به‌شی : هه‌واڵی کوردستان
ڕێکه‌وت : 2022-06-26

به‌شی : هه‌واڵی ئێران
ڕێکه‌وت : 2022-06-25

سیاسی